Ереме́ё 2:11 - Библия - Пэ Балтитко Романи чиб (Романэс) 2019

¹¹ соб (кай) манушы́тко нацыя тэ парувэл пэ́скирэ дэвлэн, мэк ёнэ и на сыс дэвэла́? Нэ Мирэ́ мануша́ парудэ лэ́нгири сла́ва (Дэвлэ́скиро Барипэ́н) пэ и́долы, савэ́ндыр на сыс нисаво́ лачхипэ́н.

Biblija - Pe Baltitko Romani čib (Romanes) 2019

¹¹ sob (kaj) manušýtko nacyja te paruvel péskire devlen, mek jone i na sys develá? Ne Miré manušá parude léngiri sláva (Devléskiro Baripén) pe ídoly, savéndyr na sys nisavó lačhipén.

Ереме́ё 2:11 Referans Kwoze

Римлянэнгэ 1:23

и ёнэ парудэ бимэрибнаскири Дэвлэ́скири сла́ва пэ манушы́тко о́бразо, саво́ мэрэ́ла, и чириклытко, и мурдалытко и одолэнгиро, савэ́ ползынэна.

Isajos 37:19

И чхурдынэ́ дрэ яг лэ́нгирэ дэвлорэ́, нэ далэ́ сыс на дэвэла́, а буты́, сави́ кэрдэ́ васта́ манушэ́скирэ, кашт и бар, палдава́ хасякирдэ́ лэн.

Ереме́ё 16:20

Ци могинэ́ла (сашты́) ману́ш кокоро́ тэ кэрэ́л дэвлорэ́, савэ́ исын на дэвэла́ сарэ́са?”

Psalmy 106:20

и ёнэ заме́ст дова́, соб (кай) тэ славинэ́н Дэвлэ́с, парудынэ тэ славинэ́н гуруво́рэс, со ха́ла чар.

Mihiejo 4:5

Сарэ́ мануша́ псирэ́на и мангэ́напэ лавэ́са лэ́нгирэ дэвлорэндыр, нэ амэ ява́са тэ псирас, и мангаспэ Ра́скирэ-Дэвлэ́скирэ лавэ́са, амарэ́ Дэвлэскирэса пэ сарэ́ ве́ки.

1 Коринфянэнгэ 8:4

пал хабэ́н, саво́ янэ́на сыр свэ́нто дыибэ́н идолэ́нгэ, амэ джина́са, со идоло дава́ исын хохано́ дэвлоро дро свэ́то, со Дэвэ́л фэ́ни Екх исын, и яви́р нанэ.

Ереме́ё 2:8

Э рашая́ на пхэндлэ́: ‘Кай исын Рай Дэвэ́л?’, – кодолэ́, кон рикирэ́ла зор пэ Зако́но, ёнэ на джиндлэ́ Ман: пастыри адя́кэ-паць кэрдэ́ чорипэ́н Ма́нгэ, и проро́ки ангилпхэнэнас Валаалоскирэ лавэ́са, и ёнэ псирдэ́ пал и́долы, савэ́ндыр на сыс ни саво́ лачхипэ́н лэ́нгэ.

Ереме́ё 2:5

Адя́кэ ракирэ́ла Рай Дэвэ́л: ‘Саво́ чорипэ́н тумарэ́ дада́ латхнэ́ дрэ Ма́ндэ, со ёнэ дуринэ Ма́ндыр, со ёнэ гинэ́ пал хартытка и́долы, и со ёнэ кокорэ́ ячнэ́ хартытка (суетна)?

Psalmy 115:4

[12] Нэ лэ́нгирэ и́долы (хоханэ́ дэвлорэ́) исын рупэ́стыр и сувнака́стыр, савэ́ манушэ́нгирэ васта́ кэрдэ́:

Psalmy 3:3

Бут пхэнэ́на мирэ́ илэскэ: “Нанэ зракхибэ́н лэ́скэ Дэвлэ́стыр!” Сэ́ла.

Яви́р Зако́но 33:29

Бахтало́ ту сан, Израилё! Кон исын адасаво́, сыр ту сан, савэ́с Рай Дэвэ́л ракхэ́ла, Ёв исын шчы́то тыро́ и курта́ла славакэ тырьякэ. Вэ́рги тырэ́ поддэнапэ ту́кэ, и ту штавэса лэ́нгирэ вучэ́ штэ́ты.”

