Ереме́ё 22:3 - Библия - Пэ Балтитко Романи чиб (Романэс) 2019

³ Адя́кэ ракира́ва Мэ, Рай Дэвэ́л: Кэрэ́н чачуно́ сэ́ндо и пир чачипэ́н, и ракхэ́н обчордэ манушэ́с вастэ́стыр, саво́ традэ́ла лэс: и на кэрэ́н намиштэс, на кэрэ́н нахратэс чужонэ́ манушэ́скэ, пиротоскэ (сиротаскэ), пивлякэ (удовакэ), и на прочхувэн бибангипнаскиро (набанго) рат пэ дава́ штэ́то.

Biblija - Pe Baltitko Romani čib (Romanes) 2019

³ Adiáke rakiráva Me, Raj Devél: Kerén čačunó séndo i pir čačipén, i rakhén občorde manušés vastéstyr, savó tradéla les: i na kerén namištes, na kerén nahrates čužoné manušéske, pirotoske (sirotaske), pivliake (udovake), i na pročhuven bibangipnaskiro (nabango) rat pe davá štéto.

Ереме́ё 22:3 Referans Kwoze

Ереме́ё 21:12

О, Давидо́скиро кхэр! Адя́кэ’, – ракира́ва Мэ, Рай Дэвэ́л: ‘Сэндякирэн чачипна́са тася́рлэс (ра́нэс) пэ зло́ко, и ракхэ́н обчордэ манушэ́с вастэ́стыр, саво́ традэ́ла лэс, соб (кай) Миро мижэхипэн тэ на выджа́л сыр яг, и тэ на росхачол адя́кэ, со нико́н на мурдякирэла ла пал дова́, со тумэ́ кэрэ́нас биба́хт (налачхэ́ рэ́нды).

Mihiejo 6:8

О Рай Дэвэ́л сыкадя́ ту́кэ, о манушэ, со исын лачхипэ́н, и со трэй Ра́скэ-Дэвлэ́скэ ту́тыр: тэ кэрэ́с пир чачипэ́н, тэ выкэдэс тэ кэрэ́с лачхипэ́н, и тэ дживэ́с напхутькирдэс анги́л тырэ́ Дэвлэ́стэ!

Ереме́ё 22:17

Нэ тырэ́ якха́ и тыро́ ило́ исын рискирдо ваш тыри́ ґалкима кэ барвалыпэ́н и тэ прочхувэс бибангипнаскиро (набанго) рат, и ваш дова́, соб (кай) тэ притасавэс, и тэ лэс пэ зор.

Jakov 1:27

Жужэ́-патяибнаскири и намагирды строгима анги́л Дэвлэ́стэ Дадэ́стэ исын дро дова́, соб (кай) тумэ́ тэ джа́н тэ дыкхэ́н пал пиротэндэ (сиротэндэ) и пивлендэ (удовэндэ), ке́ли ёнэ пхарэ́с пиридживэна и тэ зракхэн пэс бидошакирэнца далэ́ свэто́стыр.

Езэкилё 22:7

Ту́тэ намишто ракирэ́на пал датэ и дадэ́стэ: кэрэ́на намиштэс манушэ́са, саво́ явдя́ явирэ пхувья́тыр; машки́р ту́тэ накуч кэрэ́на пиротоса (бидадэскирэ чхавэ́са), пивляса (биромэскирэ манушняса).

Малахия 3:5

И Мэ ява́ва пашылэды́р кэ тумэ́ тэ сэндякирав пхарэ́с тумэн; Мэ ява́ва сыр сы́гно дудвало (обличытелё) проти джиныбнаскирэн пир чэргэня́ (чарадеен), проти биладжакунэскирэн (блэндарьен), проти одолэ́ндэ, кон хоханэ́с совлахала; проти одолэ́ндэ, кон хохавэла лавэ́нца бутярнэн, и проти одолэ́ндэ, кон притасавэла пивлен (удовэн), и пиротэн (сиротэн), и проти одолэ́ндэ, кон рисёла думэса кэ явирэ – тхэмэ́скирэ-манушэ́скиро право, – адя́кэ сыр ёнэ на дарэ́на Ма́ндыр”, – ракирэ́ла янголэ́нгирэ-болыбна́скиро Рай Дэвэ́л.

