Ереме́ё 2:2 - Библия - Пэ Балтитко Романи чиб (Романэс) 2019

² “Джа́ и пхэн ясвэ́нца дрэ манушэ́нгирэ [чхакирэ-р.с.] кана́ Ерусалимо́стыр, пхэни́: ‘Адя́кэ ракирэ́ла Рай Дэвэ́л: ‘Мэ рипирава тут, Израилё, савэ́ лачхэ́ сыс тырэ́ мануша́ тэрнал, тумари́ паты́в, со сыс сы́рбы тэрнэндэ анги́л совэ́л, сыр тумэ́ гинэ́ пал Ма́ндэ пэ чхучэ́ прахи, пэ пхув, со на чхудэ́ гива́ ишчо (инкэ́).

Biblija - Pe Baltitko Romani čib (Romanes) 2019

² “Džá i phen jasvénca dre manušéngire [čhakire-r.s.] kaná Jerusalimóstyr, phení: ‘Adiáke rakiréla Raj Devél: ‘Me ripirava tut, Izrailjo, savé lačhé sys tyré manušá ternal, tumarí patýv, so sys sýrby ternende angíl sovél, syr tumé giné pal Mánde pe čhučé prahi, pe phuv, so na čhudé givá iščo (inké).

Ереме́ё 2:2 Referans Kwoze

Езэкилё 16:60

Нэ Мэ пририпирава Миро доракирибэ́н ту́са, саво́ Мэ чхудём дрэ тырэ́ тэрнэ́ бэрша́; ишчо (инкэ́) кэра́ва Мэ ве́чно доракирибэ́н (союзо) ту́са.

Езэкилё 16:8

Тэ проджавас Мэ одо́й, кай ту са́нас, и Мэ удыкхавас тут. Акэ, дава́ сыс тыро́ часо, камлыпнаскиро часо. Лыём Мэ Мирэ́ урибэна́, учхакирдём тыро́ нангипэ́н; дыём совэ́л ту́кэ, кэрдём доракирибэ́н ту́са, – ракирэ́ла Рай Дэвэ́л, Дэвэ́л, – ту яця́н Мири́.

Ереме́ё 11:6

Тэ́ньци пхэндя́ Рай Дэвэ́л ма́нгэ: ‘Пхэн зоралэ́с анги́л манушэ́ндэ сарэ́ кадалэ́ лава́ дрэ Юдэя́кирэ фо́рья, и пэ Ерусалимо́скирэ вули́цы (га́сы) кадасавэ́ лавэ́нца: “Шунэ́н кадалэ́ Заветоскирэ лава́ и выпхэрдякирэн лэн.”

Ереме́ё 7:2

“Тэрдёв дрэ по́рта анги́л Ра́скирэ-Дэвлэ́скиро Кхэр (Кхангири́), и пхэн зоралэ́с анги́л манушэ́ндэ дава́ лав и пхэн: “Шунэ́н Ра́скирэ-Дэвлэ́скиро лав сарэ́ тумэ́, кон исын Юдэя́тыр, савэ́ заджа́на пирда́л дая́ по́рта тэ отдэ́н паты́в Ра́скэ-Дэвлэ́скэ.

Яви́р Зако́но 2:7

пал-дова́ со Рай Дэвэ́л, тыро́ Дэвэ́л бахтякирдя́ тут дрэ кажно тырэ́-вастэнгиро рэ́ндо, ракхця́ тут [дыкхця́ пал ту́тэ-р.с.] дро часо, ке́ли ту псирдян пир бари дая́ чхучи́ пхув; ґа́да, штардэша́ бэрш Рай Дэвэ́л, тыро́ Дэвэ́л исын ту́са; ту́тэ саро́ сыс.’”

Osija 2:15

И Мэ да́ва ла́кэ винаграды́тка барья одотхы́р и до́ло Ахороскиро, сыр вуда́р тэ ужакирэл лачхипэ́н. Одо́й ёй явэ́ла тэ багал, сыр дрэ дывэса́ ла́кирэ тэрныпнаскирэ, и сыр дро дывэ́с, ке́ли ёй гия́ криг Египто́скирэ пхувья́тыр.

Ереме́ё 2:6

И на пхэндлэ́ ёнэ: “Кай исын Рай Дэвэ́л, Кон лыджия́ криг амэн Египто́скирэ пхувья́тыр, Кон лыджия́ амэн пирда́л чхучэ́ пхувья́, пирда́л чхучэ́ прахи, пирда́л ґанбиня́, пирда́л шутькирды пхув, кай исын зэр (тень) сы́рбы мэрибна́стыр, пирда́л пхув, пэ сави́ ние́кх на прогия́, и нико́н на дживдя́.”

