Ереме́ё 2:13 - Библия - Пэ Балтитко Романи чиб (Романэс) 2019

¹³ Пал-дова́ со мирэ́ мануша́ кэрдэ́ чорипэ́н дуй мо́лы: ёнэ ячкирдэ́ Ман, Кон исын джидэ́-панескири ґанингори и ёнэ выганадэ пэ́скэ вэндариня (сажалки), пхагирдэ́ лэн, со на могинэ́на тэ рикирэ́н пани́.

Biblija - Pe Baltitko Romani čib (Romanes) 2019

¹³ Pal-dová so miré manušá kerdé čoripén duj móly: jone jačkirdé Man, Kon isyn džidé-panieskiri ĥaningori i jone vyganade péske vendarinia (sažalki), phagirdé len, so na moginéna te rikirén paní.

Ереме́ё 2:13 Referans Kwoze

Joannostir 4:14

Нэ кон явэ́ла тэ пьел пани́, саво́ Мэ да́ва лэ́скэ, одова́ на явэ́ла тэ камэл тэ пьел саро́ ве́ко; а пани́, саво́ Мэ да́ва лэ́скэ, ячэ́ла андра́л манушэ́стэ ґанынгаса ваш дасаво пани́, саво́ лыджа́ла дро ве́чно джиибэ́н.”

Joannostir 7:37

Дро палатуно́ (последнё) и са́мо главно свэнкитко дывэ́с, Ису́со тэрдия́ и пхэндя́ зоралэ́ заня́са: “Одова́, кон камэ́ла тэ пьел, мэк тэ явэ́л кэ Мэ.

Ереме́ё 17:13

Раё Дэ́вла! Ту́тыр ужакирэ́ла лачхипэ́н Израилё! Сарэ́, кон мэкнэ́ Ту́тыр, явэ́на ладжакирдэ́. Сарэ́, кон дуринэ (отгинэ́) Ту́тыр, явэ́на чхиндлэ́ пэ пхув. Пал-дова́ со ёнэ ячкирдэ́ Рас-Дэвлэ́с, Саво́ исын джидэ́-пане́скири ґаны́нг.

Sykadyipén 21:6

И Ёв пхэндя́ ма́нгэ: “Кэрдя́пэ кэ ко́нцо (яго́ро) (сполниндяпэ). Мэ сом Альфа и Омега, Англыпэ́н и Ко́нцо (Яго́ро). Одолэ́скэ, конэ́стэ исын смэга (жажда), Мэ да́ва тэ пьел джиибна́скирэ-панё́скирэ ґанынгорьятыр би ловэнгиро.

Psalmy 36:9

Ту чалякирэса лэн барвалэ́ скаминдэстыр дро Тыро́ кхэр, Ту дэ́са тэ пьен лэ́нгэ рэка́тыр (лэня́тыр) Пэ́скирэ кучонэ́ миштыпна́стыр.

Sykadyipén 22:1

И Янго́ло сыкадя́ ма́нгэ рэка (лэнь) джиибна́скирэ пане́са, сави́ сыс жужы, сыр кристало. Ёй тхадэлас Дэвлэ́скирэ и Бакрорэ́скирэ троно́стыр.

Isajos 55:2

Со́скэ тумэ́нгэ отдэ́н ловэ́ пал дова́, со нанэ маро́; со́скэ тэ отдэ́н ловэ́ пал дова́, со на чалякэрэла? Шунэ́н акана́ Ман и хан лачхипэ́н; мэк тумаро́ ди тэ явэ́л чало тхулыпнаса.

Sykadyipén 22:17

Ду́хо (Фа́но) и тэрны́ пхэнэ́на: “Яв!” И мэк о одова́, кон шунэ́ла, тэ пхэнэ́л: “Яв!” И мэк одова́, конэ́стэ исын смэ́га, тэ пьел джиибна́скиро пани́ би ловэнгиро.

Ереме́ё 4:22

‘Пал-дова́ со Мирэ́ мануша́ исын налачхэ́, ёнэ на джинэ́на Ман, – ракирэ́ла Рай Дэвэ́л – ‘ёнэ исын на годьварэ́, ёнэ исын годэ́ тэ кэрэ́н биба́хт (чорипэ́н), нэ ёнэ на джинэ́на тэ кэрэ́н лачхипэ́н.”