Ioil 3:19

Еги́пто явэ́ла сыр голоты́ня, и Эдо́мо сыр чхучи́ мал (сцеп), пал нахратыма, со ёнэ кэрдэ́ проти чхаворэндэ Юдаскирэндэ, пал-дова́ со ёнэ прочхудэ бибангипнаскиро рат пэ лэ́нгири пхув.

Ереме́ё 9:24

нэ мэк ёв, кон барьякирэ́ла пэс, тэ шарэлпэ (тэ барьякирэл пэс) далэ́са, со ёв ґалёла и, со ёв джинэ́ла Ман; пал-дова́ со дава́ Мэ сом, Рай Дэвэ́л, Кон сыкавэ́ла дро́го ла́ска, чачуно́ сэ́ндо и чачипэ́н пэ пхув. Пал-дова́ со Мэ зоралэ́с радынавпэ сарэ́стыр далэ́стыр”, – ракирэ́ла Рай Дэвэ́л.

Ереме́ё 5:28

Ёнэ ячнэ́ тхулэ, ёнэ зяинэна и, ґалён, со ёнэ пиригинэ́ любо ме́ра тэ кэрэ́н фуипэ́н, ёнэ на сэндякирэна пир рэ́ндо сыр трэй, пиротоскиро (сиротэнгиро) рэ́ндо, нэ лэ́нгэ удэлапэ кэ миштыпэ́н. Ёнэ на затэрдёна пал одолэнгиро чачипэ́н, кон исын дрэ трэ́бима.

Isajos 1:23

Тхага́рья (кня́зи) тырэ́ на кэрэ́на пир чачипэ́н, лэ́нгирэ дру́ги (мала́) исын чора. Сарэ́ ёнэ камэ́на мыто, праста́на пал ловэ́. Ёнэ на уштэна (затэрдёна) пал пиротэндэ (сиротэндэ) и пивлякиро (удовакиро) рэ́ндо на доджа́ла кэ ёнэ.

Pritčy 23:10

На пиричхув ґаратуны шпэ́ра пэ пхув, на рэс пэ фэ́лда, кай дживэ́на бидадэнгирэ чхавэ́.

Psalmy 68:5

Бага́н Дэвлэ́скэ, бага́н шарибнытка гиля́ Лэ́скирэ лавэ́скэ, ґаздэ́н шарибнаса Лэс, Саво́ традэ́ла уклисто пир о́блоки пэ болыбэ́н: Лэ́скиро лав исын Рай Дэвэ́л, ґаздэ́нпэ шарибнаса одо́й, кай Ёв исын.

4 Kralip 24:4

И пал рат, саво́ сыс бибангипнаскиро, саво́ ёв прочхудя, пхэрдякирдя́ Ерусалимо бибангипнаскирэ ратэ́са, Рай Дэвэ́л на закамдя́ лэ́скэ тэ отмэкэ́л.

Яви́р Зако́но 24:7

Ко́ли вари-конэ́с латхэ́на, со ёв чордя вари-конэ́стыр пэ́скирэ пшалэ́ндыр, Израилёскирэ чхавэ́ндыр, и кэрдя́ писхариса лэс, и бикиндя лэс; тэды адасавэс чорэс трэй тэ отдэ́н мэрибна́скэ; адя́кэ вытрадэ фуипэ́н пэ́стыр.

Ереме́ё 26:16

И тхага́рья и сарэ́ мануша́ пхэндлэ́ рашангэ и пророкэнгэ: “Дава́ ману́ш на домардяпэ (намол) тэ мэрэ́л; пал-дова́ со ёв пхэндя́ амэ́нгэ Ра́скирэ-Дэвлэ́скирэ лавэ́стыр, амарэ́ Дэвлэ́стыр.”

Pritčy 6:17

пхутькирдэ́ якха́, хоханы чиб и васта́, со прочхувэна бибангипнаскиро рат;

Psalmy 94:21

Ёнэ скэдэ́напэ кхэтанэ́ тэ мулякирэ́н чачипнаскирэ манушэ́с, ёнэ бангякирэна бибангэ манушэ́с, соб (кай) тэ прочхувэн лэ́скиро рат.

