Ереме́ё 22:8 - Библия - Пэ Балтитко Романи чиб (Романэс) 2019

⁸ И бут яви́р мануша́ явэ́на тэ джа́н пирда́л дава́ фо́ро, и кажно лэ́ндыр пхэнэ́ла екх екхэ́скэ: ‘Пал со да Рай Дэвэ́л кэрдя́ адя́кэ кадалэ́ барэ́ фороса?’

Biblija - Pe Baltitko Romani čib (Romanes) 2019

⁸ I but javír manušá javéna te džán pirdál davá fóro, i kažno léndyr phenéla jekh jekhéske: ‘Pal so da Raj Devél kerdiá adiáke kadalé baré forosa?’

Ереме́ё 22:8 Referans Kwoze

Дание́лё 9:7

Ту́тэ, Раё, исын чачипэ́н, и амэ́ндэ пэ муя́ исын ладж; сыр акана́, кажнонэ́ Юдостэ, сыр Ерусалимо́скирэ джиибнаскирьендэ, и кэ саро́ Израилё, дрэ пашатунэндэ и дуранэндэ, дрэ сарэ́ тхэма, карик Ту традыян лэн пало́ лэ́нгиро отгиибэн, савэ́са ёнэ отгинэ́ Ту́тыр.

Roiben 4:12

Кра́лья пэ пхув и сарэ́ джиибнарья пэ свэ́то на патяндынэ́, со намал и вэ́рго заджа́ла дрэ Ерусалимо́скири по́рта, –

Ереме́ё 16:10

И явэ́ла адя́кэ: ке́ли ту роспхэнэса сарэ́ далэ́ лава́ одолэ́ манушэ́нгэ, тэ́ньчи ёнэ пхэнэ́на ту́кэ: ‘Пал со дава́ выпхэндя Рай Дэвэ́л сари́ дая́ бари биба́хт (би́да) пэ амэ́ндэ? Дро со исын амаро́ чорипэ́н? Ци саво́ грэ́хо амэ кэрдя́м проти Растэ-Дэвлэ́стэ, амарэ́ Дэвлэ́стэ?’

Ереме́ё 40:2

И лыя́ рай пэ крали́скири стрэ́га Еремеёс и пхэндя́ лэ́скэ: “Рай Дэвэ́л, тыро́ Дэвэ́л пхэндя́ биба́хт пэ дава́ штэ́то.

Езэкилё 5:15

И явэ́са ту сабнаса, и ладжаса, сыкаибнаса, и явэ́на тэ дивинэнпэ дара́са пэ ту́тэ народы, савэ́ исын пашы́л ту́тэ, ко́ли Мэ ява́ва тэ сэндякирав тут барэ́ холя́са и мэнькаса. Мэ, Рай Дэвэ́л, Дэвэ́л, пхэндём дава́.

Езэкилё 12:16

Нэ на́бут манушэ́н лэ́ндыр Мэ зракха́ва куртала́тыр, бокха́тыр и франсэндыр, соб (кай) ёнэ тэ роспхэнэ́н Наюдытконэ́ манушэ́нгэ, кэ савэ́ ёнэ явэ́на, ваш сарэ́ пэ́скирэ налачхипэна, тэ́ньчи ёнэ ґалёна, со Мэ сом Рай Дэвэ́л, Дэвэ́л.”

Езэкилё 14:23

Ёнэ кэрэ́на адя́кэ, со тумэ́ бистрэна пал биба́хт, ко́ли дыкхэ́на, со ёнэ кэрэ́на и, савэ́ исын лэ́нгирэ рэ́нды. И ґалёна, со Мэ на ивья́ (напра́снэс) кэрдём саро́ дова́, со Мэ кэрдём дро Ерусалимо”, – ракирэ́ла Рай Дэвэ́л, Дэвэ́л.

Езэкилё 39:23

И ґалёна Наюды́тка на́цыи, со кхэр Израилёскиро сыс вытрадыно пэ́скирэ пхувья́тыр пал лэ́нгиро хохаибэ́н, пал-дова́, со ёнэ хохавэнас Ман, Мэ закэрдём лэ́ндыр Миро муй, отдыём лэн дрэ лэ́нгирэ-вэргэ́нгирэ васта́, сарэ́ ёнэ мынэ́ куртала́тыр.

Ереме́ё 40:3

Акана́ Рай Дэвэ́л яндя́ дая́ биба́хт и кэрдя́ адя́кэ, сыр ёв пхэндя́. Пал-дова́ со тумарэ́ мануша́ кэрдэ́ грэ́хо анги́л Растэ-Дэвлэ́стэ и на кандынэ́ Лэ́скири зан, палдава́ дава́ саро́ кэрдя́пэ тумэ́нца.