Ереме́ё 23:2 - Библия - Пэ Балтитко Романи чиб (Романэс) 2019

² Палдава́ адя́кэ ракирэ́ла Рай Дэвэ́л, Израилёскиро Дэвэ́л пал чхупнарьендэ (пастырендэ), кон чалякирэла Лэ́скирэ манушэ́н: “Тумэ́ росчхурдынэ (рострадынэ) Миро гурто и традынэ лэн криг, и тумэ́ на дыкхнэ́ пал лэ́ндэ. Акэ, Мэ ява́ва тэ сэндякирав тумэн пал биба́хт (тумарэ́ фуй рэ́нды), со тумэ́ кэрдэ́”, – ракирэ́ла Рай Дэвэ́л.

Biblija - Pe Baltitko Romani čib (Romanes) 2019

² Paldavá adiáke rakiréla Raj Devél, Izrailjoskiro Devél pal čhupnar'jende (pastyriende), kon čaliakirela Léskire manušén: “Tumé rosčhurdyne (rostradyne) Miro gurto i tradyne len krig, i tumé na dykhné pal lénde. Ake, Me javáva te sendiakirav tumen pal bibáht (tumaré fuj réndy), so tumé kerdé”, – rakiréla Raj Devél.

Ереме́ё 23:2 Referans Kwoze

Mihiejo 7:4

Най фэдэды́р ману́ш лэ́ндыр исын сы́рбы канрало хру́сто, а най чачунэдыр ману́ш исын вострэдыр (чолалэдыр) тыностыр пхусадытконэ хрустэндыр; явдя́ дывэ́с Тырэ́-ракхибнарьенгиро, со Ту явэ́са тэ сэндинэс, акана́ явэ́ла лэ́нгиро конфузо (бу́нто).

Ереме́ё 21:12

О, Давидо́скиро кхэр! Адя́кэ’, – ракира́ва Мэ, Рай Дэвэ́л: ‘Сэндякирэн чачипна́са тася́рлэс (ра́нэс) пэ зло́ко, и ракхэ́н обчордэ манушэ́с вастэ́стыр, саво́ традэ́ла лэс, соб (кай) Миро мижэхипэн тэ на выджа́л сыр яг, и тэ на росхачол адя́кэ, со нико́н на мурдякирэла ла пал дова́, со тумэ́ кэрэ́нас биба́хт (налачхэ́ рэ́нды).

Vygiiben 32:34

и адя́кэ джа́, лы́джа адалэ́ манушэ́н, карик Мэ ту́кэ пхэндём; ґа́да, Миро Янго́ло джа́ла анги́л ту́тэ, и дро Миро дывэ́с, сыр Мэ ява́ва тэ чхував ка́ра, Мэ заджава кэ ёнэ пал лэ́нгиро грэ́хо.”

Ереме́ё 23:34

И ко́ли проро́ко, ци раша́й, ци мануша́ пхэнэ́на: ‘Дава́ исын пхарипэ́н Растэ-Дэвлэ́стэ.’ Мэ адя́кэ-паць и сэндякирава пхарэ́с кадалэ́ манушэ́с и лэ́скири сэ́м΄я (ири́).

Jakov 1:27

Жужэ́-патяибнаскири и намагирды строгима анги́л Дэвлэ́стэ Дадэ́стэ исын дро дова́, соб (кай) тумэ́ тэ джа́н тэ дыкхэ́н пал пиротэндэ (сиротэндэ) и пивлендэ (удовэндэ), ке́ли ёнэ пхарэ́с пиридживэна и тэ зракхэн пэс бидошакирэнца далэ́ свэто́стыр.

Матфеё 25:43

Мэ со́мас чу́жо ману́ш и тумэ́ на прилынэ́ Ман, Со́мас би урибнаскиро, и тумэ́ на уридэ́ Ман, Со́мас насвало́ и дро штарибэ́н и тумэ́ на явнэ́ тэ дыкхэнпэ Ма́нца.’

Osija 2:13

И Мэ пхарэ́с сэндякирава ла пал кодолэ́ дывэса́, пэ савэ́ ёй тхувалякирдя дро́га смо́лы Ваалэнгэ. Ёй шукарьякирдя пэс чэненца и мирикленца, и ёй гия́ пал ла́кирэ камлытконэ муршэндэ, и тэды ёй бистырдя Ман”, – ракирэ́ла Рай Дэвэ́л.

Ереме́ё 13:21

Со тумэ́ пхэнэ́на, ке́ли Рай Дэвэ́л явэ́ла кэ тумэ́, пир-дова́ со тумэ́ сыклякирдэ́ лэн, соб (кай) ёнэ тэ явэ́н шэралэ́ тхага́рья пэ тумэ́ндэ? Ци на ухтылэна (на́доси) тут дукханэ туги сы́рбы джувля́, сави́ исын банги тэ биянэ́л?

