Ереме́ё 19:4 - Библия - Пэ Балтитко Романи чиб (Романэс) 2019

⁴ Пал-дова́ со ёнэ мэкнэ́ Ман, и ёнэ кэрдэ́ чу́жо дава́ штэ́то ваш Ма́нгэ, и ёнэ тхувалякирдэ дрогонэ́ смолэнца явирэ дэвлорэ́нгэ, савэ́н ёнэ на джиндлэ́, и лэ́нгирэ дада́, и Юдэя́кирэ кра́лья, и ёнэ пхэрдякирдэ дава́ штэ́то бибангипнаскирэ ратэ́са;

Biblija - Pe Baltitko Romani čib (Romanes) 2019

⁴ Pal-dová so jone mekné Man, i jone kerdé čúžo davá štéto vaš Mánge, i jone thuvaliakirde drogoné smolenca javire devlorénge, savén jone na džindlé, i léngire dadá, i Judejákire králja, i jone pherdiakirde davá štéto bibangipnaskire ratésa;

Ереме́ё 19:4 Referans Kwoze

Ереме́ё 2:34

Адя́кэ-паць мануша́ латхнэ́ пэ труюны (пэ подя) рат, со бибангипнаскирэ мануша́ прочхудэ: ‘Мэ на латхём дава́, чораханэ́с родыи, нэ адя́кэ упра́л саро́ бицяло́.’

Isajos 65:11

А тумэн, кон ячкирдя́ Рас-Дэвлэ́с, бистырдэ пал Мири́ свэ́нто бэ́рга, кон кэравэла хабэ́н ваш Гадоскэ, чхувэ́ла пхэрдо́ чаро́ ваш Мени (Судьба).

4 Kralip 21:16

Ишчо прочхудя Мана́сия древа́н бут рат бибангипнаскирэ манушэ́нгиро адя́кэ, со пхэрдякирдя́ лэ́нца Ерусалимо ягоро́стыр кэ яго́ро, буты́р пэ́скирэ грэхостыр, со ёв залыджия́ Юдас дро грэ́хо – тэ кэрэ́л фуипэ́н дрэ якха́ Ра́скирэ-Дэвлэ́скирэ.

Яви́р Зако́но 28:20

Бичхавэ́ла Рай Дэвэ́л пэ ту́тэ прокошыбэ́н, и пиридживипэн (конфузо), и би́да пэ кажно тырэ́-вастэнгиро рэ́ндо, саво́ ту лэ́са тэ кэрэ́с, пака ту явэ́са традыно криг, – и ту сыг хасёса пал налачхэ́ тырэ́ рэ́нды, пал дова́, со ту ячкирдян Ман.

Ереме́ё 7:9

Сыр да тумэ́ ишчо (инкэ́) чорэна, замарэна, кэрэ́на биладжаипэ́н, совлахана хоханэ́с, хачкирэна дро́га смо́лы Ваалоскэ, и тумэ́ псирэ́на тэ отдэ́н паты́в явирэ дэвлорэ́нгэ, конэ́с тумэ́ на джинэ́на,

Ереме́ё 17:13

Раё Дэ́вла! Ту́тыр ужакирэ́ла лачхипэ́н Израилё! Сарэ́, кон мэкнэ́ Ту́тыр, явэ́на ладжакирдэ́. Сарэ́, кон дуринэ (отгинэ́) Ту́тыр, явэ́на чхиндлэ́ пэ пхув. Пал-дова́ со ёнэ ячкирдэ́ Рас-Дэвлэ́с, Саво́ исын джидэ́-пане́скири ґаны́нг.

Ереме́ё 11:13

Пал-дова́ со кицы́ исын ту́тэ тырэ́ фо́рья, Юдэ́я, ада́кицы ту́тэ исын тырэ́ дэвлорэ́; кицы́ исын вули́цы (га́сы) дро Ерусалимо, ада́кицы тумэ́ чхудэ́ алта́ри пэ ладж, алта́ри, соб (кай) тэ хачкирэ́н дро́га смо́лы Ваалоскэ.

