Ереме́ё 2:5 - Библия - Пэ Балтитко Романи чиб (Романэс) 2019

⁵ Адя́кэ ракирэ́ла Рай Дэвэ́л: ‘Саво́ чорипэ́н тумарэ́ дада́ латхнэ́ дрэ Ма́ндэ, со ёнэ дуринэ Ма́ндыр, со ёнэ гинэ́ пал хартытка и́долы, и со ёнэ кокорэ́ ячнэ́ хартытка (суетна)?

Biblija - Pe Baltitko Romani čib (Romanes) 2019

⁵ Adiáke rakiréla Raj Devél: ‘Savó čoripén tumaré dadá lathné dre Mánde, so jone durine Mándyr, so jone giné pal xartytka ídoly, i so jone kokoré jačné xartytka (sujetna)?

Ереме́ё 2:5 Referans Kwoze

4 Kralip 17:15

И лынэ́ тэ на прилэ́н Лэ́скирэ упхэныбэна́, и Заве́то Лэ́скиро, саво́ Ёв кэрдя́ лэ́нгирэ дадэ́нца, и приракхибэна Лэ́скирэ, савэ́нца Ёв приракхця лэн, и гинэ́ ёнэ пала́л пал харныпэ́н (пустота), и пала́л пал манушэ́ндэ, савэ́ дживдэ́ пашы́л, пал савэ́ндэ Рай Дэвэ́л ракирдя́ лэ́нгэ, соб (кай) тэ на кэрэ́н адя́кэ, сыр ёнэ.

Римлянэнгэ 1:21

Ёнэ джиндлэ́ Дэвлэ́с, нэ ёнэ на славиндлэ Лэс, сыр Дэвлэ́с, и на парикирэнас Лэ́скэ: ёнэ ячнэ́ тэ кошэнпэ, ке́ли пириракирэнас, и лэ́нгирэ нагодьварэ илэ тасадынэ дро калыпэ́н:

Jona 2:8

Ке́ли миро ди замыя́ дро ма́ндэ, мэ пририпирдём Рас-Дэвлэ́с, и миро мангипэ́н гия́ упрэ́ кэ Ту, дрэ Тыри́ Свэ́нто Кхангири́.

Psalmy 115:8

[16] мэк сарэ́, кон кэрдя́ лэн, тэ явэ́н бизорья́кирэ, сыр ёнэ исын; адя́кэ-паць и сарэ́ одолэ́, кон патя́ла дрэ далэ́ и́долы.

Isajos 44:9

Одолэ́, кон кэрэ́ла и́долы, одолэ́ кэрэ́на дылныпэ́н, и долэ́ и́долы, савэ́ исын дро́га ваш лэ́нгэ, кэ савэ́ ёнэ тырдэнапэ, на янэ́на лэ́нгэ нисаво́ лачхипэ́н; адалэ́ мануша́ ґалёна дава́ дрэ пэ́стэ. Ёнэ на дыкхэ́на, на ґалёна, палдава́ явэ́на ладжакирдэ́.

1 Kralip 12:21

и на джа́н пала́л бибахталэ́ дэвлорэндэ, савэ́ на янэ́на лачхипэ́н и на зракхэна; пал дова́ со ёнэ – дылныпэ́н.

Яви́р Зако́но 32:21

Ёнэ холякирдэ Ман лэ́нгирэ надэвлэса, нэ пэ́скирэ идолэнца ёнэ холякирдэ Ман: и Мэ лэн холякирава наманушэнца, а дылынэ́ манушытконэ́ нацыя́са (народоса) холякирава Мэ лэн;

Apostolengiri Butý 14:15

ракири́: “Мануша́лэ! Со тумэ́ кэрэ́на? Амэ сам дасавэ́-паць мануша́, сыр и тумэ́, и роспхэнаса бахталы́ зан тумэ́нгэ, и амэ камаса, соб (кай) тумэ́ тэ мэкэ́н кадалэ́ хоханэ́ и́долы и тэ прилэ́н джидэ́ Дэвлэ́с, Саво́ создыя́ болыбэ́н и пхув и пани́, и саро́, со исын дрэ лэ́ндэ;

Ереме́ё 2:31

О, Израилёскиро ро́до! Шунэ́н мирэ́ лава́ Ра́стыр-Дэвлэ́стыр! Ци со́мас Мэ сы́рбы пэ чхучи́ пхув Израилёскэ? Ци сы́рбы калы (тёмно) пхув? Со́скэ тэды Мирэ́ мануша́ ракирэ́на: ‘Амэ кокорэ́ сам рая пэ́скэ! Амэ буты́р на ява́са кэ Ту!’