Ереме́ё 2:11

соб (кай) манушы́тко нацыя тэ парувэл пэ́скирэ дэвлэн, мэк ёнэ и на сыс дэвэла́? Нэ Мирэ́ мануша́ парудэ лэ́нгири сла́ва (Дэвлэ́скиро Барипэ́н) пэ и́долы, савэ́ндыр на сыс нисаво́ лачхипэ́н.

2 Petr 2:17

Кадалэ́ мануша́ исын сы́рбы ґанынга́ бипанескирэ и сы́рбы миглы и о́блоки, савэ́ традэ́ла балва́л, Дэвэ́л ракхэ́ла штэ́то ваш лэ́нгэ дро кало́ цямлыпэ́н.

Ереме́ё 2:17

Ци на яндян ту кокоро́, Израиле, саро́ дава́ пэ пэ́стэ, сыр ту ячкирдян Ман, Рас-Дэвлэ́с, Дэвлэ́с, ке́ли Мэ лыджиём тут дромэ́са.

Ереме́ё 1:16

И Мэ выпхэнава Миро пхаро́-сэндякирибэн пэ лэ́ндэ пал саро́ лэ́нгиро фуипэ́н, пал-дова́ со ёнэ ячкирдэ́ Ман, и ёнэ тхувлякирдэ дро́га смо́лы явирэ дэвлорорэнгэ, и ёнэ дынэ́ паты́в идолэ́нгэ, со кэрдэ́ лэ́нгирэ васта́.

Ekliesiastos 2:26

Дэвэ́л дэ́ла годыпэ́н, и джиныбэ́н, и ра́дыма одолэ́ манушэ́скэ, кон исын лачхо́ ваш Лэ́скэ; нэ Ёв дэ́ла буты́ и грэхитконэ́ манушэ́скэ, тэ скэдэл и тэ чхувэ́л кхэтанэ́, соб (кай) ёв могинэлас тэ отдэ́л кодолэ́скэ, саво́ исын лачхо́ ваш Дэвлэ́скэ. Дава́ исын адя́кэ-паць харныпэ́н и, сы́рбы тэ традэспэ пал балва́л.

Ереме́ё 15:6

Тырэ́ мануша́ мэкнэ́ Ман!’, – ракирэ́ла Рай Дэвэ́л, – тумэ́ дынэпэ палэ. Палдава́ Мэ протырдава (ґазда́ва) Пэ́скиро васт пэ тумэ́ндэ, и Мэ хасякира́ва тумэн: Мэ кхиныём тэ отмэкав (тэ простинав) тумэ́нгэ.

Isajos 63:8

Ёв пхэндя́: “Чачо́, ёнэ исын Мирэ́ чхаворэ́, савэ́ на хохавэна”, и Ёв сыс ваш лэ́нгэ Зракхибнариса.

Isajos 5:13

Пал саро́ дава́ джа́ла миро народо дро пле́но, ко́ли нико́н лэ́стыр дава́ на ужакирэлас; лэ́скирэ раё явэ́на бокхалэ́, лэ́скирэ барвалэ́ закамэна тэ пьен (явэ́на трушалэ).

Isajos 1:3

Гуру́в джинэ́ла пэ́скирэ хула́с, а о́сло (мега́ри) – пэ́скирэ-ра́скири шта́ла, нэ Израилё на джинэ́ла Ман, на ґалёла Миро народо.”

Ekliesiastos 2:11

Тэ́ньци мэ подыкхцём пэ сарэ́ бутя́, со мирэ́ васта́ кэрдэ́, и пэ сари́ пхари́ буты́, со мэ кэрдём пхарэ́с, и, чачо́, саро́ исын харныпэ́н и, сыр тэ традэспэ пал балва́л. На сыс ко́фо тэл кхам.

Ekliesiastos 1:2

“Харныпэ́н (суе́та) харныпнастыр”, – ракирэ́ла Еклесиасто (Сыклякирибна́скиро) пал Дэвлэ́стэ-харныпэ́н харныпнастыр. Саро́ исын харныпэ́н.”

