Ереме́ё 2:8 - Библия - Пэ Балтитко Романи чиб (Романэс) 2019

⁸ Э рашая́ на пхэндлэ́: ‘Кай исын Рай Дэвэ́л?’, – кодолэ́, кон рикирэ́ла зор пэ Зако́но, ёнэ на джиндлэ́ Ман: пастыри адя́кэ-паць кэрдэ́ чорипэ́н Ма́нгэ, и проро́ки ангилпхэнэнас Валаалоскирэ лавэ́са, и ёнэ псирдэ́ пал и́долы, савэ́ндыр на сыс ни саво́ лачхипэ́н лэ́нгэ.

Biblija - Pe Baltitko Romani čib (Romanes) 2019

⁸ E rašaja na phendlé: ‘Kaj isyn Raj Devél?’, – kodolé, kon rikiréla zor pe Zakóno, jone na džindlé Man: pastyri adiáke-pac' kerdé čoripén Mánge, i proróki angilphenenas Valaaloskire lavésa, i jone psirdé pal ídoly, savéndyr na sys ni savó lačhipén lénge.

Ереме́ё 2:8 Referans Kwoze

Avakumo 2:18

Саво́ лачхипэ́н исын вычхиндлэ́ мо́стыр, со вычхиныбнаскиро (резчыко) кэрдя́. Вычхиндло муй на сыклякирэ́ла нисоскэ, на дыкхи́ пэ дова́, со лэ́скирэ кэрибнаскиро ману́ш патя́ла дрэ лэ́стэ, ке́ли ёв кэрэ́ла мута (нема) и́долы?

Ереме́ё 10:21

Пал-дова́ со чхупна́рья [пастыри-р.с.] ячнэ́ пхарэ́-илытка, и ёнэ на родынэ Рас-Дэвлэ́с, палдава́ ёнэ на кэрдэ́ годэс, и саро́ лэ́нгиро ґурто исын росчхурдыно.

Ереме́ё 5:31

проро́ки ангилпхэнэна хохаибэ́н, рашая́ хулаинэна лэ́нгирэ лавэ́нца, и Мирэ́ мануша́ камэ́на дава́. Нэ со ёнэ явэ́на тэ кэрэ́н дро ко́нцо (дро яго́ро)?”

2 Коринфянэнгэ 4:2

Нэ амэ дурьёваса ґарадэ́ ладжаипнытконэ рэндэ́ндыр, амэ на мэндринаса, на пирикэраса Дэвлэ́скиро лав, а амэ ракираса чачипэ́н и сыкаваса пэс, сыр амэ сам, пэ манушы́тка якха́ анги́л Дэвлэ́стэ.

Joannostir 16:3

Ёнэ явэ́на тэ кэрэ́н адя́кэ, пал-дова́ со адалэ́ мануша́ на джиндлэ́ ни Дадэ́с, ни Ман.

Osija 4:6

Мирэ́ мануша́ хасёна пир дова́, со лэ́ндэ на ухтылэ́ла (на́доси) джиныбэ́н Нэ пал-дова́, со тумэ́, рашаялэ, отпхэндлэпэ джиныбнастыр, Мэ адя́кэ-паць отпхэнава тумэ́нгэ, соб (кай) тумэ́ буты́р тэ на явэ́н сыр рашая́ анги́л Ма́ндэ, и пир дова́, со, тумэ́ бистырдэ Дэвлэ́скиро Зако́но, Мэ бистрава тумарэ́ чхаворэ́н (биятэ́н).

Joannostir 8:55

Тумэ́ на джиндлэ́ Лэс, нэ Мэ джино́м (джина́в) Лэс; и ко́ли Мэ пхэна́ва, со на джино́м Лэс, тэды Мэ ява́ва адасаво́-паць хохаибнари, сыр и тумэ́ сан. Нэ Мэ джино́м Лэс и Мэ ракхава Лэ́скиро лав.

