Ереме́ё 20:2 - Библия - Пэ Балтитко Романи чиб (Романэс) 2019

² Тэды Пасхоро пэкадя́ Еремеёс пророко́с и бэшлякирдя лэс дрэ калодки запхандлэ вастэ́нца и ґэрэ́нца, савэ́ сыс дрэ упратуны Веньяминоскири по́рта, со сыс пашы́л Ра́скирэ-Дэвлэ́скиро Кхэр.

Biblija - Pe Baltitko Romani čib (Romanes) 2019

² Tedy Pashoro pekadiá Jeriemiejos prorokós i bešliakirdia les dre kalodki zaphandle vasténca i ĥerénca, savé sys dre upratuny Vienjaminoskiri pórta, so sys pašýl Ráskire-Devléskiro Kher.

Ереме́ё 20:2 Referans Kwoze

Ереме́ё 37:13

И ке́ли ёв сыс дрэ Веньяминоскири по́рта, одо́й сыс барыдыро́ пэ стрэ́га (ракхибнарье́ндэ), кон кхарэ́ласпэ Ирия, чхаво́ Сэлэмеяскиро (чхаво́ Хананеяскиро), и ёв ухтылдя Еремеёс, пророко́с, и пхэндя́: “Ту нашэса кэ Халде́и.”

Заха́рия 14:10

Сари́ дая́ пхув явэ́ла, сыр ровно (во́рто) фэ́лда, Гаваоностыр кэ Рима, пэ паш-дывэ́с Ерусалимо́стыр, саво́ вучэ́с лэ́ла тэ тэрдёл пэ пэ́скиро штэ́то и лэ́на тэ дживэ́н дрэ лэ́стэ мануша́ Бенджминоскирэ Портатыр кэ штэ́то, кай исын пэ́рво по́рта (врата), кэ Вэнглоскири по́рта, и Хананеилоскирэ вучардятыр кэ кралитка пресы.

Ереме́ё 1:19

И ёнэ явэ́на тэ марэ́нпэ ту́са, нэ ёнэ на пиризорькирэна тут, пал-дова́ со Мэ сом ту́са, – пхэндя́ Рай Дэвэ́л, – соб (кай) тэ ракхав тут.”

2 Паралипоменоно 16:10

И росхолясыя Аса́ пэ магикостэ, и чхудя́ лэс дрэ бэшыбэн, адя́кэ сыр пал дава́ сыс дрэ холы́ пэ лэ́стэ; притасадя Аса́ и вари-савэ́н явирэ манушэ́н дрэ долэ́ дывэса́.

Ереме́ё 36:26

И припхэндя́ кра́ли Иерамеилоскэ крали́скирэ чхавэ́скэ, Сэраияскэ, Азриэлёскирэ чхавэ́скэ, и Сэлэмияскэ, Авдилоскирэ чхавэ́скэ, тэ ухтылэ́н Варухос, лыла́-чхиныбнаскирэс и Еремеёс, пророко́с, нэ о Рай Дэвэ́л гарадя лэн.

Ереме́ё 29:26

‘Рай Дэвэ́л чхудя́ тут сыр раша́с пэ рашаскирэ – Иодаёскирэ (Егоядаскиро) штэ́то, соб (кай) ту тэ явэс дыкхибнаскирэса (блюстителёса) пэ Кхангири́ Ра́скирэ-Дэвлэ́скири, пир кажнонэ́ бигодякирэ манушэ́стэ и кажнонэ́стэ, кон дылнёла и кхарэ́лапэ пророкоса, соб (кай) тэ чхувэ́н лэс дрэ калодки и дро штарибэ́н.

2 Паралипоменоно 24:21

И зракирдэпэ проти лэ́стэ, и мардэ́ лэс барэ́нца, пир крали́скиро упхэныбэ́н, пэ Ра́скирэ-Дэвлэ́скири Кхэрэ́скири грэ́да (дво́ро).

3 Kralip 22:27

И пхэнэ́н, “Адя́кэ ракирэ́ла кра́ли: ‘Чхувэ́н далэ́ манушэ́с дрэ бэшыбэн и чалякирэн лэс скэмпэс и панякирэн скэмпэс, пака мэ рисёва́ва раманёса (миро́са).’

Sykadyipén 17:6

И мэ дыкхцём, со ада́я джувлы́ сыс маты свэнтонэ́-манушэ́нгирэ ратэстыр и мэнькэнгирэ-якхитконэнгирэ ратэстыр, савэ́н замардэ́ пал Христосо́стэ. И ке́ли мэ дыкхцём ла, мэ древа́н дивиндёмпэ.

