Ереме́ё 26:16 - Библия - Пэ Балтитко Романи чиб (Романэс) 2019

¹⁶ И тхага́рья и сарэ́ мануша́ пхэндлэ́ рашангэ и пророкэнгэ: “Дава́ ману́ш на домардяпэ (намол) тэ мэрэ́л; пал-дова́ со ёв пхэндя́ амэ́нгэ Ра́скирэ-Дэвлэ́скирэ лавэ́стыр, амарэ́ Дэвлэ́стыр.”

Biblija - Pe Baltitko Romani čib (Romanes) 2019

¹⁶ I thagárja i saré manušá phendlé rašange i prorokenge: “Davá manúš na domardiape (namol) te merél; pal-dová so jov phendiá aménge Ráskire-Devléskire lavéstyr, amaré Devléstyr.”

Ереме́ё 26:16 Referans Kwoze

Apostolengiri Butý 23:29

и мэ ґалыём, со банг лэ́скири исын спхандлы лэ́нгирэ Законоса, и со нанэ дрэ лэ́стэ нисави́ банг, соб (кай) ёв тэ явэ́л мол мэрибна́скэ ци тэ чхувэ́с лэс дро штарибэ́н.

Apostolengiri Butý 23:9

И ґаздыя́пэ бари го́дла, и уштынэ́ лылвари́тка Фарисее́нгирэ рига́тыр и лынэ́ тэ ракирэ́н: “Амэ нисаво́ чорипэ́н на латхям дрэ адалэ́ манушэ́стэ; ко́ли ду́хо (фа́но) ци Янго́ло ракирдя́ лэ́скэ?”

Apostolengiri Butý 25:25

Нэ мэ роскэдыёмпэ, со ёв на кэрдя́ нисо́ дасаво, соб (кай) тэ явэ́л мол мэрибна́скэ, и сыр ёв кокоро́ мангдя́ Августоскиро сэ́ндо, мэ кэдыёмпэ тэ бичхавав лэс кэ ёв;

Ереме́ё 36:25

На дыкхи́ пэ дова́, со Элнафано, Дэлаия и Гемария мангнэ́ крали́с тэ на хачкирэл сви́тко, нэ ёв сароекх (усае́кх) на кандыя́ лэн.

Ереме́ё 36:19

Тэ́ньци тхага́рья пхэндлэ́ Варухоскэ: “Джа́ и гарадёв, ту и Ереме́ё; и мэк ние́кх (нико́н) тэ на джинэ́л, кай тумэ́ сан”

Luka 23:47

А халадэ́нгиро барыдыро́, дыкхи́ дава́, пхэндя́: “Дро кадава́ Ману́ш, со мыя́, сыс чачипэ́н”, – и ёв славиндя Дэвлэ́с.

Luka 23:41

Амэ́нгэ ж сыс чачуно́ сэ́ндо, со амэ сам мол пал дова́, со кэрдя́м; нэ Ёв ж ни саво́ чорипэ́н на кэрдя́.”

Матфеё 27:54

И шэлэнгирэ-халадэ́нгиро барыдыро́ и халадэ́, савэ́ кхэтанэ́ ракхэнас Исусо́с, сыр дыкхнэ́ пхувья́киро триинскрибэн и саро́, со кэрдя́пэ, страха́дынэ зоралэ́с, ракири́: “Чачэс, дава́ сыс Чхаво́ Дэвлэ́скиро.”

Ереме́ё 26:11

И рашая́, и проро́ки пхэндлэ́ тхагарьенгэ, и сарэ́ манушэ́нгэ, ракири́: “Адава́ ману́ш домардяпэ (мол) тэ мэрэ́л! Пир дова́, со ёв ангилпхэнэлас проти дава́ фо́ро, сыр тумэ́ шундлэ́ пэ́скирэ канэнца.”

Pritčy 16:7

Ко́ли манушэ́скирэ дрома́ исын лачхэ́ Ра́скэ-Дэвлэ́скэ, Ёв кэрэ́ла адя́кэ, со аж лэ́скирэ вэ́рги исын дро рама́нё лэ́са.

Ester 4:14

Ко́ли ту дро дава́ часо явэ́са штыл (промолчинэса), тэды васт (помошч) и зракхибэ́н явэ́на ваш Юдэ́нгэ явирэ штэто́стыр, а ту и тырэ́ – дадэ́скиро кхэр, хасёна. И кон джинэ́ла, ци на ваш дава́ часо ту и дорэсцян (долыян) крали́скири паты́в?”

Ереме́ё 34:10

И сарэ́ тхага́рья и сарэ́ мануша́, савэ́ прилынэ́ заве́то, кандынэ́, соб (кай) кажно (сва́ко) тэ отмэкэ́л пэ во́ля пэ́скирэ писхари́с и пэ́скирэ писхарица, соб (кай) тэ на рикирэ́л ние́кх буты́р лэн дрэ наволя, ёнэ кандынэ́ и мэкнэ́ лэн пэ во́ля.

Ереме́ё 37:15

И тхага́рья древа́н холясынэ пэ Еремеёстэ, и ёнэ шулякирэнас (марэнас) лэс и ёнэ чхудэ́ лэс дро штарибэ́н дро кхэр Ионафаноскиро, лыла́-чхиныбнаскирэскэ. Пал-дова́ со ёнэ кэрдэ́ штарибэ́н дро дова́ кхэр.

Psalmy 94:16

Кон явэ́ла тэ затэрдёл пал ма́ндэ анги́л одолэ́ндэ, савэ́ кэрэ́на чорипэ́н? Кон явэ́ла тэ рикирэ́л мири́ риг проти одолэ́ндэ, савэ́ кэрэ́на бэда рэ́нды (злыднитка де́лы)?