Luka 11:52

Бида тумэ́нгэ, лылвари́тка: пал-дова́ со тумэ́ гаравэна клыдына вударэндыр дро джиныбнаскиро кхэр; тумэ́ ж кокорэ́ на загинэ́ и на мэкнэ́ явирэ́н.”

Матфеё 16:26

Саво́ лачхипэ́н исын манушэ́скэ, ко́ли лэ́стэ явэ́ла саро́, со лэ́скэ трэй далэ́ свэто́стыр, а ёв хасякирэ́ла пэ́скиро ве́чно джиибэ́н? Нэ со ману́ш могинэ́ла тэ отдэ́л кучэдыр дро паруибэн пал пэ́скиро джиибэ́н?

Ереме́ё 16:19

Раё Дэ́вла! Ту сан миро зоралыпэ́н и мири́ тва́рдыма, и пал Ту́тэ Мэ гарадёвава дрэ трашанэ (даракунэ) дывэса́, кэ Ту явэ́на бут мануша́ сарэ́ ягорэндыр (краендыр) пэ пхув и пхэнэ́на: “Амарэ́ дада́, чачэс, дорэснэ́ (долынэ) мэкно́ миштыпэ́н, саво́ исын хохано́ и хартытко (никчэмно), и лэ́стыр нанэ ни саво́ лачхипэ́н.

Ереме́ё 12:10

Бут шэралэ́ чхупна́рья хасякирдэ́ Мири́ винаґрадытко бар, ёнэ выштакирдэ (вытопчындлэ) Мирэ́-фэлдакири паш ґэрэ́нца, ёнэ кэрдэ́ Мирэ́ ґожонэ пашатыр (пашэстыр) биманушэнгири чхучи́ пхув!

Ереме́ё 7:8

Акэ, тумэ́ зоралэ́с допатяна хоханэ́ лавэнгэ, савэ́ на дэ́на ко́фо.

Ереме́ё 4:22

‘Пал-дова́ со Мирэ́ мануша́ исын налачхэ́, ёнэ на джинэ́на Ман, – ракирэ́ла Рай Дэвэ́л – ‘ёнэ исын на годьварэ́, ёнэ исын годэ́ тэ кэрэ́н биба́хт (чорипэ́н), нэ ёнэ на джинэ́на тэ кэрэ́н лачхипэ́н.”

Ереме́ё 2:11

соб (кай) манушы́тко нацыя тэ парувэл пэ́скирэ дэвлэн, мэк ёнэ и на сыс дэвэла́? Нэ Мирэ́ мануша́ парудэ лэ́нгири сла́ва (Дэвлэ́скиро Барипэ́н) пэ и́долы, савэ́ндыр на сыс нисаво́ лачхипэ́н.

Ереме́ё 2:6

И на пхэндлэ́ ёнэ: “Кай исын Рай Дэвэ́л, Кон лыджия́ криг амэн Египто́скирэ пхувья́тыр, Кон лыджия́ амэн пирда́л чхучэ́ пхувья́, пирда́л чхучэ́ прахи, пирда́л ґанбиня́, пирда́л шутькирды пхув, кай исын зэр (тень) сы́рбы мэрибна́стыр, пирда́л пхув, пэ сави́ ние́кх на прогия́, и нико́н на дживдя́.”

Isajos 30:5

Сарэ́ ёнэ явэ́на ладжакирдэ́ пал народо, саво́ лэ́нгэ на трэй, нисаво́ подрикирибэ́н лэ́стыр на явэ́ла, екх ладж и бизладо.”

Isajos 29:10

Дыя́ тумэ́нгэ Рай Дэвэ́л соибнытко, закэрдя тумарэ́ якха́, проро́ки, закэрдя тумарэ́ шэрэ́, джиныбнарья (маги).

Isajos 28:7

Нэ кадалэ́ пэрэ́на моля́тыр (виностыр), змарэнапэ дромэ́стыр, пал-дова́ со пинэ́ сикера (бравинта); раша́й и проро́ко матинэ, згинэ годятыр; на дыкхэ́на дыкхибэ́н, ёнэ на сэндякирэна, сыр трэй.

