Ереме́ё 2:6 - Библия - Пэ Балтитко Романи чиб (Романэс) 2019

⁶ И на пхэндлэ́ ёнэ: “Кай исын Рай Дэвэ́л, Кон лыджия́ криг амэн Египто́скирэ пхувья́тыр, Кон лыджия́ амэн пирда́л чхучэ́ пхувья́, пирда́л чхучэ́ прахи, пирда́л ґанбиня́, пирда́л шутькирды пхув, кай исын зэр (тень) сы́рбы мэрибна́стыр, пирда́л пхув, пэ сави́ ние́кх на прогия́, и нико́н на дживдя́.”

Biblija - Pe Baltitko Romani čib (Romanes) 2019

⁶ I na phendlé jone: “Kaj isyn Raj Devél, Kon lydžijá krig amen Jegiptóskire phuvjátyr, Kon lydžijá amen pirdál čhučé phuvjá, pirdál čhučé prahi, pirdál ĥanbiniá, pirdál šut'kirdy phuv, kaj isyn zer (tien') sýrby meribnástyr, pirdál phuv, pe saví nijékh na progijá, i nikón na dživdiá.”

Ереме́ё 2:6 Referans Kwoze

Яви́р Зако́но 32:10

Ёв латхя́ лэс пэ чхучи́ пхув, пэ мал (степ), сави́ сыс биманушэнгири и наобживдлы, ракхця́ лэс, дыкхця́ пал лэ́стэ, ракхця́ лэс, сыр Пэ́скири чачи́ (право) якх;

Osija 13:4

Нэ Мэ сом Рай-Дэвэ́л, тыро́ Дэвэ́л Египто́скирэ пхувья́тыр, ту́кэ на трэй тэ джинэ́с явирэ дэвлорэн апри́ч Ма́ндэ: пал-дова́ со нанэ ние́кх апри́ч Ма́ндэ, Саво́ зракхэ́ла.

Матфеё 4:16

акэ, мануша́, савэ́ сыс бэштэ́ дро калыпэ́н, дыкхнэ́ баро́ дуд (свэ́то); и пэ одолэ́ндэ, савэ́ исын сы́рбы мулэ́, – пал-дова́ со ёнэ дживэ́на би Дэвлэ́скиро, засвэнцындя дуд.”

Osija 12:13

О Рай Дэвэ́л вылыджия́ (яндя́) Израилё Египто́стыр пир пророкостэ, и Ёв приракхця лэс пир пророкостэ.

Ереме́ё 5:2

И ко́ли мануша́ Ерусалимо́стыр ракирэ́на: “Тэ явэ́л джидо́ Рай Дэвэ́л!” Ёнэ совлахана начачунэс.

Ереме́ё 2:8

Э рашая́ на пхэндлэ́: ‘Кай исын Рай Дэвэ́л?’, – кодолэ́, кон рикирэ́ла зор пэ Зако́но, ёнэ на джиндлэ́ Ман: пастыри адя́кэ-паць кэрдэ́ чорипэ́н Ма́нгэ, и проро́ки ангилпхэнэнас Валаалоскирэ лавэ́са, и ёнэ псирдэ́ пал и́долы, савэ́ндыр на сыс ни саво́ лачхипэ́н лэ́нгэ.

Ереме́ё 2:2

“Джа́ и пхэн ясвэ́нца дрэ манушэ́нгирэ [чхакирэ-р.с.] кана́ Ерусалимо́стыр, пхэни́: ‘Адя́кэ ракирэ́ла Рай Дэвэ́л: ‘Мэ рипирава тут, Израилё, савэ́ лачхэ́ сыс тырэ́ мануша́ тэрнал, тумари́ паты́в, со сыс сы́рбы тэрнэндэ анги́л совэ́л, сыр тумэ́ гинэ́ пал Ма́ндэ пэ чхучэ́ прахи, пэ пхув, со на чхудэ́ гива́ ишчо (инкэ́).

Isajos 64:7

На сыс одолэ́с, Кон бы кхардя́ Тыро́ лав, кон закамдя́ б тэ рикирэлпэ пал Ту́тэ; палдава́ Ту гарадян Тыро́ муй амэ́ндыр, Ту ячкирдэн амэн тэ хасёвас грэхэ́ндыр.

Isajos 63:9

Сави́ б на сыс биба́хт (би́да), Ёв лэн на ячкирэлас и Янго́ло Лэ́скиро лэн зракхэлас; Ёв выкиндя лэн, пал-дова́ со ёнэ исын дро́га Лэ́скэ и Лэ́скиро ило́ исын лачхо́; Ёв лыя́ лэн и лыджалас сарэ́ ґаратунэ́ дывэса́.

Psalmy 77:5

Ёв рикирэ́ла мирэ́ якха́ тэ явэ́н откэрдэ, ма́нгэ исын пхаро́ и мэ на могина́ва тэ ракира́в.

