Ереме́ё 24:8 - Библия - Пэ Балтитко Романи чиб (Романэс) 2019

⁸ А со пал дова́ биба́хт инжыро, со лэс нашты́ тэ хас, шунэ́н: ‘Адя́кэ ракирэ́ла Рай Дэвэ́л: ‘Дасави́ биба́хт Мэ кэра́ва Сэдэкияскэ, крали́скэ Юдэя́тыр, и лэ́нгирэ тхагарье́нгэ, и манушэ́нгэ Ерусалимо́стыр, савэ́ ячнэ́пэ пэ дая́ пхув, и кодолэ́нгэ, савэ́ ячнэ́пэ пэ Египто́скири пхув.’

Biblija - Pe Baltitko Romani čib (Romanes) 2019

⁸ A so pal dová bibáht inžyro, so les naštý te xas, šunén: ‘Adiáke rakiréla Raj Devél: ‘Dasaví bibáht Me keráva Sedekijaske, kralíske Judejátyr, i léngire thagar'jénge, i manušénge Jerusalimóstyr, savé jačnépe pe daja phuv, i kodolénge, savé jačnépe pe Jegiptóskiri phuv.’

Ереме́ё 24:8 Referans Kwoze

Ереме́ё 43:1

И сыс адя́кэ: ке́ли Ереме́ё пирияця́ (кончындя) тэ ракирэ́л анги́л сарэ́ манушэ́ндэ сарэ́ лава́ Ра́скирэ-Дэвлэ́скирэ, лэ́нгирэ Дэвлэ́скирэ, савэ́нца Рай Дэвэ́л, лэ́нгиро Дэвэ́л, бичхадя́ лэс кэ ёнэ – сарэ́ далэ́ лава́,

Ереме́ё 37:17

то кра́ли Сэдэки́я бичхадя́ тэ янэл лэс яври́. О кра́ли пхучэлас чораханэ́с лэ́стыр дро пэ́скиро кхэр и пхэндя́: “Ци исын вари-саво́ лаворо Ра́стыр-Дэвлэ́стыр?” И отпхэндя́ Ереме́ё: “Исын.” Тэ́ньци ёв пхэндя́: “Тут выдэна дрэ васта́ крали́скирэ Вавилоно́стыр!”

Ереме́ё 24:2

Екх кхудо (корзина) сыс древа́н лачхэ́ инжыроса сыр пэ́рва спе́ла му́ри, и яви́р кхудо сыс древа́н адасавэ́ налачхэ́ инжыроса, со лэ́скирэ му́ри сыс нашты́ тэ хас.

Ереме́ё 37:10

Пал-дова́ со на дыкхи́ пэ дова́, со тумэ́ и домарэнас саро́ халадыбэ́н Халдеенгиро, савэ́ марэнаспэ проти тумэ́ндэ, и одо́й тэ ячэ́нпэ фэ́ни дукхадэ (ранена) мануша́ лэ́ндыр, тэды сароекх уштэлас кажно (сва́ко) ману́ш дрэ пэ́скири ша́тра, и хачкирэлас фо́ро яга́са.’”

Ереме́ё 24:5

‘Адя́кэ ракирэ́ла Рай Дэвэ́л, Израилёскиро Дэвэ́л: “Сыр дава́ лачхо́ инжыро, адя́кэ и Мэ ява́ва тэ гинав пал лачхэндэ манушэ́ндэ, савэ́н залыджинэ дро пле́но Юдэя́тыр, конэ́с Мэ бичхадём криг далэ́ штэто́стыр пэ пхув Халдеенгири.

Ереме́ё 21:10

Пал-дова́ со, Мэ рискирдём Пэ́скиро ило́ пэ дава́ фо́ро пэ биба́хт (чорипэ́н), а на пэ лачхипэ́н, – ракира́ва Мэ, Рай Дэвэ́л. ‘Дава́ фо́ро явэ́ла отдыно́ дрэ крали́скирэ-Вавилоно́скиро васт, и ёв схачкирэ́ла лэс яга́са.’”

Ереме́ё 44:1

Лав, саво́ сыс Еремеёскэ пал сарэ́ Юдэ́ндэ, кон дживдя́ пэ пхув Египто́скири, савэ́ ячнэ́ тэ дживэ́н кэ Магдола [Мигдола-ю.о.], и дро Тафнисо (Тафанеса), дро Нофо, и пэ пхув Пафрососкири, ракири́:

1 Паралипоменоно 3:15

Чхавэ́ Иосияскирэ сыс: англатуно́ чхаво́ Иоахазо, яви́р Иоакимо, три́то Сэдэки́я, шта́рто Селумо.

Ереме́ё 13:7

Тэ́ньци мэ гиём кэ Евфрато и ґанадём, и мэ вылыём кусты́к долэ́ штэто́стыр, кай мэ гарадём ла; и, ґа́да, кусты́к яця́ налачхи. Ла́тыр на сыс ужэ ни саво́ лачхипэ́н.