Ереме́ё 23:8 - Библия - Пэ Балтитко Романи чиб (Романэс) 2019

⁸ нэ: ‘Тэ явэ́л джидо́ Рай Дэвэ́л, Саво́ вылыджия́ и яндя́ палэ ро́до Израилёскирэ кхэрэ́стыр паш-ратитконэ́ (севернонэ) рига́тыр, и сарэ́ тхэмэндыр, кэ савэ́ Мэ вытрадыём лэн. И ёнэ ячэ́напэ (явэ́на) тэ дживэ́н пэ лэ́нгири пхув.”

Biblija - Pe Baltitko Romani čib (Romanes) 2019

⁸ ne: ‘Te javél džidó Raj Devél, Savó vylydžijá i jandiá pale ródo Izrailjoskire kheréstyr paš-ratitkoné (sieviernone) rigátyr, i saré themendyr, ke savé Me vytradyjom len. I jone jačénape (javéna) te dživén pe léngiri phuv.”

Ереме́ё 23:8 Referans Kwoze

Езэкилё 34:13

И Мэ вылыджава лэн народэндыр, Мэ скэда́ва лэн ригэ́ндыр, Мэ яна́ва лэн пэ лэ́нгири пхув, Мэ ява́ва тэ чаравав лэн пэ Израилёскири бэ́рги пашы́л панескиро потоко, пэ сарэ́ адалакирэ-пхувья́киро штэ́ты.

Софония 3:20

Дро дава́ часо Мэ яна́ва тумэн палэ, и адя́кэ-паць Мэ скэда́ва тумэн. Мэ да́ва паты́в тумэ́нгэ и ґазда́ва тумэн машки́р сарэ́ манушэ́ндэ пэ пхув, ке́ли Мэ яна́ва палэ тумарэ́ пленонэн анги́л тумарэ́ якха́”, – пхэндя́ Рай Дэвэ́л.

Езэкилё 39:28

И ґалёна, со Мэ сом лэ́нгиро Рай Дэвэ́л, Дэвэ́л, ко́ли рострадава лэн машки́р народы, а тэ́ньчи скэда́ва лэн пэ лэ́нгири пхув, и Мэ на ячавава (ячкирава) одо́й никонэ́с лэ́ндыр.

Езэкилё 37:25

Тэ́ньци ёнэ явэ́на тэ дживэ́н пэ пхув, сави́ Мэ дыём Мирэ́ писхари́скэ Яково́скэ, пэ сави́ дживэ́нас лэ́нгирэ дада́; одо́й ёнэ явэ́на ве́чнэс тэ дживэ́н ёнэ, лэ́нгирэ чхаворэ́, лэ́нгирэ – чхаворэнгирэ чхаворэ́; и Миро писха́ри Дави́до явэ́ла тхага́ри пэ лэ́ндэ пэ сарэ́ ве́ки.

Езэкилё 36:24

Мэ ла́ва тумэн Наюдытконэ́ нацые́ндыр (народэндыр), кэдава тумэн сарэ́ ригэ́ндыр, Мэ яна́ва тумэн пэ тумари́ пхув.

Ереме́ё 23:3

“Нэ Мэ скэда́ва отячибэн (одолэ́н, кон яця́пэ) Мирэ́ ґуртостыр сарэ́ тхэмэндыр, кэ савэ́ Мэ протрадыём лэн, и Мэ яна́ва лэн палэ пэ лэ́нгирэ чаритка пхувья́, и лэ́ндэ явэ́на бут чхаворэ́, и лэн явэ́ла бут.

Isajos 14:1

Пашылэды́р исын лэ́скиро часо, на явэ́на тэ тырдэнпэ лэ́скирэ дывэса́, пал-дова́ со потангинэла Рай Дэвэ́л Яково́с, ишчо (инкэ́) явэ́ла пир ило́ Лэ́скэ Израилё, и Ёв дэ́ла, соб (кай) тэ дживэ́н ёнэ пэ Лэ́скири пхув, явэ́на кэ ёнэ явирэ-рига́тыр мануша́, припхандэнапэ кэ кхэр Яково́скиро.

Ереме́ё 8:3

И сарэ́ мануша́, савэ́ ячэ́напэ джидэ́ далэ́ бибахталэ́-кхэритконэ́ родо́стыр выкэдэна пэ́скэ фэды́р тэ мэрэ́н, сыр тэ дживэ́н пэ сарэ́ долэ́ штэ́ты, пэ савэ́ Мэ традыём [вытрадава-р.с.] лэн,’ – ракирэ́ла болыбна́скирэ-янголэ́нгиро Рай Дэвэ́л.

Ереме́ё 16:15

нэ явэ́на тэ ракирэ́н: ‘Тэ дживэ́л Рай Дэвэ́л, Саво́ яндя́ Израилёскирэ чхавэ́н паш-ратитконэ́ (севернонэ) пхувья́тыр, и, сарэ́ пхувьендыр, карик Ёв вытрадыя́ лэн. ‘Пал-дова́ со Мэ яна́ва палэ лэн пэ пхув, сави́ Мэ дыём лэ́нгирэ дадэ́нгэ.