1 Kralip 12:10

Нэ ке́ли ёнэ задынэ го́дла кэ Рай Дэвэ́л и пхэндлэ́: “Амэ кэрдя́м грэ́хо, пал-дова́ со амэ ячкирдям Рас-Дэвлэ́с и лыям тэ дынарина́с Ваалэнгэ и Астартэнгэ, какана́ зра́кх амэн амарэ́ вэргэ́нгирэ вастэ́стыр, и амэ ява́са тэ дынарина́с Ту́кэ”,

Ереме́ё 5:31

проро́ки ангилпхэнэна хохаибэ́н, рашая́ хулаинэна лэ́нгирэ лавэ́нца, и Мирэ́ мануша́ камэ́на дава́. Нэ со ёнэ явэ́на тэ кэрэ́н дро ко́нцо (дро яго́ро)?”

Ekliesiastos 4:4

И мэ дыкхцём, со пал кажно пхари́ буты́ и кажно рангири буты́, ману́ш зэвлынэла явирэ манушэ́скэ. Дава́ исын адя́кэ-паць харныпэ́н и сы́рбы тэ традэспэ пал балва́л.

Ереме́ё 2:26

Сыр чор, савэ́с ладжакирдэ́, сыр ухтылдэ́ лэс, ада́кицы ладжакирдэ́ пэс тумэ́, – мануша́ Израилёстыр: тумарэ́ кра́лья, тумарэ́ тхага́рья, и тумарэ́ рашая́, и тумарэ́ проро́ки,

Ekliesiastos 2:21

Исын ману́ш, кон кэрдя́ буты́ пхарэ́с годыпнаса, джиныбнаса и кэрдя́, и ёв ячкирэ́ла пэ́скиро миштыпэ́н манушэ́скэ, саво́ на кэрдя́ буты́ пхарэ́с пашы́л лэ́стэ. Дава́ исын адя́кэ-паць харныпэ́н и бари биба́хт.

Ekliesiastos 1:14

Мэ дыкхцём сарэ́ бутя́, со кэрэ́напэ тэл кхам, и, акэ – саро́ исын ивья́ и традэлапэ балваляса.

Сэндарьенгири Лылвари́ 10:13

А тумэ́ ячкирдэ́ Ман и лынэ́ тэ дынаринэ́н явирэ дэвлорэ́нгэ; пал-дова́ Мэ на ява́ва буты́р тэ зракхав тумэн;

Mihiejo 6:3

О Рай Дэвэ́л ракирэ́ла: “О Мирэ́ мануша́лэ! Со Мэ кэрдём тумэ́нгэ? И сыр дава́ сыс, со сы́рбы Мэ мэнчындём тумэн? Досыкавэн [отпхэнэн-р.с.] Ма́нгэ.

Mihiejo 2:8

“На΄гара тумэ́, кон са́нас Мирэ́ мануша́, ґаздынэ́пэ сыр вэ́рги проти Ма́ндэ – тумэ́ злэна зорья́са упратуно урибэ́н и тэлатуны и́дя манушэ́ндыр, савэ́ джа́на пашы́л бидаракирэс, савэ́ рисёна марибнастыр.

Ереме́ё 18:14

Ци мэкэ́ла ив дро Лива́но пэ́скирэ-бэргакири ска́ла? Ци могинэ́на тэ вышутён шылалэ паня́, со тхадэна дур явирэ штэтэ́ндыр?

Ереме́ё 5:26

Пал-дова́ со исын бибахталэ́ мануша́ машки́р Мирэ́ манушэ́ндэ: ёнэ подракхэна тэ замарэ́н сы́рбы кодолэ́, со старэна (ухтылэна) чирикле́н; ёнэ чхувэ́на фэлы́ сеткаса, ёнэ ухтылэна манушэ́н.

Ekliesiastos 12:8

Харныпэ́н харныпнастыр”, – пхэндя́ Сыклякирибна́скиро пал Дэвлэ́стэ. “Саро́ исын харныпэ́н.”

Joannostir 4:10

Ису́со пхэндя́ дро отпхэныбэ́н ла́кэ: “Ко́ли ту джинэсас, со Дэвэ́л дэ́ла и Кон одова́ исын, Саво́ ракирэ́ла ту́кэ: “Дэ Ма́нгэ тэ пья́в,’ тэды ту кокори мангэсас Лэ́стыр, и Ёв дэ́лас ту́кэ джидо́ пани́.”

