Ереме́ё 17:9 - Библия - Пэ Балтитко Романи чиб (Романэс) 2019

⁹ Ило́ исын хоханэдыр сарэ́стыр и древа́н бибахтало́, кон сашты́ тэ джинэ́л лэс?

Biblija - Pe Baltitko Romani čib (Romanes) 2019

⁹ Iló isyn xohanedyr saréstyr i drieván bibahtaló, kon saštý te džinél les?

Ереме́ё 17:9 Referans Kwoze

Матфеё 15:19

Палдова́ со чорэ́ ду́мы, замарибэн, биладжаипэ́н, блэ́ндо, чорибэна, хохано́ допхэныбэ́н, калякирибэн.

Ekliesiastos 9:3

Дава́ исын биба́хт машки́р сарэ́ндэ, со кэрэ́лапэ тэл кхам – со екх тала́но (судьба) ужакирэ́ла сарэ́н: чачо́, манушэ́нгирэ-чхавэ́нгирэ илэ исын пхэрдэ́ бибахтяса, и бигодыпэн исын дрэ лэ́нгирэ илэ, пака ёнэ дживэ́на, а пало́ (после) дова́ ёнэ джа́на криг одори́к, кай мулэ́ исын.

Pritčy 28:26

Кон зоралэ́с патя́ла пэ́скирэ илэскэ, кодова́ исын дылыно́, нэ кон годэс дживэ́ла, кодова́ явэ́ла зракхно.

Юдэ́нгэ 3:12

Пшала́лэ, дыкхэ́н, соб (кай) тэ на явэ́л пхутькирдо ило́ ни дрэ конэ́стэ тумэ́ндыр, саво́ на кандэ́ла Дэвлэ́с, соб (кай) тумэ́ тэ на отджан джидэ́ Дэвлэ́стыр.

Džiibén 6:5

И Рай Дэвэ́л дыкхця́, со мануша́ лынэ́ бут тэ кэрэ́н фуипэ́н пэ пхув, со сарэ́ лэ́нгирэ думки и илэ сыс холынакирэ пэ кажно дывэ́с.

Džiibén 8:21

И сунгадя Рай Дэвэ́л гудло́ тхув (дымо) и пхэндя́ Рай Дэвэ́л дро Пэ́скиро ило́: “Мэ на ява́ва буты́р тэ прокошав пал пхув манушэ́с, пал-дова́ со манушэ́скиро ило́ исын тэ кэрэ́л фуипэ́н лэ́скирэ тэрныпнастыр: и буты́р Мэ на ява́ва тэ хасякира́в саро́, со исын джидо́, сыр Мэ кэрдём.

Матфеё 13:15

пал-дова́ со адалэ́ манушэ́нгиро ило́ кашталыя, и ёнэ шунэ́на фуес пэ́скирэ канэнца и якха́ пэ́скирэ закэрдэ, соб (кай) тэ на дыкхэ́н якхэ́нца, и тэ на шунэ́н канэнца, и тэ на ґалён илэ́са, и тэ на рисён кэ Мэ, соб (кай) Мэ тэ высастякирав лэн.’

Ереме́ё 16:12

И тумэ́ кэрдэ́ фуеды́р тумарэ́ дадэндыр, и со кажно (сва́ко) тумэ́ндыр дживэ́ла пир пэ́скиро пхаро́ и бибахтало́ ило́ адя́кэ, со тумэ́ на причхудэ кан кэ Мэ [соб (кай) тэ на шунэ́н Ман-р.с.].

Psalmy 51:5

Пал-дова́ со мэ приґалыём мирэ́ фуй рэ́нды (де́лы) и миро грэ́хо исын ўса́ды (сак) анги́л ма́ндэ.

Marko 2:17

Ису́со шундя́ дава́ и пхэндя́: “На састэ манушэ́нгэ трэй састыпнари (докторо), а насвалэнгэ. Мэ явдём тэ прикхарав на патяибнытконэн, а грэхэнгирэн.”

Римлянэнгэ 1:21

Ёнэ джиндлэ́ Дэвлэ́с, нэ ёнэ на славиндлэ Лэс, сыр Дэвлэ́с, и на парикирэнас Лэ́скэ: ёнэ ячнэ́ тэ кошэнпэ, ке́ли пириракирэнас, и лэ́нгирэ нагодьварэ илэ тасадынэ дро калыпэ́н:

Римлянэнгэ 7:11

пал-дова́ со грэ́хо пир запхэныбэн хохадя ман и мулякирдя́ лэ́са ман.

Эфесянэнгэ 4:22

Мэкэ́н пэ́скиро пхурано́ джиибэ́н и на поддэнпэ грэхо́скэ, кэ саво́ злыджала грэхи́тко тырдыпэ́н;

2 Kralip 11:15

Дрэ лыл ёв чхиндя́ адя́кэ: “Чхувэ́н Урияс дой, кай явэ́ла зорало́ марибэ́н, и отджан лэ́стыр, соб (кай) ёв тэ явэ́л замардо и тэ мэрэ́л.”

Isajos 1:5

Сыр ишчо (инкэ́) тэ мара́в тумэн, ко́ли тумэ́ усае́кх на кандэ́на? Саро́ шэро́ исын насвало́, саро́ ило́ замыя́.

Isajos 1:6

Ѓэрэ́ндыр кэ шэро́ нанэ лэ́стэ састо́ штэ́то: фуя́ (язвы), шувлыпэна́, чыльча́ки (нары́вы) исын на жужакирдэ́, на обпхандлэ́, на ковлякирдэ́ елеёса.

Isajos 6:10

Пал-дова́ со наковло яця́ далэ́-народоскиро ило́, пхарэ́с лэ́нгэ тэ шунэ́н закэрдэ якхэ́нца, и на дыкхэ́на якхэ́нца, и на шунэ́на канэнца, и на ґалёна илэ́са, и на обрисёна, соб (кай) Мэ тэ высастякирав лэн.”

Psalmy 64:7

Ёнэ придуминэна тэ кэрэ́н чорипэ́н: “Амэ скэдыямпэ тэ кэра́с дова́, со придуминдям бидошэ́нгиро.” Годы́ и ило́ манушэ́нгирэ исын хор гарадэ́.

Ереме́ё 7:24

Нэ ёнэ на кандынэ́, и ёнэ на причхудэ кан тэ шунэ́н, нэ ёнэ дживдэ́ пир пэ́скири годы́, пир пэ́скирэ пхарэ́, бибахталэ́ илэ, и ёнэ рисинэ́ думэса, а на мо́са кэ Мэ.