Psalmy 94:6

ёнэ замарэна пивлен (удовэн) и чужонэ́ манушэ́н и мулякирэна пиротэн (сиротэн).

Ióvo 24:9

А кадалэ́ фуй мануша́ отлэна криг пиротэн (сиротэн) колынэстыр и ёнэ лэ́на сымады́ чорорэндыр:

Ióvo 22:9

Ту бичхавэсас пивле́н (удовэн) чхучэ́ вастэ́нца, и ту пирипхагэсас васта́ пиротэнгэ (сиротэнгэ).

2 Kralip 23:3

Пхэндя Дэвэ́л Израилёскиро, и ракирдя́ пал ма́ндэ бэ́рга Израилёскири: “Яв хула́са пэ манушэ́ндэ, яв чачуно́, хулаин дара́са (дарьяса) Дэвлэскирьяса.

Яви́р Зако́но 27:19

Прокошно́ явэ́ла ману́ш, саво́ хоханэ́с сэндинэла манушэ́с, кон явдя́ явирэ рига́тыр, пиротос (сиротас) и пивля (удова)! И сарэ́ мануша́ пхэнэ́на: ами́нь.

Яви́р Зако́но 25:1

Ко́ли явэ́ла сэндытко рэ́ндо машки́р манушэ́ндэ, тэды мэк тэ янэ́н лэн пэ сэ́ндо и тэ россэндякирэн лэн, манушэ́с, саво́ исын на банго́, мэк лэс тэ отбичхавэн, а кон явэ́ла банго́, мэк лэс тэ сэндякирэн;

Яви́р Зако́но 10:18

Саво́ дэ́ла чачуно́ сэ́ндо пиротоскэ (сиротаскэ) и пивлякэ (удовакэ), и Савэ́скэ исын дро́га мануша́, савэ́ явнэ́ явирэ рига́тыр, и Ёв дэ́ла лэ́скэ маро́ и урибэ́н.

Левито 19:15

На сэндякирэс хоханэ́с пэ сэ́ндо; на яв проти чорорэстэ и на кэр гудлэс (на ладин) барвалэ́ манушэ́нгэ. Пир чачипэ́н сэндякир тырэ́ пашатунэс.

Mihiejo 3:11

лэ́нгирэ шэралэ́ сэндинэна пал почасту́нки (подарки), лэ́нгирэ рашая́ сыклякирэ́на пал плэскирибэн (покиныбэн), и лэ́нгирэ проро́ки сыклякирэ́на пал ловэ́, на дыкхи́ пэ дова́, со ёнэ рикирэнапэ Ра́скэ-Дэвлэ́скэ и пхэнэ́на ёнэ: “Ци нанэ Рай Дэвэ́л машки́р амэ́ндэ? На явэ́ла биба́хт (би́да) амэ́нгэ.”

Vygiiben 22:22

Ни ўдовэн (пивлен), ни сиротэн (пиротэн) на притасавэн;

Матфеё 23:23

Бида тумэ́нгэ, дуемуитка лылвари́тка и Фарисе́и: пал-дова́ со тумэ́ дэ́на дэ́што ме́ра мятатыр, укропостыр, кминостыр, нэ тумэ́ на кутякирэна дова́, со буты́р трэй дро Зако́но: чачуно́ сэ́ндо и тангипэ́н и патяибэ́н: дава́ трэиндя́ тэ кэрэ́н и адя́кэ-паць тэ на бистрэн пал яви́р.

Vygiiben 22:21

Манушэ́с, саво́ явэ́ла явирэ рига́тыр, на притасав, и на дукхав лэс, пал-дова́ со тумэ́ кокорэ́ са́нас явирэ-ригакирэ мануша́, савэ́ явнэ́ пэ Египто́скири пхув.

Isajos 58:6

Акэ, исын посто, саво́ Мэ выкэдыём: роспхагир хохаибнаскирэ састыра́, роспхандлэ шылэ, отмэк пэ во́ля пхандлэ манушэ́н, злэ пхарипэ́н лэ́ндыр.