Ереме́ё 2:19

Фуипэ́н, со ту кэрдя́н, пирисыклякирэла тут, и тыро́ отпхэныбэ́н Ма́ндыр бангякирэла тут: палдава́ джа́ и дыкх, сыр кирко и биба́хт ту́кэ, со ту ячкирдян Ман, Рас-Дэвлэ́с, и со ту́тэ нанэ дар анги́л Ма́ндэ”, – пхэндя́ Рай Дэвэ́л, Рай Дэвэ́л болыбна́скирэ-янголэ́нгиро.

Ереме́ё 2:17

Ци на яндян ту кокоро́, Израиле, саро́ дава́ пэ пэ́стэ, сыр ту ячкирдян Ман, Рас-Дэвлэ́с, Дэвлэ́с, ке́ли Мэ лыджиём тут дромэ́са.

Ереме́ё 2:13

Пал-дова́ со мирэ́ мануша́ кэрдэ́ чорипэ́н дуй мо́лы: ёнэ ячкирдэ́ Ман, Кон исын джидэ́-панескири ґанингори и ёнэ выганадэ пэ́скэ вэндариня (сажалки), пхагирдэ́ лэн, со на могинэ́на тэ рикирэ́н пани́.

Isajos 59:7

Лэ́нгирэ ґэра́ праста́на кэ налачхэ́ рэ́нды, соб (кай) тэ прочхувэн рат манушэ́скиро, саво́ исын набанго; лэ́нгирэ ду́мы – ду́мы злыднитка; нашаибэн и хасибэ́н исын пэ лэ́нгирэ дрома́.

4 Kralip 24:4

И пал рат, саво́ сыс бибангипнаскиро, саво́ ёв прочхудя, пхэрдякирдя́ Ерусалимо бибангипнаскирэ ратэ́са, Рай Дэвэ́л на закамдя́ лэ́скэ тэ отмэкэ́л.

Sykadyipén 16:6

Пал-дова́ со ёнэ прочхудэ рат Трэ свэнтонэнгирэ и пророкэнгиро, И палдава́ Ту дыя́н лэ́нгэ рат тэ пьен, сыр ёнэ исын мол дава́.

Luka 11:50

мэк тэ явэ́л сэ́ндо пэ дава́ ро́до пал пророкэ́нгирэ рата, савэ́ прочхудэ свэто́скирэ англыпна́стыр

Roiben 4:13

саро́ дава́ пал форо́скирэ пророкэ́ндэ и пал лэ́нгиро – раша́нгиро чорипэ́н, кон прочхудэ чачунэ́ – манушэ́нгиро рат машки́р дава́ фо́ро.

Ереме́ё 26:23

савэ́ лыджинэ́ пэ́са Урияс Египто́стыр, и яндлэ́ лэс кэ кра́ли Иоакимо; и ёв мулякирдя́ лэс куртала́са и чхурдыя́ яври́ лэ́скиро тру́по дрэ маґилы, кай сыс нарайканэ (чорорэ́) мануша́.

Ереме́ё 26:15

Нэ тумэ́ джинэ́н чачэс, со ко́ли тумэ́ мулякирэна ман, тумэ́ джинэ́н, со тумэ́ лэ́на бибангипнаскиро рат пэ пэ́стэ, пэ дава́ фо́ро, и пэ лэ́скирэ манушэ́ндэ; пал-дова́ со, чачунэ́с, Рай Дэвэ́л бичхадя́ ман тэ пхэна́в сарэ́ далэ́ лава́ дрэ тумарэ́ кана́.”

Ереме́ё 22:17

Нэ тырэ́ якха́ и тыро́ ило́ исын рискирдо ваш тыри́ ґалкима кэ барвалыпэ́н и тэ прочхувэс бибангипнаскиро (набанго) рат, и ваш дова́, соб (кай) тэ притасавэс, и тэ лэс пэ зор.

Ереме́ё 18:15

Нэ Мирэ́ мануша́ мэкнэ́ Ман: ёнэ хачкирэна дрогонэ́-смолакиро тхув идолэ́нгэ, савэ́ намол ничы́, и ёнэ кэрдэ́ адя́кэ, со ёнэ обштадэпэ пэ пэ́скирэ дрома́, ёнэ мэкнэ́ ґаратунэ́ дроморэ, соб (кай) тэ псирэ́н наджиндлэ дроморэнца, а на откэрдэ буґлэ дромэ́са,

Ереме́ё 16:11

Тэ́ньци ту пхэнэ́са лэ́нгэ: ‘Пал-дова́ со тумарэ́ дада́ ячкирдэ́ Ман, – дава́ Мэ, Рай Дэвэ́л, ракира́ва: ёнэ гинэ́ пал явирэ дэвлорэндэ и ишчо (инкэ́) тумэ́ дынэ́ паты́в лэ́нгэ, и тумэ́ ячкирдэ́ Ман, и на рикирдэ Миро Зако́но.

