Ереме́ё 19:8 - Библия - Пэ Балтитко Романи чиб (Романэс) 2019

⁸ И Мэ кэра́ва далэ́ форо́стыр штэ́то тэ санпэ, и тэ дивинэнпэ трашаса манушэ́нгэ, кажно (сва́ко) ману́ш, кон пашы́л проджа́ла, явэ́ла ухтылдо дивоса, и ёв явэ́ла тэ дэл шоля сабнаса, дыкхи́ долэ́ сарэ́ фра́нсы (язвы).

Biblija - Pe Baltitko Romani čib (Romanes) 2019

⁸ I Me keráva dalé foróstyr štéto te sanpe, i te divinenpe trašasa manušénge, kažno (sváko) manúš, kon pašýl prodžála, javéla uhtyldo divosa, i jov javéla te del šolia sabnasa, dykhí dolé saré fránsy (jazvy).

Ереме́ё 19:8 Referans Kwoze

Ереме́ё 18:16

соб (кай) тэ кэрэ́н пэ́скирэ пхувья́тыр ди́во трашаса, тэ кэрэ́н штэ́то ўса́ды (сак) тэ санпэ манушэ́нгэ адя́кэ, со кажно (сва́ко) ману́ш, саво́ проджа́ла пашы́л, явэ́ла ухтылдо дивоса, и ёв кунякирэла (качынэла) шэрэ́са.

Ереме́ё 49:13

Пал-дова́ со Мэ совлахадём Мирэ́ Лавэ́са”, – ракирэ́ла Рай Дэвэ́л, “со пэ Восоро (Хацоро) явэ́на тэ дивинэнпэ трашаса, лэ́скэ явэ́ла бипатыв, прокошыбэ́н (арман) и ёв ячэ́ла чхучо́. И сарэ́ лэ́скирэ форье́ндыр явэ́на ўса́ды / сак (всегда) чхучэ́ штэ́ты.”

3 Kralip 9:8

И пал Кхангири́ дая́ вучи́, кажно, кон явэ́ла тэ проджал маму́й ла, страхадёла, и дэ́ла шоля (свиснинэла), и пхэнэ́ла: “Палсо́ Рай Дэвэ́л кэрдя́ адя́кэ далэ́ пхувья́са и далэ́ Кхангирьяса?”

Софония 2:15

Кадава́ явэ́ла радымакиро фо́ро, саво́ дживдя́ би дарипнаскирэс, конэ́скиро ману́ш пхэндя́ дро пэ́скиро ило́: “Мэ сом кадасаво́, и нанэ буты́р, барэды́р ма́ндыр!” Дыкхэ́н! Сыр чхучо́ яця́ дава́ фо́ро, – штэ́то мурдалэ́нгэ тэ пасён! Кажно ману́ш джа́ла пашы́л, дэ́ла шоля, и чхурдэ́ла вастэ́са.

Ереме́ё 50:13

Пир Ра́скирэ-Дэвлэ́скиро холякирибэ́н, пэ ла́тэ нико́н на явэ́ла тэ дживэ́л, и ёй явэ́ла сарэ́са чхучи́. Кажно (сва́ко) ману́ш, кон джа́ла пир Вавило́но, явэ́ла тэ путравэл якха́ трашатыр (тэ дивинэлпэ) и явэ́ла тэ дэл шоля (тэ свистинэл), сыр дыкхэ́ла марибны́тка фра́нсы.

Ереме́ё 25:18

кэ Ерусалимо и кэ сарэ́ фо́рья Юдэя́тыр, лэ́нгирэ кралье́н и лэ́нгирэ тхагарьен, соб (кай) тэ кэра́в лэ́ндыр чхучо́ штэ́то, соб (кай) пэ лэ́ндэ тэ дивинэнпэ трашаса [дара́тыр-р.с.], тэ сипинэн, Мэ кэра́ва лэ́нгирэ лавэ́стыр кошыбэ́н (арман), сыр дава́ исын аж и кэ дава́ дывэ́с;

Левито 26:32

И Мэ кэра́ва тумари́ пхув чхучи́ адя́кэ, со дэнапэ дивоскэ пал ла́тэ тумарэ́ вэ́рги, савэ́ дживэ́на пэ ла́тэ;

Яви́р Зако́но 28:37

и явэ́са дара́са (дарьяса), притчаса и сабнаса машки́р сарэ́ манушэ́ндэ, кэ савэ́ залыджала тут Рай Дэвэ́л.

Яви́р Зако́но 29:22

И пхэнэ́ла ро́до, саво́ явэ́ла пал тумэ́ндэ и тумарэ́ чхавэ́, савэ́ явэ́на палэ тумэ́ндэ, и ману́ш явирэ пхувья́тыр, саво́ явэ́ла дуратунэ́ пхувья́тыр, дыкхи́ пэ далэ́-пхувья́киро хасибэ́н и насвалыпэн, савэ́нца замэнчынэла ла Рай Дэвэ́л:

Езэкилё 27:36

Тимисярья (торговцы) явирэ народэндыр, дынэ́ шоля (свистиндлэ) пал ту́тэ, ту кэрдянпэ сыр траш, и ту на явэ́са тэ дживэ́с бутэды́р.”

Mihiejo 6:16

Пал-дова́ со тумэ́ рикирдэпэ кэ стату́ты Амврияскирэ, и кэ сарэ́ бутя́ Ахавоскирэ кхэрэ́стыр, и тумэ́ кэрэ́на саро́ пир лэ́нгири годы́, со Мэ кэра́ва тумэ́ндыр голоты́ня (пустота), соб (кай) тэ дэн шоля тумарэ́ мануша́, и ячэ́лапэ пэ тумэ́ндэ бипатыв Мирэ́-манушэ́нгири.”