3 Kralip 18:40

И Или́я пхэндя́ лэ́нгэ: “Ухтылэ́н пророкэ́н Ваалоскирэн! На домэкэн, соб (кай) екх лэ́ндыр тэ нашэ́л.” И адя́кэ ёнэ ухтылдэ́ лэн; и о Или́я лыджия́ тэлэ́ лэн кэ сы́гно рэ́кица (лэнори́) Кисоно, и ёв зачхиндя́ лэн одо́й.

3 Kralip 18:29

И явдя́ пашдывэс, нэ ёнэ уса́ ишчо (инкэ́) ангилпхэнэнас бигодякирэс аж кэ пора, ке́ли янэ́нас бэльвелякиро свэ́нто дыибэ́н; нэ на сыс ни зан, ни отпхэныбэ́н, ни шуныбэ́н.

3 Kralip 18:22

И пхэндя́ Или́я народоскэ: “Мэ екхджино́ яцёмпэ проро́ко Ра́скирэ-Дэвлэ́скиро; а исын штаршэла́ пандждэша́ пророкэ́н Ваалоскирэн.

1 Kralip 12:21

и на джа́н пала́л бибахталэ́ дэвлорэндэ, савэ́ на янэ́на лачхипэ́н и на зракхэна; пал дова́ со ёнэ – дылныпэ́н.

1 Kralip 2:12

Илиёскирэ чхавэ́ сыс налачхэ́ мануша́; ёнэ на джиндлэ́ Рас-Дэвлэ́с

Яви́р Зако́но 33:10

савэ́ сыклякирэ́на Тырэ́ законэнгэ [Законоскэ-ю.о.] Яково́с и Тырэ́ припхэныбнэнгэ Израилё, ёнэ чхувэ́на ароматытка чарья́ тэ тхувлякирэн анги́л муй Тыро́ и цэ́ло схачкирибэ́н пэ алта́рё Тыро́.

Ереме́ё 9:14

а ёнэ кэрдэ́ пир пэ́скирэ пхарэ́ илэ, и отдэнас паты́в Ваалоскэ, сыр лэ́нгирэ дада́ сыклякирдэ́ лэн;”

Ереме́ё 18:18

Тэ́ньци ёнэ пхэндлэ́: “Явэ́н, придуминаса вари-саво́ плано пэ Еремеёстэ; пал-дова́ со Зако́но на отпэрэла рашастыр ци годо́ лав манушэ́ндыр ци лав пророкостыр. Явэ́н, замараса чиба́са лэс, и мэк нико́н амэ́ндыр тэ на пришунэлпэ кэ лэ́скирэ лава́.”

Езэкилё 22:26

Ла́кирэ рашая́ пхагирэна Миро Зако́но, магирэна Миро свэ́нто, ёнэ на дыкхэ́на, кай исын свэ́нто, кай исын насвэнто; на сыкавэ́на, кай исын жужо́, а кай исын нажужо; пэ Мирэ́ са́ваты (суботы) ёнэ закэрдэ якха́; Мэ сом сы́рбы магирдо́ машки́р лэ́ндэ.

Езэкилё 34:2

“Манушэ́скиро чхава! Пхэн пир лав ангилпхэныбэ́н пэ Израилёскирэ чхупнарьендэ (пастырендэ), пхэн пир лав ангилпхэныбэ́н, пхэн лэн, чхупнарьенгэ: Адя́кэ ракирэ́ла Рай Дэвэ́л, Дэвэ́л: ‘Бида Израилёскирэ чхупнарьенгэ, савэ́ кокорэ́ пэс чаравэнас! Ци на бакрэ́н трэй тэ чаравэн чхупнарьенгэ?

Ióvo 35:10

Нэ ние́кх на пхэнэ́ла: “Кай исын Дэвэ́л, миро Создыибнаскиро, Кон дэ́ла гилы́ сыр наде́я раты́?