Sykadyipén 2:10

На дар нисостыр, пал со ту́кэ приявэлапэ тэ мэнчынэспэ. Ѓа́да, на́лачхо явэ́ла тэ чхурдэл вари-савэ́н тумэ́ндыр дро штарибэ́н (бэшыбэн); соб (кай) тумэн тэ пропатякирэн и тумэ́ндэ явэ́ла пхарипэ́н дэш дывэса́. Яв патяибны́тко кэ мэрибэ́н, и Мэ да́ва ту́кэ джиибна́скири вя́нка (коро́на).

Apostolengiri Butý 7:52

Конэ́с пророкэндыр на традынэ тумарэ́ дада́? Ёнэ замардэ́ (умардэ) одолэ́н, кон анги́л ракирдя́ пал Христосо́скиро явибэн, нэ тумэ́ какана́ ячнэ́ Лэ́скирэ здыибнарья и замарибнарья!

Apostolengiri Butý 5:40

Ёнэ кандынэ́ лэс и кхардэ́ Апостолэн, и ёнэ мардэ́ лэн; и ке́ли ёнэ припхэндлэ лэ́нгэ тэ на ракирэ́н пал Исусо́скиро лав, отмэкнэ лэн.

Apostolengiri Butý 5:18

и закэдынэ Апостолэн, и чхудэ́ лэн дро штарибэ́н.

Apostolengiri Butý 4:3

и ёнэ закэдынэ Пэтрис и Ианос, и пал-дова́ со дава́ сыс бэльвэле́, ёнэ чхудэ́ лэн дро штарибэ́н кэ яви́р дывэ́с.

Матфеё 21:35

И винаградарья ухтылдэ́ лэ́скирэ писхарье́н: конэ́с мардэ́, конэ́с мулякирдэ́, нэ вари-конэ́с шулякирдэ барэ́нца.

Ереме́ё 26:8

И яця́ адя́кэ: ке́ли Ереме́ё кончындя (пирияця́) тэ ракирэ́л саро́, со Рай Дэвэ́л припхэндя́ лэ́скэ тэ пхэнэ́л сарэ́ манушэ́нгэ, тэды рашая́, и проро́ки, и сарэ́ яви́р мануша́ ухтылдэ́ лэс, ракири́: “Ту, чачэс, мэрэ́са [банго́ тэ мэрэс-р.с.]!

Ióvo 13:27

Ту чхувэ́са мирэ́ ґэра́ дрэ калода и Ту дыкхэ́са ракхибны́ткэс пал сарэ́ мирэ́ дроморэ; и Ту чхувэ́са шпэры пал мирэ́ – ґэрэнгирэ пирэ́ (подэшвы).

2 Паралипоменоно 18:23

И подги́я Сэдэки́я, Хенаанаскиро чхаво́, и пэкадя́ Михеёс пир чам (шчока), и пхэндя́: “Пир саво́ да дром отгия́ ма́ндыр Ра́скирэ-Дэвлэ́скиро Ду́хо (Фа́но), соб (кай) тэ ракирэ́л дрэ ту́тэ?

Ióvo 33:11

Ёв чхувэ́ла мирэ́ ґэра́ дрэ калодки, Ёв дыкхэ́ла пал сарэ́ мирэ́ дрома́!”

3 Kralip 13:4

Ке́ли кра́ли шундя́ Дэвлэ́скирэ-манушэ́скиро лав, саво́ ёв ракирдя́ кэ алта́рё дро Вефи́лё, тэды ґаздыя́ Еровоа́мо васт пэ́скиро алтарёстыр, ракири́: “Лэн лэс.” И кашталыя васт лэ́скиро, саво́ ёв чхудя́ пэ лэ́стэ, и на могиндя́ ёв тэ рискирэ́л лэс кэ пэ.

Ереме́ё 26:10

Ке́ли тхага́рья Юдэя́кирэ шундлэ́ сарэ́ кадалэ́ лава́, ёнэ гинэ́ Крали́скирэ кхэрэ́стыр кэ Кхангири́ Ра́скирэ-Дэвлэ́скири, и ёнэ бэшнэ́ кэ загиибэ́н дрэ нэви́ по́рта дрэ Кхангири́ Ра́скирэ-Дэвлэ́скири.”

Ереме́ё 37:21

Тэ́ньци кра́ли Сэдэки́я припхэндя́, соб (кай) тэ чхувэ́н Еремеёс дрэ грэ́да, кай сыс стрэ́га, и ёнэ дэ́нас лэ́скэ котэ́р (куско) маро́ пэкибнаскирэ гасатыр (вулицатыр) аж кэ дова́, сыр маро́ дро фо́ро кончиндяпэ. И Ереме́ё яця́пэ дрэ грэ́да, кай сыс стрэ́га.