1 Petr 1:18

джины́, со на рупэ́са ци сувнака́са, савэ́ усае́кх нанэ важнэдыр сарэ́стыр, тумэ́ сан выкиндлэ чхучэ́ (пустонэ) джиибнастыр, саво́ тумэ́ дорэснэ́ пэ́скирэ дадэндыр;

Galatenge 4:8

А тэды, ґарэдыр (вагэдыр), ке́ли тумэ́ на джиндлэ́ Дэвлэ́с, тумэ́ са́нас писха́рья анги́л одолэ́ дэвлорэндэ, савэ́ сарэ́са нанэ натуралэ дэвэла́;

1 Kralip 4:21

И кхардя́ тыкнэмасэс: Ихаводо, пхэни́: “Отгия́ сла́ва Израилёстыр” Дэвлэ́скирэ ковчэгоскирэ лыибнаса и ла́кирэ састрэскирэ мэрибнаса и ла́кирэ ромэскирэса.

2 Паралипоменоно 13:9

Ци на тумэ́ вытрадынэ́ раша́н Ра́скирэ-Дэвлэскирэн, Аароноскирэн чхавэ́н, и Левитэ́н, и чхудэ́ ваш пэ́скэ раша́н, савэ́ сыс явирэ-пхувья́кирэ манушэ́ндэ? Кажно, кон явэ́ла, тэ высвэнцынэл пэс, гуруворэса и эфта́ бакрэнца, кэрэ́лапэ тумэ́ндэ хоханэ́-дэвлэнгирэ раша́са.

Ереме́ё 5:7

Пир дая́ причына сыр Ма́нгэ, Ра́скэ-Дэвлэ́скэ тэ отмэкав банг ту́кэ? Тырэ́ чхавэ́, мэкнэ́ Ман, и ёнэ совлахадэ идолэнца, савэ́ исын на дэвэла́. Мэ дыём тэ хан чалэ́с лэ́нгэ, нэ ёнэ кэрдэ́ марки Ма́нгэ, сы́рбы налачхи джувлы́, и ёнэ ґуртоса псирэ́н кэ вертепо (биладжакуно кхэр).

Ереме́ё 18:13

Палдава́, адя́кэ ракирэ́ла Рай Дэвэ́л: “Пхуч акана́ Наюдэндыр: ‘Кон шундя́ дасавэ́ налачхипэна? Израилёскири патывалы́ джувлы́ кэрдя́ древа́н на́лачхо (трашано) рэ́ндо.

Езэкилё 5:7

Палдава́ адя́кэ ракирэ́ла Рай Дэвэ́л, Дэвэ́л: “Пал дова́, со тумэ́ кэрэ́нас тумарэ́ грэ́хи буты́р сыр Наюды́тка на́цыи, савэ́ дживэ́нас пашы́л тумэ́ндэ; и на кэрэ́на сыр исын припхэндло дрэ Мирэ́ припхэныбэна́, на дживэ́на пир Мирэ́ зако́ны, и тумэ́ на дживэ́на пир зако́ны, савэ́ исын машкира́л Наюды́тка на́цыи, савэ́ исын трусця́л тумэ́ндэ,

Езэкилё 14:5

Мэк тэ ґалён Израилёскиро кхэр дрэ пэ́скиро ило́, со пал сарэ́ ёнэ пэ́скрэ кэрдэ́ дэвлорэ́ кэрдэ́пэ ёнэ чу́жа ваш Ма́нгэ.’

Яви́р Зако́но 32:16

Ёнэ холякирэна Лэс явирэ дэвлорэнца и магирипнаса холякирдэ Лэс;

Яви́р Зако́но 32:21

Ёнэ холякирдэ Ман лэ́нгирэ надэвлэса, нэ пэ́скирэ идолэнца ёнэ холякирдэ Ман: и Мэ лэн холякирава наманушэнца, а дылынэ́ манушытконэ́ нацыя́са (народоса) холякирава Мэ лэн;

3 Kralip 11:33

Дава́ пал дова́, со ёнэ ячкирдэ́ Ман, и лынэ́ тэ мангэ́нпэ Астартакэ, дэвлыткимакэ Сидонсконакэ, и Хамососкэ, дэвлорэскэ Моавитоскирэскэ, и Милхомоскэ, дэвлорэскэ Амонитоскирэскэ, и ёнэ на гинэ́ Мирэ́ дромэ́нца, соб (кай) тэ кэрэ́н лачхипэ́н анги́л якха́ Мирэ́ и тэ ракхэ́с упхэныбэна́ Мирэ́ и припхэныбэна́ Мирэ́, сыр Дави́до, лэ́скиро дад.

4 Kralip 1:3

Тэды Ра́скирэ-Дэвлэ́скиро Янго́ло пхэндя́ Илияскэ Фесвитяниноскэ: “Ушты́, джа́ гил (муял) манушэ́нгэ, савэ́н бичхадя́ Самариякиро кра́ли и пхэн лэ́нгэ: ‘Нау́што нанэ Дэвлэ́с дро Израилё, со тумэ́ джа́на тэ пхучэ́н Веельзевулостыр, Акароноскирэ дэвлыткиматыр?’