Ереме́ё 17:8 - Библия - Пэ Балтитко Романи чиб (Романэс) 2019

⁸ Пал-дова́ со ёв явэ́ла сыр дрэ́во, со исын почхудо пашы́л паня́, и саво́ роздзиндзькирдя пэ́скирэ ко́рни (рукха́) пашэ́ рэ́кица (лэнори́). И ёв на явэ́ла тэ дарэл, ке́ли явэ́ла хачкирибэ́н, нэ лэ́скири патри́н (листо) явэ́ла зэлэно, и лэ́скэ на явэ́ла трэй тэ дарэл дро шуко бэрш, адя́кэ-паць ёв на пириячэ́ла тэ дэл пхаба́.

Biblija - Pe Baltitko Romani čib (Romanes) 2019

⁸ Pal-dová so jov javéla syr drévo, so isyn počhudo pašýl paniá, i savó rozdzindz'kirdia péskire kórni (rukhá) pašé rékica (lenorí). I jov na javéla te darel, kiéli javéla xačkiribén, ne léskiri patrín (listo) javéla zeleno, i léske na javéla trej te darel dro šuko berš, adiáke-pac' jov na pirijačéla te del phabá.

Ереме́ё 17:8 Referans Kwoze

Psalmy 1:3

И ёв явэ́ла сыр кашт (дрэ́во), со исын чхудо паш панигвалэ рэ́ки (лэня́), саво́ дэ́ла пэ́скири пхабай дро аплодоскиро уляго (пора). Лэ́скирэ патря (листы) ние́кхвар на зашутёна и саро́, со ёв тэ на кэрэ́л, явэ́ла тэ джал бахтяса.

Isajos 58:11

И Рай Дэвэ́л явэ́ла тэ лыджа́л тут саро́ часо (цы́ро), ко́ли на явэ́на брышында и пхув шутёла, Рай Дэвэ́л чалякирэла тыро́ ило́ и маса́, ту явэ́са сыр шука́р у́нта (садо), сыр ґаны́нг, кай пани́, саво́ николи на шутёла.

Езэкилё 47:12

Пашы́л брэ́го сы́гно рэ́кица (лэнори́) (патоко), пир рэкицакирэ брэги, екхэ и явирэ рига́тыр явэ́на тэ барьён ра́зна дрэвы, савэ́ дэ́на хабэ́н: лэ́нгирэ патря (листы) на явэ́на тэ зашутён, и на пириячэна тэ янэ́н пхаба́ (пло́ды). Каждо нэво́ чхон явэ́на тэ выбарьён нэвэ, пал-дова́, со пани́ ваш лэ́нгэ тхадэ́ла свэнтонэ́ штэто́стыр; лэ́нгирэ пхаба́/пло́ды явэ́на тэ хан, а патря (листы) тэ састякирэнпэ.”

Ióvo 8:16

Кадасаво́ ману́ш барьёла сы́рбы дылыны чар тэл кхам, и ла́кирэ рандя́ пирибарьёна бар;

Ióvo 29:19

миро корнё (рукх) диндькирэлапэ (вытырдэлапэ) кэ паня́, и пахлын (роса) исын пашты сари́ рат пэ мирэ́ рандя́,

Pritčy 11:28

Кон зоралэ́с патя́ла дро пэ́скиро барвалыпэ́н, одова́ пэрэ́ла, нэ чачунэ́ мануша́ явэ́на най шука́р сыр патря (листы) пэ кашт (дрэ́во).

Isajos 61:3

Тэ пхэна́в одолэ́нгэ, кон исын бибахтало́ пэ Сио́но, со пра́хо запарувэлапэ шукаронэ укэдыибнаса; ровибэн радымакирэ (лошалэ́) елеёса; пхаро́ (смэнтно) ду́хо (фа́но) запарувэлапэ шукаронэ урибнаса и кхарна лэн зоралэ́ чачипна́са, Ра́скирэ-Дэвлэ́скирэ бутяса дрэ Лэ́скиро барипэ́н.

Ереме́ё 39:18

Пал-дова́ со Мэ чачэс зракха́ва тут, и ту на пэрэса куртала́тыр, нэ тыро́ джиибэ́н явэ́ла сыр дорэсыбэ́н (дыибэ́н) ту́кэ, пал-дова́ со ту рискирэса кэ Мэ пэ́скиро ило́ тэ зракхэспэ’”, – пхэндя́ Рай Дэвэ́л.

Езэкилё 31:3

Акэ, Асуро сыс кедро пэ Лива́но, шукаронэ ранденца (веткэнца), бутэ́ патренца (листэнца); сыс вучо́ кашт; лэ́скиро упралыпэ́н сыс машки́р барэ́ вэ́тки.