Матфеё 15:8

‘Кадалэ́ мануша́ кутякирэна Ман уштэ́нца пэскирэнца, нэ ило́ лэ́нгиро исын дур Ма́ндыр;

Езэкилё 11:15

“Чхаво́ манушэ́скиро! Трэ пшалэ́нгэ, трэ сэмэнцакэ, трэ родо́скэ и сарэ́ кхэрэ́скэ Израилёскирэскэ, сарэ́нгэ, конэ́скэ пхэндлэ́ джиибна́скирэ мануша́ дро Ерусалимо: ‘Дурьён Ра́стыр-Дэвлэ́стыр, кадая́ пхув дынэ́ амэ́нгэ сыр мэкно́ миштыпэ́н.’

Ереме́ё 14:22

Ци исын машки́р Наюды́тка и́долы одолэ́, савэ́ дэ́на брышы́нд? Ци могинэ́ла (сашты́) кокоро́ болыбэ́н тэ дэл барэ́ панинга́? Ци дава́ нанэ Рай Дэвэ́л, амаро́ Дэвэ́л? Палдава́ амэ ява́са тэ ужакирас Тут, пал-дова́ со Ту кэрдя́н саро́ дава́.

Ереме́ё 12:2

Ту чхудя́н дрэ пхув лэн, лэ́нгирэ ґэрорья баринэ: ёнэ барьёна буты́р, чачо́, и ёнэ дэ́на пхаба́: Ту сан лэ́ндэ пэ чиб, нэ Ту сан дура́л лэ́нгирэ годендыр (илэндыр).

Ереме́ё 10:8

Ёнэ исын со кэ екх бигодякирэ и дылынинька, лэ́нгиро сыклякирибэ́н исын чхучо́, соб (кай) тэ дэн паты́в каштэнгэ.

Isajos 29:13

И пхэндя́ Рай Дэвэ́л: “Палдова́ со дава́ народо джа́ла кэ Мэ пэ́скирэ уштэ́нца и шарэла Ман пэ́скирэ чиба́са, нэ ило́ лэ́скиро дур отгия́ Ма́ндыр, и дова́, со ёнэ ґаздэ́на Ма́нгэ паты́в дрэ дар долэса, со сыклякирэ́на манушэ́нгирэ упхэныбэна́,

Isajos 46:12

Пошунэн Ман, мануша́ холямэ́ илэ́са, савэ́ отгинэ́ чачипнастыр.

Ереме́ё 2:4

Шунэ́н Ра́скирэ-Дэвлэ́скиро лав тумэ́, кхэр Яково́скиро, и сарэ́ сэм΄и (ирья́) [кхэра́-р.с.] Израилёскирэ кхэрэ́стыр!

Ереме́ё 8:19

Шунэ́н! Акэ, шундлы исын мирэ́ манушэ́нгирэ-чхакири зан, сыр ёй дэ́ла го́дла древа́н дуратунэ́ тхэмэстыр?: ‘Ци исын дава́ Рай Дэвэ́л пэ Сио́но? Ци исын дава́ Сионоскиро кра́ли одо́й?’ Рай Дэвэ́л, лэ́нгиро Кра́ли, отпхэнэ́ла: ‘Со́скэ ёнэ дукхавэнас Ман, соб (кай) Мэ тэ холясовав пэ лэ́ндэ пал лэ́нгирэ вычхиндлэ́ и́долы, савэ́ исын чу́жа и (ничы́ намол) хартытка?’

Езэкилё 14:5

Мэк тэ ґалён Израилёскиро кхэр дрэ пэ́скиро ило́, со пал сарэ́ ёнэ пэ́скрэ кэрдэ́ дэвлорэ́ кэрдэ́пэ ёнэ чу́жа ваш Ма́нгэ.’