Ереме́ё 24:5 - Библия - Пэ Балтитко Романи чиб (Романэс) 2019

⁵ ‘Адя́кэ ракирэ́ла Рай Дэвэ́л, Израилёскиро Дэвэ́л: “Сыр дава́ лачхо́ инжыро, адя́кэ и Мэ ява́ва тэ гинав пал лачхэндэ манушэ́ндэ, савэ́н залыджинэ дро пле́но Юдэя́тыр, конэ́с Мэ бичхадём криг далэ́ штэто́стыр пэ пхув Халдеенгири.

Biblija - Pe Baltitko Romani čib (Romanes) 2019

⁵ ‘Adiáke rakiréla Raj Devél, Izrailjoskiro Devél: “Syr davá lačhó inžyro, adiáke i Me javáva te ginav pal lačhende manušénde, savén zalydžine dro pliéno Judejátyr, konés Me bičhadjom krig dalé štetóstyr pe phuv Xaldiejengiri.

Ереме́ё 24:5 Referans Kwoze

Заха́рия 13:9

И лыджа́ва Мэ до три́то паш дрэ яг, билякирава лэс, сыр билякирэна руп, и выжужакирава лэс, сыр жужакирэна сувнака́й: ёнэ лэ́на тэ кхарэ́н лав Миро. И Мэ вышунава лэн и отпхэнава: ‘Дава́ исын Мирэ́ мануша́,’ нэ ёнэ пхэнэ́на: ‘Рай Дэвэ́л исын Дэвэ́л миро!’”

Naumo 1:7

О Рай Дэвэ́л исын лачхо́, и сы́рбы кхэр тэ гарадёл, сыр исын пхаро́ манушэ́скэ: Ёв джинэ́ла кодолэ́н, савэ́ допатяна Лэ́скэ.

Sykadyipén 3:19

Сарэ́нгэ, кон исын дро́го Ма́нгэ, Мэ пхэна́ва зорья́са лэ́нгири банг и сыклякирава лэн кэ дукха́. Палдава́ яв хачкирдэ́ илэ́са кэ Дэвэ́л и ри́скир пэ́скиро джиибэ́н кэ Ёв.

2 Ximaske 2:19

Нэ усае́кх зорало́ чачыпнаскиро фунда́менто, со Дэвэ́л чхудя́ анги́л, исын тэрдо́, пэ лэ́стэ исын чхуды́ чэргэнори́ чхиндлэ́ лавэ́нца: “Рай Дэвэ́л джинэ́ла Пэскирэн манушэ́н, кажно, кон рипирэла Ра́скирэ-Дэвлэ́скиро лав, мэк тэ дурьёл начачипнастыр.”

Galatenge 4:9

а какана́ тумэ́ приджиндлэ Дэвлэ́с, а фэды́р тэ пхэнас, со Дэвэ́л приджиндя тумэн; сыр дава́ тумэ́ нэвэ́стыр рисинэ́ кэ бизорья́кирэ и бэда ду́хи, савэ́нгэ свэ́то поклонинэлапэ, сы́рбы тумэ́ камэ́на тэ ячэн нэвэ́стыр писхарье́нца анги́л кадалэ́ ду́хи.

1 Коринфянэнгэ 8:3

А ко́ли вари-кон рикирэ́ла сыр Дро́гима Дэвлэ́с дро пэ́скиро ило́, то Дэвэ́л джинэ́ла лэс:

Римлянэнгэ 8:28

Нэ амэ джина́са, со кон рикирэ́ла сыр Дро́гима Дэвлэ́с дро пэ́скиро ило́ и конэ́с кхардэ́ пир Лэ́скиро упхэныбэ́н, одолэ́н Дэвэ́л лыджа́ла сарэ́н кэ бахт.

Joannostir 10:27

Мирэ́ бакрэ́ шунэ́на зан Мири́, и Мэ джино́м (джина́в) лэн, и ёнэ джа́на пал Ма́ндэ;

Матфеё 25:12

нэ Ёв отпхэнэ́ла лавэ́нца: ‘Чачэс, Мэ ракира́ва тумэ́нгэ, Мэ на джино́м тумэн.’

Psalmy 119:71

Ту пририкирдян ман ваш миро лачхипэ́н, соб (кай) ма́нгэ тэ высыклёвав Тырэ́ стату́ты.

Psalmy 119:67

Анги́л дова́, сыр Ту притасадян ман, мэ хохадёмпэ, нэ какана́ мэ ракхава Тыро́ лав.

Яви́р Зако́но 8:16

Саво́ чалякирдя тут пэ чхучи́ пхув маннаса, сави́ на джиндлэ́ тырэ́ дада́, соб (кай) Ёв тэ штылякирэл тут и тэ спробинэл тут, соб (кай) дурэды́р тэ кэрэ́л ту́кэ лачхипэ́н,

Ереме́ё 24:4

Нэвэ́стыр (нэвэ́с) явдя́ кэ мэ лав Ра́скирэ-Дэвлэ́скиро, и пхэндя́:

Ереме́ё 29:4

Адя́кэ ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро, сарэ́ пленнонэ манушэ́нгэ, савэ́н Мэ пиричхудём [пирилыджиём-р.с.] тэ дживэ́н Ерусалимо́стыр кэ Вавило́но:

Ереме́ё 29:20

Нэ тумэ́ сарэ́, кон исын дро пле́но, савэ́н Мэ бичхадём Ерусалимо́стыр кэ Вавило́но, шунэ́н Ра́скирэ-Дэвлэ́скиро лав.

Езэкилё 11:17

Тэ́ньци пхэн адя́кэ: “Мэ скэда́ва тумэн явирэ нацые́ндыр, Мэ яна́ва кхэтанэ́ тумэн тхэмэндыр, кэ савэ́ Мэ росчхудём тэ дживэ́н тумэн, и Мэ да́ва ту́кэ пхув Израилёскири.’”

Левито 26:44

и тэды, сыр ёнэ явэ́на пэ лэ́нгирэ-вэргэнгири пхув, – Мэ на ява́ва тэ на прилав лэн патыва́са, и ёнэ на явэ́на джунгалэ́ Ма́нгэ кэ дава́, соб (кай) тэ хасякира́в лэн, соб (кай) тэ роскушав Миро завето лэ́нца, пал-дова́ со Мэ сом Рай Дэвэ́л, лэ́нгиро Дэвэ́л;

Ереме́ё 29:11

И Мэ Кокоро́ джино́м (джина́в) Мирэ́ планы ваш тумэ́нгэ’ – ракирэ́ла Рай Дэвэ́л’, – планы, соб (кай) тэ явэ́л рама́нё (миро), а на чорипэ́н, соб (кай) тумэ́ндэ тэ явэ́л лачхо́ ужакирибэ́н (наде́я) пэ дывэса́, со ишчо (инкэ́) явэ́на.

Езэкилё 11:20

соб (кай) ёнэ тэ псирэ́н пир Мирэ́ стату́ты, и тэ рикирэнпэ кэ Мирэ́ упхэныбэна́, и тэ кэрэ́н пир лэ́ндэ и ёнэ явэ́на Мирэ́ мануша́, а Мэ ява́ва лэ́нгиро Дэвэ́л.