Psalmy 23:4

Мэк мэ джа́ва пир до́ло дара́са кэ мэрибэ́н, мэ на страхадёвава чорипна́стыр, пал-дова́ со Ту сан ма́нца: Тыро́ кашт и Тыро́ дэсто́-ёнэ подрикирэна ман.

Ióvo 35:10

Нэ ние́кх на пхэнэ́ла: “Кай исын Дэвэ́л, миро Создыибнаскиро, Кон дэ́ла гилы́ сыр наде́я раты́?

Ióvo 3:5

Мэк калыпэ́н и мэрибнаскири зэр (тень) тэ учхакирэл дова́ дывэ́с, мэк о́блоки тэ ячэ́нпэ ўса́ды (сак) пэ лэ́стэ, мэк дывэсэнгиро калыпэ́н тэ страхакирэл дова́ дывэ́с.

4 Kralip 2:14

И лыя́ плашчо Илияскиро, саво́ пыя́ тэлэ́ лэ́стыр, и пэкадя́ лэ́са пир пани́, и пхэндя́: “Кай исын Рай, Дэвэ́л Илияскиро, – Ёв Кокоро́?” И пэкадя́ пир пани́, и ёв розгия́пэ одори́к и адари́к, и пиригия Елисе́ё.

Сэндарьенгири Лылвари́ 6:13

Гедео́но пхэндя́ лэ́скэ: “Раё миро! Ко́ли Рай Дэвэ́л тэ явэ́л амэ́нца, тэды со́стыр латхя́ амэн саро́ дава́? И кай сарэ́ Лэ́скирэ ди́вы, пал савэ́ндэ роспхэндлэ́ амэ́нгэ амарэ́ дада́, ракири́: “Египто́стыр вылыджия́ амэн Рай Дэвэ́л? Какана́ ячкирдя́ амэн Рай Дэвэ́л и отдыя́ амэн Мадианитянэнгэ дрэ васта́.”

Vygiiben 20:2

“Мэ сом Рай Дэвэ́л, тыро́ Дэвэ́л, Саво́ вылыджия́ тут Египто́скирэ пхувья́тыр, писхарибнаскирэ кхэрэ́стыр;

Яви́р Зако́но 1:19

И гиям амэ Хоривостыр, и гиям пир сари́ дая́ бари и дараны чхучи́ пхув, сави́ тумэ́ дыкхнэ́, пир дром кэ Амореенгири бэ́рга, сыр пхэндя́ Рай Дэвэ́л, амаро́ Дэвэ́л, и явдя́м дрэ Кадес-Варни.

Ереме́ё 13:16

Барьякирэ́н (славинэ́н) Рас-Дэвлэ́с, тумарэ́ Дэвлэ́с, анги́л дова́, сыр Ёв янэ́ла калыпэ́н (цёмныма), и анги́л дова́, сыр тумарэ́ ґэра́ обштавэнапэ (обстэмпинэнапэ) пир бэ́рги дрэ паш-калыпэ́н! И тумэ́ явэ́на тэ родэ́н дуд (свэ́то), нэ Ёв рискирэ́ла лэс дрэ мэрибнытко зэр (тень), и Ёв пирикэрэла лэс дрэ хор калыпэ́н.

Ереме́ё 51:43

Лэ́скирэ форье́ндыр, яця́ замэкно биманушэнгиро штэ́то, шуки́ пхув, и чхучи́ мал (степ), пхув, пэ сави́ ние́кх ману́ш на дживэ́ла, пир сави́ на джа́ла ние́кх чхаво́ манушэ́скиро.

Яви́р Зако́но 8:2

И ри́пир саро́ дром, савэ́са тут лыджия́ Рай Дэвэ́л, Дэвэ́л тыро́, пир чхучи́ (пусто) пхув, ґа́да, акана́ исын штардэша́ бэрш, соб (кай) тэ штылякирэл тут, соб (кай) тэ спробинэл тут и тэ уджинэл, со исын пэ тыро́ ило́, ци явэ́са ту тэ ракхэ́с Лэ́скирэ припхэныбэна́, ци над.

Ереме́ё 5:12

Ёнэ отпхэндэпэ Ра́стыр-Дэвлэ́стыр и пхэндлэ́: “Рай Дэвэ́л нисо́ на кэрэ́ла амэ́нгэ. Биба́хт (би́да) на явэ́ла пэ амэ́ндэ. Амэ на дыкхаса ни курта́ла, ни бокх.

Amoso 2:10

И дава́ сыс Мэ, Кон вылыджия́ тумэн Египто́скирэ пхувья́тыр, и Кон лыджия́ тумэн штардэша́ бэрш пир чхучи́ пхув, соб (кай) тэ заухтылэн тумэ́нгэ пхув Амореенгири.