Ереме́ё 20:4 - Библия - Пэ Балтитко Романи чиб (Романэс) 2019

⁴ Пал-дова́ со адя́кэ ракирэ́ла Рай Дэвэ́л: ‘Акэ, Мэ кэра́ва адя́кэ, со Ту, Пасхоро, явэ́са тэ дарэс кокоро́ пэ́стыр, и адя́кэ-паць сарэ́ Тырэ́ дру́ги (мала́), и ёнэ пэрэ́на вэргэ́нгирэ куртала́тыр и тырэ́ якха́ явэ́на тэ дыкхэ́н дава́. И Мэ отда́ва сари́ Юдэ́я дрэ Вавилоно́скирэ-крали́скирэ васта́ и ёв лыджа́ла криг лэн дро пле́но кэ Вавило́но, и одо́й ёв мулякирэ́ла лэн куртала́са.

Biblija - Pe Baltitko Romani čib (Romanes) 2019

⁴ Pal-dová so adiáke rakiréla Raj Devél: ‘Ake, Me keráva adiáke, so Tu, Pashoro, javésa te dares kokoró péstyr, i adiáke-pac' saré Tyré drúgi (malá), i jone peréna vergéngire kurtalátyr i tyré jakhá javéna te dykhén davá. I Me otdáva sarí Judéia dre Vavilonóskire-kralískire vastá i jov lydžála krig len dro pliéno ke Vavilóno, i odój jov muliakiréla len kurtalása.

Ереме́ё 20:4 Referans Kwoze

Ереме́ё 29:21

Акэ, исын лава́ – савэ́ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л пал Ахавостэ, Колияскирэ чхавэ́стэ, и пал Сэдэкиястэ, Масеяскирэ чхавэ́стэ, савэ́ ангилпхэнэна хохаибэ́н тумэ́нгэ Мирэ́ лавэ́стыр: “Акэ, Мэ выдава лэн дро васт Навуходоносороскиро, крали́скэ Вавилоно́стыр, и Ёв мулякирэ́ла лэн пэ тумарэ́ якха́.

Ереме́ё 25:9

акэ, Мэ бичхава́ва, и Мэ ла́ва сарэ́ сэм΄и (ирья́) паш-ратитконэ́ (севернонэ) рига́тыр’, – ракирэ́ла Рай Дэвэ́л, – ‘и Мэ бичхава́ва лэн кэ Навуходоносо́ро, кра́ли пир Вавило́но, Миро писха́ри, и Мэ яна́ва лэн проти дая́ пхув, и проти манушэ́ндэ, кон дживэ́ла пэ дая́ пхув, и проти сарэ́ далэ́ Наюды́тка на́цыи, савэ́ исын трусця́л, и Мэ сарэ́са хасякира́ва лэн, и Мэ кэра́ва адя́кэ, со мануша́ явэ́на тэ дивинэнпэ трашатыр (дара́тыр) пэ лэ́ндэ, тэ дэн шоля сабнаса и лэ́нгэ явэ́ла ве́чно хась/ хасибэ́н.

Ереме́ё 52:27

И кра́ли Вавилоно́скиро пэкадя́ лэн и замардя́ лэн дрэ Ривла пэ пхув Емафоскири. Акэ, сыр Юда́скирэ манушэ́н лыджинэ́ дро пле́но лэ́скирэ пхувья́тыр.

Ереме́ё 19:15

Адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: “Акэ, Мэ яна́ва биба́хт [бари би́да-р.с.] пэ дава́ фо́ро и сарэ́ лэ́скирэ форицы, пэ савэ́ Мэ припхэндём биба́хт, пал-дова́ со ёнэ пхарьякирдэ пэ́скирэ мэня, соб (кай) лэ́нгэ тэ на шунэ́н мирэ́ лава́.”

Ереме́ё 6:25

Амэ на выджаса пэ фэ́лда, и амэ на псираса дромэ́нца, пал-дова́ со вэргостэ исын курта́ла, сави́ дорэсэ́ла сарэ́ ригэ́ндыр и траш пэ кажно риг.”

Psalmy 73:19

Сыр адя́кэ сы́гэс ёнэ екха́тыр хасёна, джа́на криг сарэ́са кэ хась мэрибнытконэ дара́са.

4 Kralip 25:7

И Сэдэкияскирэ чхавэ́н запхусадэ анги́л лэ́скирэ якха́; а кокорэскэ Сэдекияскэ выпхусадэ якха́, закуиндлэ лэс састырэнца, и лыджинэ́ лэс дро Вавило́но.

1 Kralip 2:33

Мэ на традава криг ту́тэ сарэ́н Мирэ́ алтарёстыр (жэртвеникостыр), соб тэ кхинякирэс тырэ́ якха́ и тэ мэнчынэс тыро́ ди; нэ саро́ тырэ́ кхэрэ́скиро ро́до явэ́ла тэ мэрэ́л дро машкиратунэ бэрша́.

Ереме́ё 13:10

Кадалэ́ бибахталэ́ мануша́ отпхэндлэпэ тэ шунэ́н Мирэ́ лава́, ёнэ дживэ́на пир пэ́скирэ пхарэ́ илэ, и ёнэ псирэ́на тэ кэрэ́н паты́в явирэ дэвлорэ́нгэ и тэ дынаринэ́н лэ́нгэ, и лэ́нца явэ́ла дова́, со кэрдя́пэ далэ́ кустыкаса.

Ереме́ё 13:19

Фо́рья пэ паш-дывэсы́тко (южно) риг явэ́на запхандлэ и на явэ́ла нико́н тэ псиравэл (отпхандэл) лэн; сари́ Юдэ́я лыджа́на криг дро пле́но, сарэ́ Юдэя́кирэ манушэ́н залыджана дро пле́но.

Ереме́ё 20:6

И ту, Пасхоро, и сарэ́, кон дживэ́ла дро тыро́ кхэр, сарэ́ тумэ́ джа́на дро пле́но. Тумэ́ джа́на кэ Вавило́но, и одо́й мэрэ́на тумэ́, и одо́й гаравэна тумэн, тут и сарэ́ тырэ́ малэн, конэ́скэ ту хоханэ́с ангилпхэнэсас.’”

Ереме́ё 46:5

Со́скэ, Мэ дыкха́ва, ёнэ пынэ́ дро ду́хо (фа́но) и рисинэ́ палэ? Лэ́нгирэ зоралэ́ мурша́ домардэ́; ёнэ адя́кэ сы́гэс нашэ́на криг, со ёнэ на рисёна мо́са палэ? Пал-дова́ со исын дар пэ кажно риг,” – ракирэ́ла Рай Дэвэ́л.

Ереме́ё 52:24

О рай пэ крали́скири стрэ́га лыя́ Сераияс, шэралэ́ раша́с, и Цэфанияс, явирэ раша́с, и тринэ́ пашвударэнгирэ стрэгарье́н (ракхибнарье́н).