Ереме́ё 2:23 - Библия - Пэ Балтитко Романи чиб (Романэс) 2019

²³ Сыр да ту могиндян тэ пхэнэ́с: ‘Мэ на сом магирдо́, мэ на гиём пал Ваалостэ’? Дыкх, со ту кэрдя́н пэ до́ло: ту сан сы́рбы чвытко верблюдиха (дромадариха), сави́ уса́ парувэла пэ́скирэ дрома́;

Biblija - Pe Baltitko Romani čib (Romanes) 2019

²³ Syr da tu mogindian te phenés: ‘Me na som magirdó, me na gijom pal Vaaloste’? Dykh, so tu kerdián pe dólo: tu san sýrby čvytko vierbliudiha (dromadariha), saví usá paruvela péskire dromá;

Ереме́ё 2:23 Referans Kwoze

Ереме́ё 7:31

И ёнэ кэрдэ́ вучэ́ штэ́ты кэ Тофето, со исын пэ Хиномоскирэ-чхавэ́нгиро до́ло тэ хачкирэ́н Пэ́скирэ чхавэ́н и чхае́н дрэ яг – со Мэ припхэндём тэ на кэрэ́н, и со на явдя́ кэ Мэ пэ годы́.

Pritčy 30:12

Исын ро́до, саво́ исын жужо́ анги́л пэ́скирэ якха́, нэ ёв исын на мордо пэ́скирэ мэлятыр.

Римлянэнгэ 3:19

Нэ амэ джина́са, со дова́, со вари-ке́ли Зако́но ракирэ́ла, ёв ракирэ́ла одолэ́ манушэ́нгэ, савэ́ исын тэл Зако́но адя́кэ, соб (кай) кажна лава́ тэ запхэнэн тэ ракирэ́н, и саро́ свэ́то тэ явэ́л банго́ анги́л Дэвлэ́стэ.

Luka 10:29

Нэ Законоскиро сыклякирибнари, ками тэ сыкавэ́л пэс чачунэса, пхуця́ Исусо́стыр: “Кон исын миро пашатуно ману́ш?”

Ереме́ё 31:22

Сыр ґара́ (длу́гэс) ту явэ́са тэ псирэ́с пэ́скэ ту, чхаё, сави́ отпыя? Пал-дова́ со Рай Дэвэ́л кэрдя́ вари-со нэво́ пэ пхув” – э джувлы́ зракхэ́ла ромэс.

Ереме́ё 9:14

а ёнэ кэрдэ́ пир пэ́скирэ пхарэ́ илэ, и отдэнас паты́в Ваалоскэ, сыр лэ́нгирэ дада́ сыклякирдэ́ лэн;”

Ереме́ё 3:2

Ѓаздэн пэ́скирэ якха́ пэ вучэ́ биманушэнгирэ штэ́ты и Дыкхэ́н акана́, кай тумэ́ сыкадэ паты́в явирэ дэвлорэ́нгэ. Пашэ дрома́ тумэ́ са́нас бэштэ́ ваш лэ́нгэ, сы́рбы о Арабо пэ чхучи́ пхув, и тумэ́ магирдэ́ пэ́скири пхув налачхэ́ камибнаса и фуипнаса.

Pritčy 30:20

Акэ, сыр налачхи джувлы́ кэрэ́ла: ёй ха́ла, и кхосэла пэ́скиро муй, и ёй ракирэ́ла: “Мэ на кэрдём ни саво́ фуипэ́н.”

Pritčy 28:13

Кон гаравэла пэ́скирэ грэ́хи, одолэ́скэ на явэ́ла мишто́, нэ кон приджинэла грэ́хи и мэкэ́ла тэ кэрэ́л лэн, кодолэ́с Дэвэ́л тангинэла.

Psalmy 50:21

Ту кэрдя́н Дава́ и Мэ со́мас штыл (тихо); ту думиндян, со Мэ сом адасаво́, сыр ту сан. Нэ Мэ сыкава́ва тыри́ банг и чхува́ва дава́ екх пал екх анги́л тырэ́ якха́.

Psalmy 36:2

Ке́ли фуй ману́ш кэрэ́ла чорипэ́н, лэ́скиро ило́ сы́рбы ракирэ́ла мирэ́ илэскэ: “На трэй мирэ́ якхэнгэ тэ дарэ́н Дэвлэ́стыр.”

Ester 8:16

А Юдэ́ндэ сыс тэды свэнцыныбэн, и ра́дыма, и лош (весе́лиё), и свэ́нко.

Ереме́ё 2:36

Со́скэ тумэ́ древа́н бут псирэ́на чхучэс, и парувэна тумарэ́ дрома́? Тумэ́ явэ́на ладжакирдэ́ дро Еги́пто, адя́кэ-паць сыр тумэ́ са́нас ладжакирдэ́ дрэ Асирия.

Ереме́ё 14:10

Адя́кэ пхэндя́ Рай Дэвэ́л пал кадалэ́ манушэ́ндэ: “Ёнэ адя́кэ покамлэ тэ псирэ́н, со ёнэ на обрикирэнас пэ́скирэ ґэра́; и Рай Дэвэ́л на радынэ́лапэ лэ́ндыр: Ёв рипирэла лэ́нгиро чорипэ́н и Ёв явэ́ла тэ сэндякирэ́л лэн пал лэ́нгирэ грэ́хи.”

Ереме́ё 16:10

И явэ́ла адя́кэ: ке́ли ту роспхэнэса сарэ́ далэ́ лава́ одолэ́ манушэ́нгэ, тэ́ньчи ёнэ пхэнэ́на ту́кэ: ‘Пал со дава́ выпхэндя Рай Дэвэ́л сари́ дая́ бари биба́хт (би́да) пэ амэ́ндэ? Дро со исын амаро́ чорипэ́н? Ци саво́ грэ́хо амэ кэрдя́м проти Растэ-Дэвлэ́стэ, амарэ́ Дэвлэ́стэ?’

Osija 1:2

Акэ, сыр Рай Дэвэ́л лыя́ тэ ракирэ́л пир Осия́стэ. И пхэндя́ Рай-Дэвэ́л Осияскэ: “Джа́, лэ пэ́скэ биладжакуня джувля́, и тэ явэ́н тырэ́ чхаворэ́ биладжакунэ́. Пал-дова́ со дая́ пхув древа́н кэрэ́ла биладжаипэ́н (марки), сыр лэ́нгирэ мануша́ дурьёна (отгинэ́) Ра́стыр-Дэвлэ́стыр.”