Ереме́ё 19:3 - Библия - Пэ Балтитко Романи чиб (Романэс) 2019

³ Пхэн лэ́нгэ: ‘Шунэ́н Ра́скирэ-Дэвлэ́скиро лав: Юдэя́кирэ кра́лья, джиибнарья Ерусалимо́стыр. Адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: ‘Акэ Мэ яна́ва биба́хт (би́да) пэ дава́ штэ́то адя́кэ, со кажнонэ́стэ, кон шунэ́ла дава́, явэ́ла тэ кудунякирэл (тэ звенинэл) дрэ лэ́скирэ кана́.

Biblija - Pe Baltitko Romani čib (Romanes) 2019

³ Phen lénge: ‘Šunén Ráskire-Devléskiro lav: Judejákire králja, džiibnarja Jerusalimóstyr. Adiáke rakiréla bolybnáskire-jangoléngiro Raj Devél, Izrailjoskiro Devél: ‘Ake Me janáva bibáht (bída) pe davá štéto adiáke, so kažnonéste, kon šunéla davá, javéla te kuduniakirel (te zvieninel) dre léskire kaná.

Ереме́ё 19:3 Referans Kwoze

1 Kralip 3:11

И пхэндя́ Рай Дэвэ́л Самуилоскэ: “Ѓа́да, Мэ кэра́ва рэ́ндо дро Израилё, пал саво́, ко́ли вари-кон шунэ́ла, одолэ́стэ кудунякирэла (звенинэла) дрэ дуй кана́;

Ереме́ё 17:20

и пхэн лэ́нгэ: ‘Шунэ́н Ра́скирэ-Дэвлэ́скиро лав, тумэ́, Юдэя́кирэ кра́лья и сари́ Юдэ́я, сарэ́ джиибнарья Ерусалимо́стыр, савэ́ джа́на андрэ́ пирда́л кадая́ по́рта.

Ереме́ё 6:19

Шун, пхув! Акэ Мэ яна́ва биба́хт (хасибэ́н) пэ адалэ́ манушэ́ндэ, и пэ дова́, со ёнэ придуминэна; пал-дова́ со ёнэ на шундлэ́ Мирэ́ лава́, и со ёнэ отпхэндэпэ Мирэ́ Законо́стыр.

Isajos 28:19

Ко́ли сыг ёй (чхупны) явэ́ла то ухтылэл тумэн; явэ́ла тэ псирэ́л кажно дывэ́с и кажно рат, сыр шунэ́на пал ла́тэ, то лэ́ла дар.”

Sykadyipén 2:29

Конэ́стэ исын кана́, мэк ёв тэ шунэ́л, со Ду́хо (Фа́но) ракирэ́ла кхангирье́нгэ.”

Матфеё 10:18

и тырдэна тумэн кэ тхэмэ́скирэ барыдыра́ и кэ кра́лья пал Миро лав, соб (кай) тэ допхэнэн пал Ма́ндэ лэ́нгэ и Наюдэ́нгэ.

Ереме́ё 13:18

‘На явэ́н пхутькирдэ́, бэшэ́н тэлэды́р; пал-дова́ со пыя́ крали́тко стадык тумарэ́ славатыр, сави́ сыс пэ тумарэ́ шэрэ́’, – пхэндя́ Рай Дэвэ́л тэ пхэна́в крали́скэ и крали́скирэ да́кэ.

Psalmy 110:5

Рай Дэвэ́л исын пашо Тыро́ чачо́ васт и Ёв пхагирэ́ла кралье́н дро дывэ́с, ке́ли Ёв холясо́ла.

Psalmy 102:15

Тырэ́ писхарье́нгэ ячэ́на дро́га Тырэ́ бара́, и ёнэ жалинэна пра́ска, со яця́пэ форо́стыр.

Psalmy 2:10

И какана́, кралья́лэ, явэ́н годьварэ́, сыклён, тумэ́ сан сэнда́рья пэ пхув.

Ереме́ё 19:15

Адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: “Акэ, Мэ яна́ва биба́хт [бари би́да-р.с.] пэ дава́ фо́ро и сарэ́ лэ́скирэ форицы, пэ савэ́ Мэ припхэндём биба́хт, пал-дова́ со ёнэ пхарьякирдэ пэ́скирэ мэня, соб (кай) лэ́нгэ тэ на шунэ́н мирэ́ лава́.”

Ереме́ё 35:17

Палдава́ адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: “Акэ, Мэ яна́ва пэ Юдэ́я, и пэ сарэ́ манушэ́ндэ, кон дживэ́ла кэ Ерусалимо, саро́ фуипэ́н, со Мэ кхардём лэн, нэ ёнэ на отпхэндлэ́ Ма́нгэ.’”

Ереме́ё 18:11

И палдава́ акана́ пхэн манушэ́нгэ Юдэя́тыр и Ерусалимо́скирэ джиибнарье́нгэ: ‘Адя́кэ ракирэ́ла Рай Дэвэ́л: ‘Акэ Мэ акана́ скэда́ва (подкэрава) фуипэ́н тумэ́нгэ, и Мэ придуминава плано пэ тумэ́ндэ: ‘Рисён фэды́р акана́ кажно (сва́ко) тумэ́ндыр, тумарэ́ бибахталэ́ дромэ́стыр, фэдырьякирэн тумарэ́ дрома́ и дова́, со тумэ́ кэрэ́на’”

Ереме́ё 25:29

И дыкхэ́н! Мэ ла́ва тэ янав биба́хт (бари би́да) пэ фо́ро, пэ саво́ исын Миро лав, и со тумэ́, хай, ячэ́напэ насэндякирдэ пхарэ́с? Над, тумэ́ явэ́на пхарэ́с сэндякирдэ, пал-дова́ со Мэ кхара́ва курта́ла пэ сарэ́ндэ, кон дживэ́ла пэ пхув, ракирэ́ла Рай Дэвэ́л болыбна́скирэ-янголэ́нгиро.

Ереме́ё 44:3

пал лэ́нгирэ фуй рэ́нды, савэ́ ёнэ кэрдэ́, соб (кай) тэ дэн яг Мирэ́ холякэ пир дова́, со ёнэ псирдэ́ тэ хачкирэ́н дро́га смо́лы и тэ дынаринэ́н явирэ дэвлорэ́нгэ, савэ́н ёнэ на джиндлэ́, ни тумэ́, ни тумарэ́ дада́.

Езэкилё 7:5

“Адя́кэ ракирэ́ла Рай Дэвэ́л, Дэвэ́л: ‘Бари биба́хт екхджины, акэ, джа́ла биба́хт.