Ереме́ё 17:4 - Библия - Пэ Балтитко Романи чиб (Романэс) 2019

⁴ И тумэ́ кокорэ́ отдэна мэкно́ миштыпэ́н, саво́ Мэ отдыём тумэ́нгэ: и Мэ кэра́ва адя́кэ, со тумэ́ явэ́на тэ дынаринэ́н тумарэ́ вэргэ́нгэ пэ пхув, сави́ тумэ́ на джинэ́на: пал-дова́ со тумэ́ росхачкирдэ Мирэ́ – холякири яг; ёй явэ́ла тэ хачол пэ сарэ́ ве́ки.

Biblija - Pe Baltitko Romani čib (Romanes) 2019

⁴ I tumé kokoré otdena meknó mištypén, savó Me otdyjom tuménge: i Me keráva adiáke, so tumé javéna te dynarinén tumaré vergénge pe phuv, saví tumé na džinéna: pal-dová so tumé roshačkirde Miré – xoliakiri jag; joj iavéla te xačol pe saré viéki.

Ереме́ё 17:4 Referans Kwoze

Ереме́ё 15:14

и Мэ кэра́ва адя́кэ, со ту джа́са пэ́скирэ вэргэнца пэ пхув, сави́ ту на джинэ́са: пал-дова́ со Мири́ холы́ хачола сыр яг: ёй явэ́ла тэ хачол пэ тумэ́ндэ.”

Roiben 5:2

Амаро́ миштыпэ́н гия́ ригаса чужонэ́ манушэ́нгэ, а амарэ́ кхэра́ явирэ-тхэмэскирэнгэ.

Ереме́ё 7:20

Палдава́ адя́кэ ракирэ́ла Рай Дэвэ́л, Дэвэ́л: “Акэ, Мири́ холы́ и Миро холякирибэ́н вычхувэнапэ пэ дава́ штэ́то – пэ манушэ́стэ, и пэ кхэритконэ́ мурдалэ́ндэ (ското); пэ фэлды́тка кашта́, и пэ пхаба́, со барьёна пэ пхув. Мири́ холы́ явэ́ла тэ хачол сы́рбы яг, и на мурдёла.

Isajos 5:25

Пал дова́ захачола Ра́скирэ-Дэвлэ́скири холы́ пэ Лэ́скиро народо, протырдэла Ёв Пэ́скиро васт пэ лэ́ндэ, и Ёв чилавэ́ла лэн адя́кэ, со бэ́рги издрана, а лэ́нгирэ тру́пы явэ́на вычхурдынэ пэ вули́цы (га́сы) сыр гнэё. И на пириячэ́ла Лэ́скири холы́, и васт Лэ́скиро явэ́ла протырдыно.

Ереме́ё 16:13

Палдава́ Мэ вычхурдава тумэн далэ́ пхувья́тыр пэ пхув, со тумэ́ на джинэ́на, и сави́ на джиндлэ́ тумарэ́ дада́, кай тумэ́ явэ́на тэ дынаринэ́н явирэ дэвлорэ́нгэ дывэ́с и рат: пал-дова́ со Ма́ндыр на явэ́ла ни саво́ тангипэ́н (жалима) тумэ́нгэ.’

Isajos 14:3

Явэ́ла адя́кэ дро дова́ дывэ́с: ко́ли Рай Дэвэ́л залэла ту́тыр тыри́ дукх, тыри́ дар, тыро́ пхарипэ́н, дрэ саво́ ту са́нас,

Езэкилё 21:31

Вычхувава пэ ту́тэ Мири́ зоралы́ холы́, Мэ пхурдава пэ ту́тэ Мирэ́-холямипнаскирэ яга́са, отда́ва тут дрэ биилэскирэ-манушэ́нгирэ васта́, манушэ́нгэ, савэ́ джинэ́на, сыр трэй тэ замарэ́н.

Roiben 1:12

“Сарэ́нгэ тумэ́нгэ дава́ нисо́, кон джа́ла пэ́скэ (накхэла) маму́й! Ѓа́да, дыкхэ́н: ци исын ишчо (инкэ́) вари-конэ́стэ дасави́ дукх сыр ма́ндэ – со пыя́ пэ ма́ндэ, – савья́са Рай Дэвэ́л притасадя ман дро дывэ́с, ке́ли Ёв холя́сыя зоралэ́с.

Ереме́ё 12:7

Мэ мэкцём Миро кхэр, Израилё, Мэ чхурдыём Миро миштыпэ́н, Мэ отдыём Мирэ́ дрогонэ́ манушэ́с дрэ васта́ вэргэ́нгэ.

Ереме́ё 5:29

Сыр дава́ Мэ тэ на сэндякирав пхарэ́с лэн пал саро́ дава́? – ракирэ́ла Рай Дэвэ́л. Сыр Мэ тэ на отдав палэ холын кадасавэ́ манушытконэ́ нацыя́кэ сыр исын кадалэ́ мануша́?

Isajos 66:24

“И ёнэ явэ́на тэ выджа́н и явэ́на тэ дыкхэ́н одолэ́-манушэ́нгирэ тру́пы, кон отгия́ Ма́ндыр; пал-дова́ со кирмо лэ́нгиро на хасёла, и яг лэ́нгири на мурдёла; ёнэ явэ́на сыр джунгалыпэ́н (магирипэ́н) ваш кажно лоч (плоть).”

