Ереме́ё 2:18 - Библия - Пэ Балтитко Романи чиб (Романэс) 2019

¹⁸ И акана́, ваш со ту́кэ, Израиле, трэй тэ кэрэ́с дром кэ Еги́пто и тэ пьес Сихороскирэ (Нилостыр) паня́, ци тэ кэрэ́с дром кэ Асирия; и тэ пьес ла́кирэ рэка́тыр (лэня́тыр).

Biblija - Pe Baltitko Romani čib (Romanes) 2019

¹⁸ I akaná, vaš so túke, Izrailie, trej te kerés drom ke Jegípto i te p'jes Sihoroskire (Nilostyr) paniá, ci te kerés drom ke Asirija; i te p'jes lákire rekátyr (leniátyr).

Ереме́ё 2:18 Referans Kwoze

Isúso 13:3

Сихоростыр, со исын анги́л Еги́пто кэ ме́жа Екроноскири кэ паш-рати́тко (северно риг), далэ́ пхувья́ гинэнапэ Ханаансконэнца, пэ савэ́ исын пандж хулая́ Филистимоскирэ: Газско, Азотско, Аскалонско, Гефско, Екронско и Авейско;

Osija 7:11

Ефре́мо адя́кэ-паць исын сы́рбы дылынинько голумбо, савэ́стэ нанэ годы́: ёнэ кхарэ́на Еги́пто, нэ ёнэ джа́на кэ Асирия.

Ереме́ё 2:36

Со́скэ тумэ́ древа́н бут псирэ́на чхучэс, и парувэна тумарэ́ дрома́? Тумэ́ явэ́на ладжакирдэ́ дро Еги́пто, адя́кэ-паць сыр тумэ́ са́нас ладжакирдэ́ дрэ Асирия.

Isajos 31:1

Бида одолэ́нгэ, савэ́ джа́на дро Еги́пто пал подрикирибэ́н, наде́я лэ́нгири пэ грэ́ндэ и пэ марибны́тка вурдэна́, пал-дова́ со бут лэн исын, пэ манушэ́ндэ, савэ́ традэ́на уклистэ́ пэ грэ́ндэ, савэ́ исын зоралэ́, а пэ Свэ́нто Израилё ёнэ на дыкхэ́на, и кэ Рай Дэвэ́л ёнэ на джа́на!

Osija 5:13

Ке́ли Ефре́мо дыкхця́ пэ́скири дукх, и Юда дыкхця́ пэ́скиро фра́нсо (рана), тэды гия́ Ефре́мо кэ Асуро, и бичхадя́ пал крали́стэ Иаревостэ (Яревостэ), нэ ёв на дэ́ла ра́да тэ састякирэл тумэн, ци тэ драбакирэл тумэн тумарэ́ рискирдэ́ франсостыр (ранатыр).

Езэкилё 17:15

Нэ кодова́ (Юдэя́киро кра́ли) угия лэ́стыр, бичхадя́ пэ́скирэ послэн дро Еги́пто, соб (кай) тэ дэн лэ́скэ бут грэн и бут манушэ́н. Ци явэ́ла лэ́скэ бахт? Выдживэла, хай, кодова́, кон кэрэ́л дава́? Ёв пхагирдя́ доракирибэ́н, зракхэ́лапэ ли ёв?

Roiben 4:17

Амарэ́ якха́ кхинынэ тэ дыкхэ́н ивья́ (дармэс), со вари-кон подэла васт амэ́нгэ. Амэ дыкхцям амарэ́ вучардятыр (башнятыр) пал манушэ́ндэ, савэ́ на дынэ́ ра́да тэ зракхэн амэн.

Isajos 7:20

Дро дова́ дывэ́с обмуравэла Рай Дэвэ́л мурадлуняса (бритваса), сави́ Ёв залыя долэ́ бутярнэндэ палэ рэка (лэнь), Асирия́кирэ крали́стэ шэро́ и бала́ пэ ґэра́, обчхинэла чхора (брода).

Isajos 23:3

Пир баро́ пани́ янэ́нас лэ́скэ зя́рки (семяны) Сихороскирэ, умалото (урожаё) барэ́ рэка́тыр (лэня́тыр), сыс дая́ пхув штэтоса, кай народы бикнэнас.

Езэкилё 16:28

Ту адя́кэ-паць кэрдя́н ладжаипэ́н Асуроскирэ чхавэ́нца, нэ ту на чалыян, чачэс ту кэрэсас ладжаипэ́н лэ́нца, и на ухтыллас (на́доси) ту́кэ дава́.

2 Паралипоменоно 28:16

Дрэ долэ́ дывэса́ бичхадя́ кра́ли Аха́зо кэ Асирия́киро кра́ли, соб (кай) ёнэ тэ дэн васт (тэ помогинэн) лэ́скэ.

Ереме́ё 31:22

Сыр ґара́ (длу́гэс) ту явэ́са тэ псирэ́с пэ́скэ ту, чхаё, сави́ отпыя? Пал-дова́ со Рай Дэвэ́л кэрдя́ вари-со нэво́ пэ пхув” – э джувлы́ зракхэ́ла ромэс.

Roiben 5:6

Амэ тырдаса васта́ кэ Египтя́ни, и Асирийцы, соб (кай) тэ хан маро́ чалэ́с.

Езэкилё 23:30

Ѓа́да, ёнэ кэрэ́на ту́са адя́кэ колэ пал тырэ́ биладжакунэ́ рэ́нды Наюдытконэ́ нацыенца, конэскирэ идолэнца ту магирдян пэс.