Яви́р Зако́но 8:2

И ри́пир саро́ дром, савэ́са тут лыджия́ Рай Дэвэ́л, Дэвэ́л тыро́, пир чхучи́ (пусто) пхув, ґа́да, акана́ исын штардэша́ бэрш, соб (кай) тэ штылякирэл тут, соб (кай) тэ спробинэл тут и тэ уджинэл, со исын пэ тыро́ ило́, ци явэ́са ту тэ ракхэ́с Лэ́скирэ припхэныбэна́, ци над.

Vygiiben 14:31

И дыкхнэ́ Израильтя́ни зорало́ васт, савэ́са кэрдя́ саро́ Рай Дэвэ́л пэ Египтянэндэ, и страха́дынэ мануша́ Ра́стыр-Дэвлэ́стыр, и патяндынэ́ Ра́скэ-Дэвлэ́скэ и Мойза́скэ, Лэ́скирэ писхари́скэ. Тэды Мо́йза и Израилёскирэ чхавэ́ багандлэ Ра́скэ-Дэвлэ́скэ дая́ гилы́ и ракирдэ́:

Матфеё 11:15

Конэ́стэ исын кана́, мэк тэ шунэ́л.

Luka 12:13

Тэды вари-кон манушэ́ндыр пхэндя́: “Сыклякирибнарискиро! Пхэн Мирэ́ пшалэ́скэ, соб (кай) ёв тэ росчхувэл пир паша́ (тэ улавэ́л) ма́нца мэкно́ миштыпэ́н, со дад ячкирдя́ амэ́нгэ.”

Jona 1:2

“Ушты́, джа́ кэ Ниневия, дава́ баро́ фо́ро, и ра́кир зоралэ́с проти лэ́стэ: пал-дова́ со далэ́ форо́скирэ-манушэ́нгирэ злыднитка рэ́нды (фуй де́лы) явнэ́ анги́л Ма́ндэ.”

Osija 8:1

Причхувэ́н ро́го (труба) кэ ушта́ тумарэ́. Ёв, вэ́рго, явэ́ла сыр о́рло (ки́до) проти Кхэр Ра́скирэ-Дэвлэ́скиро , пал-дова́ со ёнэ пхагирдэ́ Миро Завето и кэрдэ́ бу́нто проти Миро Зако́но.

Езэкилё 23:19

Ёй ишчо (инкэ́) бутэды́р кэрэ́лас пэ́скиро биладжакуно рэ́ндо, сыр пририпирлас пэ́скирэ тэрнэ́ бэрша́, ке́ли кэрдя́ биладжакуно рэ́ндо пэ Египто́скири пхув.

Езэкилё 23:8

Ёй на пириячэлас тэ кэрэ́л грэ́хо и Египтянэнца, пал-дова́ со ёнэ джинэнаспэ ла́са, ко́ли ёй сыс тэрны́, ёнэ чилавэнас ла́кирэ колына, ёнэ кэрэ́нас ла́са биладжакиро грэ́хо.

Езэкилё 23:3

И кэрэ́нас ёнэ биладжакирэ рэ́нды дро Еги́пто, ёнэ кэрэ́нас дава́ грэ́хо дрэ пэ́скирэ тэрнэ́ бэрша́; одо́й нашадэ ёнэ чхакири ладж, одо́й лэ́нгирэ колына чаладэ мурша́.

Езэкилё 16:22

И ко́ли кэрэсас сарэ́ тырэ́ джунгалыпэна и биладжакунэ́ рэ́нды, ту на рипирдян тырэ́ тэрнэ́ бэрша́, ке́ли ту са́нас нанги, научхакирды и чхурдыны дро тыро́ рат.

Ереме́ё 19:2

И джа́ кэ Еномоскиро [Геномоскиро-ю.о.] до́ло, саво́ исын пашы́л Пирье́нгири по́рта (Харшыфо) и пхэн зоралэ́с анги́л сарэ́ндэ лава́, савэ́ Мэ пхэна́ва ту́кэ.

Isajos 58:1

“Кхар зоралэ́ заня́са, на андырша; ґа́здэ тыри́ зан сыр ро́го (труба), сыка́в Мирэ́ народоскэ пэ лэ́скирэ налачхэ́ рэ́нды, сыка́в Яково́скирэ кхэрэ́скэ пэ лэ́скирэ грэ́хи.

Гиленгири (Соломоно́скири) Гилы́ 3:11

Джа́н тэ дыкхэ́н, Сионо́скирэ чхая́лэ, акэ, исын кра́ли Соломо́но, дрэ крали́тко стадык (вя́нка), сави́ лэ́скири дай чхудя́ пэ шэро́, дро дывэ́с, ке́ли ёв лыя́ совла́х, дро дывэ́с, ке́ли лэ́скиро ило́ радындяпэ.