Isajos 30:33

Пал-дова́ со Тофето ґара́ кэрдо́; ёв сыс кэрдо́ ваш крали́скэ, ёв исын хор и бугло; дрэ яг лэ́скири бут кашта́ чхудэ́; пхурдыпэн Ра́скирэ-Дэвлэ́скиро лэс захачкирэла лэс сыр хачкирды се́ра (дзэвэ́ля).

Ниеми́я 9:28

Сыр саро́ сыс куч и штыл, нэвэ́с ёнэ лэнаспэ пал налачхипэн, и Ту отдэсас лэн вэргэ́нгэ дрэ васта́ и вэ́рги сыс хулая́ пэ лэ́ндэ. Нэ сыр ёнэ нэвэ́с кхардэ́ тут, Ту шундя́н лэн и брониндян лэн (затэрдиян пал лэ́ндэ) бут мо́лы пир Тыри́ лачхэ́-илы́ткима.

4 Kralip 25:21

И замардя́ лэн Вавилоно́скиро кра́ли, и мулякирдя́ лэн дрэ Ривла, пэ Емафоскири пхув. И вытрадынэ́ Юдэ́н дро пле́но пэ́скирэ пхувья́тыр.

3 Kralip 9:7

то тэды Мэ традава криг Израилё пхувья́тыр, сави́ Мэ дыём лэ́скэ, и Кхангири́, сави́ Мэ обсвэнциндём лавэ́са Мирэса, отрискирава мо́стыр Мирэстыр, и явэ́ла Израилё притчаса и сабнаса сарэ́ манушэ́ндэ.

Яви́р Зако́но 28:25

Отдэ́ла тут Рай Дэвэ́л пэ мэрибэ́н (пэ хасибэ́н) тырэ́ вэргэ́нгэ (врогэнгэ); екхэ дромэ́са ту выджаса проти лэ́ндэ, а эфта́ дромэ́нца нашэса лэ́ндыр; и явэ́са ту росчхурдыно тэ дживэ́с пир сарэ́ кралипэна́ пэ пхув.

Ереме́ё 2:14

Со Израилёскирэ мануша́ ячнэ́ дынарье́нца? Ци со ёнэ исын кхэри́тка писха́рья? Со́скэ лэс вэ́рги обчорэна?

Ереме́ё 18:23

И Ту, Раё Дэ́вла, джинэ́са саро́ лэ́нгиро зракирибэ́н, соб (кай) тэ мулякирэ́н ман. На отмэк лэ́нгэ лэ́нгиро чорипэ́н, на кхос криг лэ́нгиро грэ́хо Тырэ́ якхэ́ндыр, нэ мэк ёнэ тэ пэрэ́н анги́л Ту́тэ, роскэдэпэ лэ́нца, сыр Ту холясоса пэ лэ́ндэ.’”

Ереме́ё 21:12

О, Давидо́скиро кхэр! Адя́кэ’, – ракира́ва Мэ, Рай Дэвэ́л: ‘Сэндякирэн чачипна́са тася́рлэс (ра́нэс) пэ зло́ко, и ракхэ́н обчордэ манушэ́с вастэ́стыр, саво́ традэ́ла лэс, соб (кай) Миро мижэхипэн тэ на выджа́л сыр яг, и тэ на росхачол адя́кэ, со нико́н на мурдякирэла ла пал дова́, со тумэ́ кэрэ́нас биба́хт (налачхэ́ рэ́нды).

Ереме́ё 22:28

Ци исын Иехония адасаво́ ману́ш, соб (кай) тэ дыкхэ́н пэ лэ́стэ вучипна́стыр сыр пэ пхагирдо́ кхоро́? Ци исын ёв сы́рбы кхоро́, саво́ на радынэла якха́? Пал со ёв и лэ́скиро ро́до вычхурдынэ, и чхурдынэ́ пэ пхув, сави́ ёнэ на джинэ́на?

Isajos 50:11

Акэ, сарэ́ тумэ́, кон хачкирэ́ла яг, конэ́стыр джа́на хачкирдэ́ искры сыр марибны́тка бустя́ (стре́лы)! Джа́н дрэ яг и искры тумарэ́ стрелэндыр! Дава́ прилэ́на тумэ́ Мирэ́ вастэ́стыр, дрэ мэ́ньки (биба́хт) тумэ́ хасёна (мэрэ́на).

Ереме́ё 5:19

И явэ́ла адя́кэ: ко́ли тумэ́ пхэнэ́на, со́скэ Рай Дэвэ́л, амаро́ Дэвэ́л кэрдя́ саро́ дава́ амэ́нгэ? Тэды ту, Ереме́ё, отпхэнэса лэ́нгэ: “Сыр тумэ́ мэкнэ́ Лэс, и дынариндлэ́ чужонэ́ дэвлорэ́нгэ пэ тумари́ пхув, адя́кэ-паць тумэ́ явэ́на тэ дынаринэ́н чужонэ́ манушэ́нгэ пэ пхув, со явэ́ла на тумари́.”

Езэкилё 7:24

Мэ яна́ва явирэ народо́стыр дасавэ́ манушэ́н, савэ́ исын най фуеды́р Наюдытконэ́ нацые́ндыр. Ёнэ залэна лэ́нгирэ кхэра́. И закончынэлапэ зоралэнгиро пхутькирибэ́н, и явэ́ла магирдо́ лэ́нгиро свэ́нто штэ́то.