Ереме́ё 29:14

и Тумэ́ латхэ́на Ман’, – ракирэ́ла Рай Дэвэ́л, – и Мэ яна́ва палэ тумэн тумарэ́ плено́стыр: и Мэ скэда́ва тумэн сарэ́ Наюдытконэ́ нацые́ндыр и сарэ́ штэтэ́ндыр, кэ савэ́ Мэ традыём тумэн’, – ракирэ́ла Рай Дэвэ́л, – ‘и Мэ яна́ва тумэн палэ пэ штэ́то’, савэ́стыр Мэ тумэн лыджиём дро пле́но.

Ереме́ё 30:3

Акэ явэ́на дывэса́’, – ракирэ́ла Рай Дэвэ́л, – ‘Ке́ли Мэ яна́ва палэ плено́стыр Мирэ́ манушэ́н Израилёстыр и Юдэя́тыр’, – ракирэ́ла Рай Дэвэ́л. ‘И Мэ кэра́ва адя́кэ, соб (кай) ёнэ тэ рисён пэ пхув, сави́ Мэ дыём лэ́нгирэ дадэ́нгэ, соб (кай) ёнэ тэ явэ́н хулая́ пэ ла́тэ.’”

Ереме́ё 30:10

И ту, Миро писха́ри, Яково, на дар’, – ракирэ́ла Рай Дэвэ́л’, – на замэр дара́тыр, о Израилё: Акэ, Мэ зракха́ва тут дуратунэ́ тхэмэстыр, и тыро́ кхэри́тко ро́до штэтэ́ндыр, кай сыс ёнэ дро пле́но. О Яково рисёла палэ и явэ́ла рама́нё, Ёв явэ́ла тэ дживэ́л би дара́киро.

Ереме́ё 31:8

Дыкхэ́н, Мэ яна́ва палэ лэн паш-ратитконэ́ тхэмэстыр, и Мэ скэда́ва лэн самонэ ягорэндыр пэ пхув. Машкир лэ́ндэ явэ́на: корори, и лангалы, пхари́ джувлы́, и джувлы́, савьякэ, трэй тэ биянэ́л-кхэтанэ́; баро́ скэдыибэ́н (сонмо) явэ́ла палэ [рисёла-р.с.] ада́й!

Ереме́ё 32:37

Акэ, Мэ ява́ва тэ кэдав лэн сарэ́ тхэмэндыр (странэндыр), кэ савэ́ Мэ традыём лэн дрэ Мири́ холы́, и дро Миро холякирибэ́н, и дро Мири́ хор холы́, и Мэ яна́ва палэ лэн пэ дава́ штэ́то, и Мэ да́ва лэ́нгэ тэ дживэ́н би дара́киро.

Езэкилё 28:25

Адя́кэ ракирэ́ла Рай Дэвэ́л, Дэвэ́л: Ко́ли Мэ скэда́ва Израилёскиро кхэр народэндыр, машки́р савэ́ ёнэ исын рострадынэ; то Мэ сыкава́ва пэ лэ́ндэ, со Мэ сом Свэ́нто, соб (кай) тэ дыкхэ́л манушэ́нгиро ро́до; ёнэ явэ́на тэ дживэ́н пэ пэ́скири пхув, сави́ Мэ дыём Мирэ́ писхари́скэ, Яково́скэ.

Ioil 3:7

Акэ, Мэ ґазда́ва лэн одолэ́ штэто́стыр, кэ саво́ тумэ́ бикиндлэ лэн, и Мэ рискира́ва палэ сыр отдыибэ́н дова́, со тумэ́ кэрдэ́, пэ тумаро́ шэро́.

Isajos 11:11

Явэ́ла дро дова́ дывэ́с адя́кэ: ишчо (инкэ́) протырдэла Рай Дэвэ́л Пэ́скиро васт, соб (кай) тэ рискирэ́л ячаибэ́н Пэ́скирэ народо́стыр, саво́ ячэ́лапэ кэ Асуро, дро Еги́пто, кэ Патросо, кэ Хусо, кэ Еламо, кэ Сенааро, кэ Емафо, пэ островы, савэ́ исын пир мо́рё (дэрья́в).

Ереме́ё 16:14

“Палдава́, акэ, явэ́на дывэса́, – дава́ Мэ, Рай Дэвэ́л, ракира́ва, – со на явэ́на буты́р тэ ракирэ́н: ‘Тэ дживэ́л Рай Дэвэ́л, Саво́ яндя́ Израилёскирэ чхавэ́н Египто́скирэ пхувья́тыр’;

Езэкилё 36:35

Тэ́ньци пхэнэ́на: “Кадая́ чхучи́ пхув кэрдя́пэ сыр Эдэмоскири у́нта (садо); со и дрэ кадалэ́ роспхагирдэ́, чхучэ́, обчордэ фо́рья дживэ́на мануша́?”

Mihiejo 7:15

Сыр сыс дрэ дывэса́, ке́ли ёнэ выджа́нас Египто́скирэ пхувья́тыр, сыка́в лэ́нгэ Тырэ́ ди́вна рэ́нды.