Pritčy 1:20

Годыпэ́н годлэла яври́ пэ вули́ца (га́са): ёв ґаздэ́ла пэ́скири зан (глос) пэ форуня́ (пло́шчы);

Vygiiben 16:8

И пхэндя́ Мо́йза: “Тумэ́ уджинэна, ке́ли Рай Дэвэ́л бэльвэле́ дэ́ла тумэ́нгэ мас дрэ хабэ́н, а пэ ра́нко маро́, кицы́ тумэ́ камэ́на, пал-дова́ со Рай Дэвэ́л шундя́ го́дла тумари́, сави́ тумэ́ ґаздынэ́ проти Лэ́стэ: а амэ со? Тумари́ го́дла на пэ амэ́ндэ, а пэ Растэ-Дэвлэ́стэ.

Jakov 4:4

Напатяибнытка мурша́ и джувля́! Ци на джинэ́на тумэ́, со малыпэн (дружба) грэхитконэ́ манушэ́нца свэто́стыр исын проти Дэвлэ́стэ? И адя́кэ, кон выкэдэ́ла пэ́скэ малэ́с (друго́с) адалэ́ свэто́стыр, одова́ явэ́ла проти Дэвлэ́стэ.

Sykadyipén 2:4

нэ Мэ бангякирава тут пал дова́, со ту́кэ нанэ дро́го буты́р, со сыс ту́кэ са́мо дро́го ґарэды́р.

Psalmy 129:1

Гили анги́л Кхангири́. Бут мо́лы ёнэ притасавэнас ман мирэ́ тэрныпнастыр, мэк тэ пхэнэ́л Израилё:

Ереме́ё 2:1

И сыс кэ мэ, Ра́скирэ-Дэвлэ́скиро лав, и пхэндя́:

Ереме́ё 3:4

Ци явэ́на тумэ́ тэ кхарэ́н ясвэ́нца Ман: ‘Миро Да́до! Ту сан Лыджаибнаскиро амарэ́ тэрныпнастыр?

Osija 2:7

И ёй традэлапэ пал ла́кирэ камлытконэндэ, нэ ёй на дотрадэла лэн; и ёй явэ́ла тэ родэ́л лэн, нэ ёй на латхэ́ла лэн: И тэды пхэнэ́ла ёй: ‘Нэ, джа́ва мэ и рисёва́ва палэ кэ миро пэ́рво ром, пал-дова́ со сыс фэды́р ма́нгэ сыр акана́ исын ма́нца.’

Яви́р Зако́но 33:3

Чачунэ́с Лэ́скэ исын дро́га Лэ́скирэ мануша́, сарэ́ Лэ́скирэ свэ́нта исын дро Лэ́скиро [Тыро́-р.с.] васт, и ёнэ бэшнэ́ тэла́л паш Лэ́скирэ пирэ́ (сто́пы), соб (кай) тэ шунэ́н Лэ́скирэ лава́.

Гиленгири (Соломоно́скири) Гилы́ 3:6

“Кон адава́ исын, саво́ уштэ́ла чхучэ́ прахэндыр, сы́рбы баро́ тхув ґаздэ́лапэ, саво́ исын тхувлякирдо миро́са и гудлэ́ смоласа, и кажнонэ́ лачхэ́-сунгакирэ драбэнца тылгарьендыр (купцэндыр).

Osija 2:17

пал-дова́ со Мэ кэра́ва адя́кэ, со ла́кирэ ушта́ буты́р на явэ́на тэ пхэнэ́н лава́ Ваалэнгирэ, и кадалэ́ кхарибэна (лава́) буты́р на явэ́на тэ рипирэнпэ пэ годы́ манушэ́нгирэ Израилёстыр.

Osija 9:10

Мэ латхём тут, о Израиле, сы́рбы винаграды́тко (дракхитко) мура пэ чхучи́ (пусто) фэ́лда; Мэ дыкхцём тумарэ́ дадэн сы́рбы пэ́рва баритка (пло́ды) пэ инжыритко дрэ́во дро пэ́скиро пэ́рво сезоно. Нэ ке́ли ёнэ гинэ́ кэ Ваалфегоро, тэды ёнэ отдынэ́ пэс ладжаипнаскэ; ёнэ ячнэ́ джунгалэ́ сы́рбы и́долы, со ёнэ камлэ́.

Osija 11:1

Пэ зло́ко (пэ ра́нко) кра́ли Израилёскиро хасёла! ‘Сыр Израилё сыс бия́то, ёв яця́ дро́го Ма́нгэ, и Мэ кхардём Мирэ́ чхавэ́с Египто́стыр.