Ереме́ё 21:9 - Библия - Пэ Балтитко Романи чиб (Романэс) 2019

⁹ Кон ячэ́лапэ дро дава́ фо́ро, мэрэ́ла куртала́тыр, ци бокхалыпнастыр, ци франсэндыр, нэ кон выджа́ла и здэлапэ Халдее́нгэ, савэ́ обчхудэ трусця́л тумэн, кодова́ ячэ́лапэ джидо́ и лэ́скиро джиибэ́н явэ́ла лэ́скэ да́ро.

Biblija - Pe Baltitko Romani čib (Romanes) 2019

⁹ Kon jačélape dro davá fóro, meréla kurtalátyr, ci bokhalypnastyr, ci fransendyr, ne kon vydžála i zdelape Xaldiejénge, savé občhude trusciál tumen, kodová jačélape džidó i léskiro džiibén javéla léske dáro.

Ереме́ё 21:9 Referans Kwoze

Ереме́ё 38:2

‘Адя́кэ ракирэ́ла Рай Дэвэ́л: “Кон ячэ́лапэ дро дава́ фо́ро, одова́ мэрэ́ла куртала́тыр, бокха́тыр и мэрибнытконэ франсэндыр, нэ кон джа́ла кэ Халде́и, одова́ явэ́ла тэ дживэ́л: и лэ́скиро джиибэ́н явэ́ла сыр почастунко лэ́скэ, и ёв явэ́ла джидо́.”

Ереме́ё 45:5

Ту мангэса (родэса) барэ́ льготы ваш пэ́скэ? На манг лэн, пал-дова́ со, акэ, Мэ яна́ва биба́хт (би́да) пэ кажно (сва́ко) лоч (плоть), – ракирэ́ла Рай Дэвэ́л: Нэ Мэ да́ва тыро́ джиибэ́н (отмэка́ва тут джидэса) ту́кэ сыр дорэсыбэ́н пэ сарэ́ штэ́ты, карик ту на джа́са.’”

Ереме́ё 39:18

Пал-дова́ со Мэ чачэс зракха́ва тут, и ту на пэрэса куртала́тыр, нэ тыро́ джиибэ́н явэ́ла сыр дорэсыбэ́н (дыибэ́н) ту́кэ, пал-дова́ со ту рискирэса кэ Мэ пэ́скиро ило́ тэ зракхэспэ’”, – пхэндя́ Рай Дэвэ́л.

Ереме́ё 14:12

Ке́ли ёнэ явэ́на тэ постынэн, Мэ на ява́ва тэ шунав лэ́нгири го́дла; и ке́ли ёнэ янэ́на цэ́ла хачкирибэна, и свэ́нта дыибэна́ гивэстыр, Мэ на прилава лэн: пал-дова́ со Мэ хасякира́ва лэн куртала́са, барэ́ бокхаса и франсэнца.”

Ереме́ё 27:13

палсо́ тэ мэрэс ту́кэ, и тырэ́ манушэ́нгэ куртала́тыр, бокха́тыр, и мэрибнытконэ франсэндыр, сыр и ракирэ́лас Рай Дэвэ́л пал Наюдытко нацыя, со на явэ́ла тэ дынаринэ́л крали́скэ Вавилоноскирэскэ?

Ереме́ё 21:7

И пало́ (после) дава́, – ракира́ва Мэ, Рай Дэвэ́л, – Мэ отда́ва Сэдэкияс, Юдэя́кирэ крали́с, и лэ́скирэ дынарье́н, и яви́р манушэ́н кадалэ́ форо́стыр, савэ́ ячэ́напэ джидэ́ франсэндыр, куртала́тыр и бокхалыпнастыр дрэ Навуходоноскирэ васта́, Вавилоно́скирэ крали́стэ, дрэ тумарэ́-вэргэ́нгирэ васта́, и дрэ кодолэнгирэ васта́, савэ́ родэ́на тумаро́ джиибэ́н. И ёв мулякирэ́ла тумэн курталакирэ ягороса. Ёв на явэ́ла тэ тангинэ́л (тэ жалинэл) тумэн, тэ тангинэ́л, и ёв на явэ́ла лачхэ́-илытко кэ тумэ́.”

Ереме́ё 24:10

И Мэ бичхава́ва курта́ла пэ лэ́ндэ, бокх и фра́нсы адя́кэ ґара́ (длу́гэс), анги́л, сыр Мэ хасякира́ва лэн пхувья́тыр, сави́ Мэ дыём лэ́нгэ и лэ́нгирэ дадэ́нгэ.’”

Ереме́ё 27:11

Нэ нацыя, сави́ чхувэ́ла пэ́скири мэн дро ґа́мо крали́скиро Вавилоно́стыр, и сави́ явэ́ла тэ дынаринэ́л лэ́скэ, Мэ да́ва во́ля лэ́нгэ тэ ячэ́нпэ пэ лэ́нгири пхув’, – ракирэ́ла Рай Дэвэ́л, – ‘и ёнэ явэ́на тэ обкэрэн дая́ пхув, и ёнэ явэ́на тэ дживэ́н пэ ла́тэ.’”

Езэкилё 5:12

Три́то паш ту́тэ мэрэ́ла фуендыр (язвэндыр) и хасёла бокха́тыр машки́р ту́тэ; три́то паш явэ́ла за-марды куртала́са пашы́л тыро́ фо́ро, а три́то паш Мэ роспхурдава пир сарэ́ балваля и Мэ вытырдава (дорэсава) пал лэ́ндэ курта́ла тэ традавпэ.

Ереме́ё 27:12

И мэ пхэндём Сэдэкияскэ, крали́скэ пэ Юдэ́я, сарэ́ дасавэ́-сама лава́, ракири́: “Чхувэ́н тумарэ́ мэня дро ґа́мо крали́скиро Вавилоно́стыр, и тумэ́ дынаринэ́н лэ́скэ, и лэ́скирэ манушэ́нгэ и тэ дживэ́н’ явэ́на тумэ́:

Ереме́ё 38:3

‘Адя́кэ ракирэ́ла Рай Дэвэ́л: “Дава́ фо́ро, сыр пхэндло́, отдэлапэ дрэ васта́ крали́скирэ Вавилоно́скирэ халадэнгэ, савэ́ лэ́на лэс.”