Ереме́ё 11:22

Палдава́ адя́кэ ракирэ́ла болыбна́скирэ-янголэ́нгиро Рай Дэвэ́л: “Акэ, Мэ пхарэ́с сэндякирава лэн: тэрнэ́ мануша́ мэрэ́на куртала́тыр, лэ́нгирэ чхавэ́ и чхая́ мэрэ́на бокха́тыр;

Ереме́ё 8:12

Ци ладжандынэ ёнэ, сыр ёнэ кэрдэ́ джунгалэ́ дэвлорэ́? Над! Ёнэ на ладжандынэ сарэ́са, и ёнэ на джиндлэ́ тэ лолён. Палдава́ ёнэ пэрэ́на машки́р одолэ́ндэ, савэ́ пынэ́, дро лэ́нгирэ-сэндоскиро часо (цы́ро) ёнэ обштавэна,’ – раки́рла Рай Дэвэ́л.

Ереме́ё 5:29

Сыр дава́ Мэ тэ на сэндякирав пхарэ́с лэн пал саро́ дава́? – ракирэ́ла Рай Дэвэ́л. Сыр Мэ тэ на отдав палэ холын кадасавэ́ манушытконэ́ нацыя́кэ сыр исын кадалэ́ мануша́?

Ереме́ё 5:9

“Сыр Мэ тэ на сэндякирав пхарэ́с лэн пал саро́ дава́?” – ракирэ́ла Рай Дэвэ́л. “Сыр Мэ тэ на отдав палэ холын дасавэ́ манушытконэ́ нацыя́кэ сыр кадалэ́ мануша́?

Матфеё 25:36

Мэ со́мас би урибнаскиро и тумэ́ уридэ́ Ман; со́мас насвало́ и тумэ́ загинэ́ кэ Мэ, со́мас бэшто́ и тумэ́ явнэ́ тэ дыкхэнпэ Ма́нца.’

Ереме́ё 10:21

Пал-дова́ со чхупна́рья [пастыри-р.с.] ячнэ́ пхарэ́-илытка, и ёнэ на родынэ Рас-Дэвлэ́с, палдава́ ёнэ на кэрдэ́ годэс, и саро́ лэ́нгиро ґурто исын росчхурдыно.

Ереме́ё 13:17

Нэ ко́ли тумэ́ на явэ́на тэ кандэ́н дава́, то тэды мэ, Ереме́ё, ява́ва тэ ровав дрэ гарадэ́ штэ́ты пал тумаро́ пхутькирибэ́н, и мирэ́ якха́ явэ́на тэ ровэ́н киркэс, пал-дова́ со Ра́скирэ-Дэвлэ́скиро ґурто лыджино криг дрэ наволя (пле́но).

Ереме́ё 13:20

Ѓаздэн тумарэ́ якха́ и дыкхэ́н, со джа́ла пэ тумэ́ндэ паш-ратитконэ́ (севернонэ) рига́тыр. Кай тыро́ ґурто, шука́р ґурто, саво́ сыс дыно́ ту́кэ?

Ереме́ё 44:22

И Рай Дэвэ́л буты́р на дэ́лас ра́да тэ вырикирэл дава́ пир доя́ биба́хт, со тумэ́ кэрдэ́ и пир джунгалэ́ (брыдка) рэ́нды, со тумэ́ кэрдэ́. Палдава́ тумари́ пхув исын чхучи́, ди́во трашаса, прокошыбэ́н (арман), би манушэ́нгири, сыр дава́ исын кэ ададывэ́с.”

Езэкилё 34:5

И роспрастындынэпэ ёнэ би чхупнарискиро, а ко́ли роспрастындынэпэ, то кэрдэ́пэ кажнонэ́ фэлдытконэ мурдалэскэ (зверёскэ) хабнаса.

Заха́рия 11:16

Пал-дова́ со, акэ, Мэ ячавава пэ дая́ пхув чхупнарис, саво́ на лэ́ла тэ пэкэлпэ пал хаськирибнаскирэндэ, и ёв на лэ́ла тэ родэ́л нашадэн, на лэ́ла тэ састякирэл насвалэн, и састэн ёв на лэ́ла тэ чаравэл, нэ ёв явэ́ла тэ хал мас тхулэнгиро, и копыты (ная) лэ́нгирэ роскушнэ пэ котэра́.

Ереме́ё 17:10

Мэ, Рай Дэвэ́л, розґалёвава кажно ило́, Мэ пропатякирава андра́л манушэ́с, соб (кай) тэ дав кажнонэ́скэ (сваконэскэ) пир лэ́скирэ дрома́, пир дова́, со ёв кэрдя́.

Заха́рия 10:3

Пэ чхупнарьендэ захачи́я холын Мири́, и бузнэн (козлэн) Мэ ява́ва тэ мара́в; пал-дова́ со явэ́ла янголэ́нгирэ-болыбна́скиро Рай Дэвэ́л кэ ґурто Пэ́скиро, Юда́скиро кхэр, и чхувэ́ла лэн, сыр тхагаритконэ грэс пэ́скирэс пэ марибны́тко фэ́лда.