Ереме́ё 15:6

Тырэ́ мануша́ мэкнэ́ Ман!’, – ракирэ́ла Рай Дэвэ́л, – тумэ́ дынэпэ палэ. Палдава́ Мэ протырдава (ґазда́ва) Пэ́скиро васт пэ тумэ́ндэ, и Мэ хасякира́ва тумэн: Мэ кхиныём тэ отмэкав (тэ простинав) тумэ́нгэ.

Ереме́ё 5:6

Палдава́ вэшытко шчэр (ле́во) мулякирэ́ла лэн, и рув, со пэрэ́ла бэльвэле́, мэкэ́ла лэн чхучэ́ вастэ́нца; леопардо явэ́ла тэ ужакирэл чораханэ́с лэн пашы́л фо́рья; кажно (сва́ко), кон выджа́ла, явэ́ла рискирдо пэ котэра́; пал-дова́ со лэ́нгиро чорипэ́н явэ́ла буты́р, и ёнэ буты́р отпэрэна Дэвлэ́стыр.

Ереме́ё 2:30

Ивья́ (напра́снэс) мулякирдём Мэ тумарэ́ чхаворэ́н, ёнэ на прилынэ́ дова́, пал со мэ пирисыклякирдём лэн. Тумэ́ кокорэ́ зачингирдэ куртала́са пэ́скирэ пророкэ́н, сы́рбы шчэр (ле́во), со похала саро́.

Яви́р Зако́но 28:64

И росчхурдэла тэ дживэ́л тут Рай Дэвэ́л пир сарэ́ манушэ́ндэ, ягоро́стыр (краёстыр) пхувьякирэстыр кэ яви́р яго́ро пхувья́киро, и ту явэ́са одо́й тэ дынаринэс явирэ дэвлорэ́нгэ, савэ́н на джиндян ни ту, ни дада́ тырэ́, каштэскэ и барэнгэ.

Яви́р Зако́но 28:36

Лыджа́ла криг Рай Дэвэ́л тут и крали́с тырэ́с, савэ́с ту чхувэ́са пэ пэ́стэ, кэ мануша́, савэ́н на джиндян ни ту, ни дада́ тырэ́, и одо́й ту явэ́са тэ дынаринэс явирэ дэвлорэ́нгэ, каштунэнгэ и барунэнгэ;

Яви́р Зако́но 13:13

со ячнэ́ дрэ лэ́стэ надэвлытка мануша́ машки́р ту́тэ и лыджинэ́ криг манушэ́н лэ́нгирэ форо́стыр, ракири́: “Явэ́н и ява́са тэ дынарина́с явирэ дэвлорэ́нгэ, савэ́н тумэ́ на джиндлэ́”,

Яви́р Зако́но 13:6

Ко́ли явэ́ла тэ подракирэл тут чораханэ́с тыро́ пшал; тырэ́-да́киро чхаво́, ци тыро́ чхаво́, ци тыри́ чхай, ци пэ тыро́ чхуибэ́н ромны́, ци тыро́ мал, саво́ исын дро́го ваш ту́кэ сыр исын тыро́ ди, ракири́: “Явэ́н и ява́са тэ дынарина́с явирэ дэвлорэ́нгэ, савэ́н ту на джиндян и тырэ́ дада́”,

4 Kralip 23:10

И магирдя ёв Тофето, со исын пэ Еномоскирэ-чхавэ́нгиро до́ло, соб (кай) нико́н тэ на пролыджал чхавэ́с пэ́скирэс и чха пэскирья́ пирда́л яг Молохоскэ.

Ереме́ё 1:16

И Мэ выпхэнава Миро пхаро́-сэндякирибэн пэ лэ́ндэ пал саро́ лэ́нгиро фуипэ́н, пал-дова́ со ёнэ ячкирдэ́ Ман, и ёнэ тхувлякирдэ дро́га смо́лы явирэ дэвлорорэнгэ, и ёнэ дынэ́ паты́в идолэ́нгэ, со кэрдэ́ лэ́нгирэ васта́.

