Ереме́ё 17:3 - Библия - Пэ Балтитко Романи чиб (Романэс) 2019

³ то Мири́ бэ́рга пэ фэ́лда, миштыпэ́н тыро́, саро́ барвалыпэ́н Мэ отда́ва тэ чорэн, и адя́кэ-паць вучэ́ штэ́ты пал грэ́хи пэ пхув кэ яго́ры.

Biblija - Pe Baltitko Romani čib (Romanes) 2019

³ to Mirí bérga pe félda, mištypén tyró, saró barvalypén Me otdáva te čoren, i adiáke-pac' vučé štéty pal gréhi pe phuv ke jagóry.

Ереме́ё 17:3 Referans Kwoze

Ереме́ё 15:13

Саро́ тыро́ миштыпэ́н и сарэ́ тырэ́ кучипэна Мэ отда́ва тэ чорэн биловэнгиро пал Тырэ́ грэ́хи, со кэрдя́н пир сарэ́ тырэ́ пхувья́ кэ кустыка (границы);

Ереме́ё 26:18

“Михай Морашостыр ангилпхэнэлас дро дывэ́с, ке́ли о Езэки́я сыс кра́ли пир Юдэ́я, и пхэндя́ сарэ́ манушэ́нгэ Юдэя́тыр, ракири́: ‘Адя́кэ ракирэ́ла болыбна́скирэ-янголэ́нгиро Рай Дэвэ́л: “Сио́но явэ́ла пхарадо сыр пхув плуґостыр (пхарадятыр), Ерусалимо́стыр ячэ́напэ руи́ны [бара́-р.с.], И бэ́рга, кай исын Кхангири́, явэ́ла сыр бэ́ргица машки́р вэш.

4 Kralip 24:13

И вылыджия́ ёв одотхы́р сарэ́ кучипэна Ра́скирэ-Дэвлэ́скирэ Кхэрэскир и барвалыпэ́н крали́скирэ кхэрэ́скиро; и пхагирдя́, сыр выпхэндя Рай Дэвэ́л, сарэ́ сувнакунэ́ кхорэ́ (сасу́ды), савэ́ о Соломо́но, Израилёскиро кра́ли, кэрдя́ дрэ Кхангири́ Ра́скирэ-Дэвлэ́скири.

Mihiejo 3:12

Пал тумэ́ндэ палдава́ Сио́но явэ́ла пхарадо сыр фэ́лда, и Ерусалимо́стыр ячэ́лапэ бэ́ргица руи́ны, а бэ́рга тэл Кхэрэ́скиро фунда́менто ячэ́лапэ сыр бэ́ргица дро вэш.

Езэкилё 16:39

Мэ отда́ва тут дрэ лэ́нгирэ васта́, ёнэ роспхагирэна мангипнытка штэ́ты ваш тырэ́ биладжакунэ́ рэ́нды, ёнэ роспхагирэна тырэ́ вучэ́ штэ́ты, рискирэна криг ту́тыр тыро́ урибэ́н, ёнэ лэ́на тыро́ шукарьякирибэн, ёнэ ячавэна тут и ту явэ́са нанги, научхакирды.

Езэкилё 6:3

Пхэн: ‘Бэ́рги Израилёскирэ! Шунэ́н Ра́скирэ-Дэвлэ́скиро лав. Адя́кэ ракирэ́л Рай Дэвэ́л, Дэвэ́л пэ бэ́рги, бэ́ргицы, ровы и долы: акэ, Мэ кэра́ва адя́кэ, со курта́ла явэ́ла пэ тумэ́ндэ и роспхагирава тумарэ́ вучэ́ штэ́ты.

Roiben 1:10

Вэ́рго (врого) диндькирдя пэ́скиро васт пир кучипэ́н, со сыс лэ́стэ; Ерусалимо дыкхця́ сыр На́юды гинэ́ андрэ́ Свэ́нто Штэ́то, конэ́скэ Ту припхэндян тэ на джа́н андрэ́ Тыри́ Кхангири́.

Ереме́ё 12:12

Мижэх чора явэ́на пэ вучэ́ штэ́ты пир чхучэ́ прахи, пал-дова́ со Мэ, Рай Дэвэ́л, бичхава́ва курта́ла екхэ ягоро́стыр пэ пхув кэ яви́р; со на явэ́ла рама́нё ни екхэ джидэ́ дескэ.

Isajos 27:9

И далэ́са злэлапэ (выкхосэлапэ) грэ́хо Яково́скиро, злэлапэ грэ́хо лэ́стыр, ко́ли ёв розмарэла сарэ́ бара́ алтарёстыр (жэртвеникостыр) дрэ котэра́ звёскакирэ, на явэ́на тэрдэ́ дэмбитка вэладиня (рошчы) и и́долы кхамэскэ.

Левито 26:30

Мэ роспхагирава кэ пхув тумарэ́ вучипэна́, и роспхагирава тумарэ́ сты́лбы, и чхурдава тэлэ́ тумарэ́ тру́пы пэ тумарэ́-идолэнгирэ котэра́, и ячэ́на джунгалэ́ (брытка) тумэ́ Мирэ́ дескэ;

Psalmy 78:58

И ёнэ холякирдэ Лэс пэ́скирэ штэтэнца пэ бэ́ргицы, кай ёнэ дэ́нас паты́в и ёнэ прэзэнтынэнас (дражнинэнас) Лэс лэ́нгирэ вычингирдэ идолэнца.

Ереме́ё 20:5

И Мэ отда́ва саро́ форо́скиро барвалыпэ́н, и сари́ лэ́скири бажын, и сарэ́ лэ́скирэ дро́га предме́ты (чысы), и саро́ кучипэ́н, со сыс Юдэя́кирэ кралье́ндэ, и саро́ лэ́ндыр чорэна, и отлэна, и лыджа́на лэн кэ Вавило́но.

Софония 1:13

Палдава́ росчорэна лэ́нгиро барвалыпэ́н, и лэ́нгирэ кхэрэндыр ячэ́лапэ голоты́ня; ёнэ явэ́на тэ чхувэ́н кхэра́, нэ ёнэ на явэ́на тэ дживэ́н дрэ лэ́ндэ: ёнэ явэ́на тэ почхувэн винаграды́тка хру́сты дрэ пхув, нэ ёнэ на явэ́на тэ пьен мол (вино).

Ереме́ё 21:13

Акэ, Мэ сом проти ту́тэ долоскири джиибна́скири, ска́ла лошчынакири’, – ракирэ́ла Рай Дэвэ́л, – тумэ́нгэ, кон ракирэ́ла: ‘Кон явэ́ла пэ амэ́ндэ? Ци заджа́ла дрэ штэ́ты, кай амэ дживаса?’

Езэкилё 23:46

Палдава́ адя́кэ ракирэ́ла Рай Дэвэ́л, Дэвэ́л: “Кхарэ́н манушэ́н пэ лэ́ндэ, отдэ́н лэн пэ пхарипэ́н и чорибэн.