Ереме́ё 2:34 - Библия - Пэ Балтитко Романи чиб (Романэс) 2019

³⁴ Адя́кэ-паць мануша́ латхнэ́ пэ труюны (пэ подя) рат, со бибангипнаскирэ мануша́ прочхудэ: ‘Мэ на латхём дава́, чораханэ́с родыи, нэ адя́кэ упра́л саро́ бицяло́.’

Biblija - Pe Baltitko Romani čib (Romanes) 2019

³⁴ Adiáke-pac' manušá lathné pe truiuny (pe podia) rat, so bibangipnaskire manušá pročhude: ‘Me na lathjom davá, čorahanés rodyi, ne adiáke uprál saró bicialó.’

Ереме́ё 2:34 Referans Kwoze

4 Kralip 21:16

Ишчо прочхудя Мана́сия древа́н бут рат бибангипнаскирэ манушэ́нгиро адя́кэ, со пхэрдякирдя́ лэ́нца Ерусалимо ягоро́стыр кэ яго́ро, буты́р пэ́скирэ грэхостыр, со ёв залыджия́ Юдас дро грэ́хо – тэ кэрэ́л фуипэ́н дрэ якха́ Ра́скирэ-Дэвлэ́скирэ.

Ереме́ё 19:4

Пал-дова́ со ёнэ мэкнэ́ Ман, и ёнэ кэрдэ́ чу́жо дава́ штэ́то ваш Ма́нгэ, и ёнэ тхувалякирдэ дрогонэ́ смолэнца явирэ дэвлорэ́нгэ, савэ́н ёнэ на джиндлэ́, и лэ́нгирэ дада́, и Юдэя́кирэ кра́лья, и ёнэ пхэрдякирдэ дава́ штэ́то бибангипнаскирэ ратэ́са;

4 Kralip 24:4

И пал рат, саво́ сыс бибангипнаскиро, саво́ ёв прочхудя, пхэрдякирдя́ Ерусалимо бибангипнаскирэ ратэ́са, Рай Дэвэ́л на закамдя́ лэ́скэ тэ отмэкэ́л.

Vygiiben 22:2

Ко́ли вари-кон ухтылэ́ла чорэс, саво́ подґанавэлапэ тэ чорэл, и пэкавэла лэс адя́кэ, со ёв мэрэ́ла, тэды рат на явэ́ла пэ лэ́стэ;

Езэкилё 24:7

Пал-дова́ со рат исын машки́р фо́ро, ёв ячадя лэс пэ са́мо нанги бэ́рга, на чхудя́ лэс пэ пхув, соб (кай) пра́хо тэ учхакирэл рат,

Езэкилё 20:31

Ке́ли тумэ́ янэ́на тумарэ́ да́ры, и лыджа́на пир яг тумарэ́ чхаворэ́н, далэ́са тумэ́ магирэна пэс сарэ́ тумарэ́ идолэнца аж кэ/ жы́ко ададывэ́с и камэ́на тэ пхучен Ма́ндыр, Израилёскиро кхэр? Тэ джива́в Мэ, – ракирэ́ла Рай Дэвэ́л, Дэвэ́л, – на пхэна́ва тумэ́нгэ ничи́.”

Ереме́ё 8:12

Ци ладжандынэ ёнэ, сыр ёнэ кэрдэ́ джунгалэ́ дэвлорэ́? Над! Ёнэ на ладжандынэ сарэ́са, и ёнэ на джиндлэ́ тэ лолён. Палдава́ ёнэ пэрэ́на машки́р одолэ́ндэ, савэ́ пынэ́, дро лэ́нгирэ-сэндоскиро часо (цы́ро) ёнэ обштавэна,’ – раки́рла Рай Дэвэ́л.

Ереме́ё 7:31

И ёнэ кэрдэ́ вучэ́ штэ́ты кэ Тофето, со исын пэ Хиномоскирэ-чхавэ́нгиро до́ло тэ хачкирэ́н Пэ́скирэ чхавэ́н и чхае́н дрэ яг – со Мэ припхэндём тэ на кэрэ́н, и со на явдя́ кэ Мэ пэ годы́.