Ереме́ё 7:6

ко́ли тумэ́ на явэ́на тэ притасавэн чужонэ́ манушэ́с, пиротос (сиротас) и пивля (удова), и тумэ́ на явэ́на тэ прочхувэн набанго рат пэ дава́ штэ́то, и тумэ́ на явэ́на тэ псирэ́н тэ отдэ́н паты́в явирэ дэвлорэ́нгэ пэ тумари́ дош (би́да);

Ереме́ё 17:20

и пхэн лэ́нгэ: ‘Шунэ́н Ра́скирэ-Дэвлэ́скиро лав, тумэ́, Юдэя́кирэ кра́лья и сари́ Юдэ́я, сарэ́ джиибнарья Ерусалимо́стыр, савэ́ джа́на андрэ́ пирда́л кадая́ по́рта.

Ереме́ё 22:3

Адя́кэ ракира́ва Мэ, Рай Дэвэ́л: Кэрэ́н чачуно́ сэ́ндо и пир чачипэ́н, и ракхэ́н обчордэ манушэ́с вастэ́стыр, саво́ традэ́ла лэс: и на кэрэ́н намиштэс, на кэрэ́н нахратэс чужонэ́ манушэ́скэ, пиротоскэ (сиротаскэ), пивлякэ (удовакэ), и на прочхувэн бибангипнаскиро (набанго) рат пэ дава́ штэ́то.

Ереме́ё 44:3

пал лэ́нгирэ фуй рэ́нды, савэ́ ёнэ кэрдэ́, соб (кай) тэ дэн яг Мирэ́ холякэ пир дова́, со ёнэ псирдэ́ тэ хачкирэ́н дро́га смо́лы и тэ дынаринэ́н явирэ дэвлорэ́нгэ, савэ́н ёнэ на джиндлэ́, ни тумэ́, ни тумарэ́ дада́.

Езэкилё 7:22

И рисёва́ва Мэ лэ́ндыр Мирэ́ мо́са, и ёнэ магирэна Миро свэ́нто штэ́то. Явэ́на розмарибнарья тэ магирэ́н лэс.

Езэкилё 20:26

И домэкцём, соб (кай) ёнэ тэ магирэнпэ пэ́скирэ присыкляибнытконэ дыибна́стыр, ке́ли ёнэ ячнэ́ тэ лыджа́н пир яг пэ́скирэ пэрвонэ́ биятэ́н, савэ́ выджа́на лочовя́тыр (утробатыр), домэкцём, соб (кай) ёнэ тэ явэ́н чхучэ́, соб (кай) ёнэ тэ джинэ́н, со Мэ сом Рай Дэвэ́л, Дэвэ́л.

Дание́лё 11:31

И халадыбэна, со ёв бичхавэ́ла, магирэна Свэ́нто Штэ́то дрэ Кхангири́ и тва́рдыма, и тэрдякирэна кажнонэ́-дывэсытка свэ́нта дыибэна́ (жэртвы), и янэ́на далэ́са джунгалыпэ́н чхучипнастыр (пустотатыр).

Сэндарьенгири Лылвари́ 5:8

Выкэдынэ́ нэвэн дэвлорэн, далэ́стыр пашы́л вудара́ джа́ла марибэ́н. Ци бицяло́ сыс шчы́то и чхурдыбнытко буст (коп΄ё) машки́р штардэшэ тысёнцы пир Израилё?

Psalmy 106:38

и ёнэ прочхувэнас бибангипнаскиро рат пэ́скирэ чхавэ́нгиро и чхаенгиро, конэ́с ёнэ янэ́нас идолэ́нгэ дро Ханаано и ёнэ магирдэ́ пхув далэ́ ратэ́са.

Езэкилё 8:11

А эфтадэша́ (битрияндэнгиро шэл) мурша́, Израилёскирэ-Кхэрэ́скирэ годэ́-пхурэндыр (пхурыдырэндыр) сыс тэрдэ́ анги́л лэ́ндэ, и Езания́ (Иезания), Сафаноскиро чхаво́ сыс тэрдо́ машки́р лэ́ндэ. Кажнонэ́стэ дро васт исын пэ́скири кадила тхувипнаскири, баро́ облако кучонэ́-кхандыпнаскиро ґаздэласпэ упрэ́.