Ереме́ё 19:5 - Библия - Пэ Балтитко Романи чиб (Романэс) 2019

⁵ и ёнэ адя́кэ-паць чхудэ́ вучэ́ штэ́ты Ваалоскэ тэ хачкирэ́н пэ́скирэ чхавэ́н дрэ яг сыр хачкирибнаскиро свэ́нто дыибэ́н Ваалоскэ, со Мэ припхэндём тэ на кэрэ́н, пал со Мэ на ракирдём, дава́ на сыс и Ма́ндэ пэ годы́.

Biblija - Pe Baltitko Romani čib (Romanes) 2019

⁵ i jone adiáke-pac' čhudé vučé štéty Vaaloske te xačkirén péskire čhavén dre jag syr xačkiribnaskiro svénto dyibén Vaaloske, so Me priphendjom te na kerén, pal so Me na rakirdjom, davá na sys i Mánde pe godý.

Ереме́ё 19:5 Referans Kwoze

Ереме́ё 32:35

И ёнэ чхудэ́ вучэ́ штэ́ты Ваалоскэ пэ до́ло Еномоскирэ [Гиномоскирэ-ю.о.] чхавэ́нгиро, соб (кай) тэ лыджа́н пирда́л яг лэ́нгирэ чхавэ́н и чхае́н тэ дэн паты́в Молохоскэ: со Мэ припхэндём тэ на кэрэ́н лэ́нгэ, со на явдя́ Ма́нгэ пэ годы́, соб (кай) ёнэ тэ кэрэ́н далэ́ джунгалэ́ рэ́нды, соб (кай) мануша́ Юдэя́кирэ тэ кэрэ́н грэ́хо.”

Яви́р Зако́но 12:31

На кэр адя́кэ Ра́скэ-Дэвлэ́скэ, Дэвлэ́скэ тырэ́скэ дова́, пал-дова́ со саро́, со́стыр гинэ́ла сыр джунгалыпэ́н (гидинэлапэ) Рай Дэвэ́л, со на камэ́ла Ёв, дова́ ёнэ кэрэ́на дэвлорэ́нгэ пэскирэнгэ: ёнэ и пэ́скирэ чхавэ́н, и пэ́скирэ чхае́н хачкирэна пэ яг дэвлорэ́нгэ пэскирэнгэ.

Левито 18:21

Тырэ́ чхавэ́ндыр на отдэ́ тэ дынаринэ́н Молохоскэ, и на ладжакир тырэ́ Дэвлэ́скиро лав. Мэ сом Рай Дэвэ́л.

4 Kralip 17:17

И лыджа́нас пэ́скирэ чхавэ́н и чхае́н пэ́скирэ пирда́л яг, и драбакирдэ, и човаханякирдэ, и отдынэпэ долэ́скэ, соб (кай) тэ кэрэ́н налачхэ́с дрэ Ра́скирэ-Дэвлэ́скирэ якха́ и тэ холякирэн Лэс.

Дание́лё 2:29

“Ту, кра́лё, пэ тыро́ чхуибэ́н думиндян пал-дова́, со явэ́ла пало́ дава́, и Ёв, Откэрибнытко (Открываюшчо) гарадэ́-чачипнэнгиро, сыкадя́ ту́кэ дова́, со явэ́ла.

Езэкилё 38:10

Адя́кэ ракирэ́ла Рай Дэвэ́л, Дэвэ́л: “Дрэ кодолэ́ дывэса́ явэ́ла ту́кэ дро ило́ дума, ту задуминэса бибахтало́ рэ́ндо.

Езэкилё 20:26

И домэкцём, соб (кай) ёнэ тэ магирэнпэ пэ́скирэ присыкляибнытконэ дыибна́стыр, ке́ли ёнэ ячнэ́ тэ лыджа́н пир яг пэ́скирэ пэрвонэ́ биятэ́н, савэ́ выджа́на лочовя́тыр (утробатыр), домэкцём, соб (кай) ёнэ тэ явэ́н чхучэ́, соб (кай) ёнэ тэ джинэ́н, со Мэ сом Рай Дэвэ́л, Дэвэ́л.

2 Паралипоменоно 28:3

и ёв хачкирдя́ дро́га смо́лы пэ Еномоскирэ-чхавэ́нгиро до́ло, и пролыджия пэ́скирэ чхавэ́н пирда́л яг, подрикири манушэ́нгирэ магирипэна, савэ́н вытрадыя́ Рай Дэвэ́л анги́л Израилёскирэ-чхавэ́нгиро муй.

Čysly 22:41

Пэ яви́р дывэ́с пэ ра́нко Вала́ко лыя́ Валаамос и лыджия́ лэс упрэ́ пэ Ваалоскирэ вучипэна́, соб (кай) ёв тэ дыкхэ́л одотхы́р бут манушэ́н трусця́л.

Езэкилё 16:36

Адя́кэ ракирэ́ла Рай Дэвэ́л, Дэвэ́л: ‘Пал дова́, со ту адя́кэ чхурдэсас тырэ́ ловэ́ и дрэ тырэ́ биладжакунэ́ рэ́нды, сыс откэрдо тыро́ нангипэ́н анги́л тырэ́ камлытконэндэ, анги́л сарэ́ тырэ́ налачхэ́ и́долы, и пал тырэ́-чхавэ́нгиро рат, савэ́н ту отдэсас лэ́нгэ,

4 Kralip 21:6

И лыджия́ пэ́скирэс чхавэ́с пирда́л яг, и драбакирдя, и човаханякирдя, и залыджыя манушэ́н, савэ́ выкхарэна мулэн и човаханэн пир приме́ты (шпэры); бут кэрдя́ фуипэ́н ёв дрэ якха́ Ра́скирэ-Дэвлэ́скирэ, соб (кай) тэ холякирэл Лэс.