Ереме́ё 6:15

“И ци ладжандынэ ёнэ, сыр ёнэ кэрдэ́ джунгалэ́ рэ́нды (де́лы)? Над, ёнэ на ладжандынэ, и ёнэ на джинэ́на, со исын дасаво тэ лолён. Палдава́ ёнэ пэрэ́на машки́р одолэ́ндэ, савэ́ пэрэ́на пэ мэрибэ́н”, – пхэндя́ Рай Дэвэ́л.

Isajos 59:7

Лэ́нгирэ ґэра́ праста́на кэ налачхэ́ рэ́нды, соб (кай) тэ прочхувэн рат манушэ́скиро, саво́ исын набанго; лэ́нгирэ ду́мы – ду́мы злыднитка; нашаибэн и хасибэ́н исын пэ лэ́нгирэ дрома́.

Isajos 57:5

Савэ хачкирибнаса, тырдэнапэ кэ и́долы тэл кажно кашт барэ́ ранденца; савэ́ замарэна чхаворэ́н пашы́л сыгна рэкицы, машки́р бэ́рги.

Isajos 59:3

Пал-дова́, со тумарэ́ васта́ магирдэ́ ратэ́са, а тумарэ́ ангушта (пальцы) – грэхэ́нца; тумарэ́ ушта́ хохавэна, тумари́ чиб на пхэнэ́ла чачипэ́н.

Ереме́ё 2:33

Сыр тумэ́ шукарьякирэна (хоханэ́с подкэрэна) пэ́скири манера, соб (кай) тэ латхэ́н камибэн? Палдава́ тумэ́ аж высыклякирдэ пэ́скирэ манерэнгэ самонэ бэдонэ джувле́н.

Ереме́ё 7:6

ко́ли тумэ́ на явэ́на тэ притасавэн чужонэ́ манушэ́с, пиротос (сиротас) и пивля (удова), и тумэ́ на явэ́на тэ прочхувэн набанго рат пэ дава́ штэ́то, и тумэ́ на явэ́на тэ псирэ́н тэ отдэ́н паты́в явирэ дэвлорэ́нгэ пэ тумари́ дош (би́да);

Roiben 1:9

Лэ́скиро магирипэ́н исын пэ лэ́скирэ и́дя, ёв на думиндя пал пэ́скиро джиибна́скиро ко́нцо (яго́ро), палдава́ ёв пыя́ адя́кэ намиштэс, лэ́стэ нанэ подрикирибнаскиро. Раё Дэ́вла! Дыкх мирэ́ мэ́ньки, пал-дова́ со вэ́рго барьякирдя пэс.

Roiben 4:14

Ёнэ псирдэ́ сыр корорэ́ пир га́сы, енэ магирдэ́ пэс ратэ́са адя́кэ, со ниекхэ манушэ́скэ сыс нашты́ тэ чилавэл лэ́нгирэ и́ди.

Езэкилё 9:9

Тэ́ньци пхэндя́ Ёв ма́нгэ: “Израилёскирэ-кхэрэ́скиро и Юдэя́киро чорипэ́н исын баро́, древа́н баро́, и ада́я пхув исын пхэрды́ ратэ́са, и фо́ро исын пхэрдо́ чорипнаса, со кэрэ́нас пэхроми, долэ́стыр, со ёнэ ракирэ́на: “Мэкця́ Рай Дэвэ́л, Дэвэ́л ада́я пхув, и на дыкхэ́ла Рай Дэвэ́л, Дэвэ́л.”

Езэкилё 22:25

Ла́кирэ проро́ки зракирэнапэ машки́р ла́тэ, сыр шчэр (ле́во), саво́ рыкинэла, рискирэ́ла пэ́скиро дорэсыбэ́н: ёнэ ха́на манушэ́нгиро ди, залэна миштыпэ́н и дро́гима, ячкирэна джувле́н биромэскиро.

Vygiiben 22:1

Ко́ли вари-кон чорэла гурувэ́с ци бакря́, и зачхинэла, ци бикнэла, тэды ёв исын банго́ пандж гурувэ́н тэ выплэскирэл пал гурувэстэ, и штар бакрен пал бакрятэ.

Езэкилё 23:45

Нэ дэвлы́тка мурша́ явэ́на тэ сэндякирэн лэн; сыр джувле́н, савэ́ парудэ ромэскэ, сыр кодолэ́н, савэ́ прочхувэна манушэ́нгиро рат, пал-дова́ со ёнэ исын биладжакунэ́ джувля́, рат исын пэ лэ́нгирэ васта́.