Joannostir 4:11

Джувлы́ ракирэ́ла Лэ́скэ: “Мро Раё! Ту́тэ нанэ со́са тэ пхэрэс пани́ и ґаны́нг исын хор: Каты́р Ту́кэ тэ лэс джидо́ пани́?”

Яви́р Зако́но 31:16

И пхэндя́ Рай Дэвэ́л Мойза́скэ: “Ѓа́да, ту пасёса тырэ́ дадэ́нца, и адалэ́ мануша́ лэ́на тэ блэндынэн и тэ псирэ́н пал явирэ дэвлорэндэ долэ́-пхувья́кирэ, пэ сави́ ёнэ заджа́на, и ячкирэна Ман, и пхагирэна Миро завето, саво́ Мэ чхудём лэ́нца;

Isajos 12:3

Дрэ тумари́ ра́дыма явэ́на тэ лэн пани́, кай ганынг дэ́ла зракхибэ́н.

Ереме́ё 14:3

Лэ́нгирэ лачхэ́-родоскирэ рая [упратунэ-р.с.] бичхавэна пэ́скирэ кхэритконэ́ дынарье́н пал пани́: ёнэ джа́на кэ панитка ґанбиня́, нэ ёнэ на латхэ́на пани́; ёнэ рисёна палэ чхучэ́ пирье́нца: ёнэ исын ладжакирдэ́, ёнэ исын запхагирдэ дрэ годы́, и ёнэ учхакирдэ пэ́скирэ шэрэ́.

Ереме́ё 19:4

Пал-дова́ со ёнэ мэкнэ́ Ман, и ёнэ кэрдэ́ чу́жо дава́ штэ́то ваш Ма́нгэ, и ёнэ тхувалякирдэ дрогонэ́ смолэнца явирэ дэвлорэ́нгэ, савэ́н ёнэ на джиндлэ́, и лэ́нгирэ дада́, и Юдэя́кирэ кра́лья, и ёнэ пхэрдякирдэ дава́ штэ́то бибангипнаскирэ ратэ́са;

Езэкилё 47:1

Тэ́ньци ёв (дава́-паць ману́ш) яндя́ ман (Езэкилёс) палэ кэ Кхангирья́киро вуда́р; акэ, Кхангирья́кирэ прогостыр тхадэ́ла пани́ пэ васто́ко, пал-дова́, со Кхангири́ сыс тэрды фасадоса пэ васто́ко. И пани́ тхадэлас чачэ́-Кхангирья́кирэ рига́тыр пэ паш-дывэсы́тко риг, кай сыс алта́рё.

Заха́рия 13:1

Дро дова́ дывэ́с псиравэлапэ (откэрэлапэ) ґанынгори ваш Давидо́скиро кхэр и Ерусалимо́скирэ манушэ́нгэ, соб (кай) тэ выморэн (тэ халавэн криг) лэ́ндыр грэ́хо и кажно мэлалыпэн.

4 Kralip 22:17

Пал-дова́, со ёнэ ячкирдэ́ Ман и тхувалякирэна явирэ дэвлорэ́нгэ, соб (кай) тэ холякирэн Ман сарэ́ рэндэ́нца пэ́скирэ вастэнгирэ, то захачи́я холы́ Мири́ пэ дава́ штэ́то, и на мурдёла.’

Isajos 1:4

Ай, грэхи́тка мануша́лэ, народо, саво́ исын пхэрдо́ пэ́скирэ грэхэ́нца, на́лачхо ро́до, хасибны́тка чхавэ́! Тумэ́ ячкирдэ́ Рас-Дэвлэ́с, чхурдынэ́ свэнтонэ́ Израилёскирэ Дэвлэ́с, рисинэ́ палэ.

Езэкилё 14:5

Мэк тэ ґалён Израилёскиро кхэр дрэ пэ́скиро ило́, со пал сарэ́ ёнэ пэ́скрэ кэрдэ́ дэвлорэ́ кэрдэ́пэ ёнэ чу́жа ваш Ма́нгэ.’