Isajos 58:7

Дэ тыро́ маро́ бокхалэ́ манушэ́скэ; мэк чорорэ́, савэ́ псирэ́на пир свэ́то тэ заджа́н дро тыро́ кхэр; ко́ли дыкхэ́са, со джа́ла нанго – дэ лэ́скэ и́дя; и екхэ-ратэскирэ тырэстыр на гарадёв.

Ереме́ё 7:23

Нэ, акэ, со Мэ припхэндём лэ́нгэ, пхэни́: “Шунэ́н мири́ зан и Мэ ява́ва тумаро́ Дэвэ́л, и тумэ́ явэ́на Мирэ́ мануша́. И дживэ́н адя́кэ, сыр Мэ припхэндём тумэ́нгэ, соб (кай) тэ явэ́л миштэ́с тумэ́нгэ.”

Ереме́ё 19:4

Пал-дова́ со ёнэ мэкнэ́ Ман, и ёнэ кэрдэ́ чу́жо дава́ штэ́то ваш Ма́нгэ, и ёнэ тхувалякирдэ дрогонэ́ смолэнца явирэ дэвлорэ́нгэ, савэ́н ёнэ на джиндлэ́, и лэ́нгирэ дада́, и Юдэя́кирэ кра́лья, и ёнэ пхэрдякирдэ дава́ штэ́то бибангипнаскирэ ратэ́са;

Roiben 3:36

ко́ли начачунэс сыкавэ́на манушэ́с дро лэ́скиро рэ́ндо, – ци Рай Дэвэ́л приджинэла чачипэ́н пэ дава́?

Езэкилё 18:12

ко́ли ёв притасавэлас чорорэс и кодолэ́ манушэ́с, саво́ мангэ́ла, ко́ли ёв залэла зорья́са, на отдэ́ла сымады́, ко́ли ёв обрисёла пэ́скирэ якхэ́нца пэ кэрдэ́ дэвлорэ́, кэрэ́ла джунгалыпэ́н (брыткима).

Езэкилё 45:9

Адя́кэ ракирэ́ла Рай-Дэвэ́л: “Ухты́лла (до́си), Израилёскирэ тхагарьялэ (кня́зи). Пириячэн тэ кэрэ́н нахрата рэ́нды тэ обчорэн. Кэрэ́н сэ́ндо и чачипэ́н, пириячэн тэ вытрадэн Миро народо лэ́скирэ пхувья́тыр, – ракирэ́ла Рай Дэвэ́л, Дэвэ́л.

Amoso 5:24

нэ мэк чачуно́ сэ́ндо тэ чхувэлпэ сы́рбы паня́, и чачипэ́н сыр сы́гно рэ́кица (лэнори́).

Яви́р Зако́но 24:17

На сэндякир хоханэ́с манушэ́с, саво́ явдя́ явирэ рига́тыр и пиротос (сиротас); и пивлятыр (удоватыр) на лэ и́ди дрэ сымады́;

Psalmy 82:4

Подэ васт чорорэнгэ и одолэ́нгэ, савэ́ исын дрэ трэ́бима, зра́кх лэн фуе́-манушэ́нгирэ вастэ́стыр.

Езэкилё 18:7

На притасавя никонэ́с; а манушэ́скэ, саво́ сыс лэ́скэ банго́, отдэлас лэ́скири сымады́; на чорэлас, дэ́лас пэ́скиро маро́ чорорэ́ манушэ́скэ, учхакирэлас нангэс урибнаса;

Amoso 5:15

Бидыкхэн тумэ́ чорипэ́н (биба́хт), нэ выкэдэн лачхипэ́н, и тумэ́ кэрэ́н адя́кэ, соб (кай) тэ явэ́л чачипэ́н пашы́л по́рта (вра́ты) форо́скири, сашты́ тэ явэ́л, со Рай Дэвэ́л, янголэ́нгирэ-болыбна́скиро Дэвэ́л, явэ́ла тэ тангинэ́л одолэ́н, кон ячэ́лапэ манушэ́ндыр Езаскирэндыр (Иосифостыр).”