Ереме́ё 16:6 - Библия - Пэ Балтитко Романи чиб (Романэс) 2019

⁶ Сыр барэ́, адя́кэ-паць и тыкнэ́ мэрэ́на пэ дая́ пхув. Лэн на явэ́на тэ гаравэн, адя́кэ-паць и нико́н на явэ́ла тэ обровэл лэн; ци тэ чхинэл пэс, ци тэ обчхинэл бала́ пал лэ́ндэ.

Biblija - Pe Baltitko Romani čib (Romanes) 2019

⁶ Syr baré, adiáke-pac' i tykné meréna pe daja phuv. Len na javéna te garaven, adiáke-pac' i nikón na javéla te obrovel len; ci te čhinel pes, ci te občhinel balá pal lénde.

Ереме́ё 16:6 Referans Kwoze

Яви́р Зако́но 14:1

Тумэ́ сан Ра́скирэ-Дэвлэ́скирэ, тумарэ́ Дэвлэ́скирэ чхавэ́; на кэрэ́н чхиныбэна пэ тумарэ́ маса́, и на обчхинэн пэ чикат бала́ машки́р тумарэ́ якха́, пал мулэ́ндэ;

Ереме́ё 47:5

Газа ячэ́ла бибалэнгири, Аскалоно [Ашкелоно-ю.о.] хасёла, – дова́, со ячэ́лапэ лэ́нгирэ долостыр? Сыр ґара́ ту явэ́са тэ чхинэс пэс дрэ ту́га?

Ереме́ё 41:5

то, ке́ли явнэ́ мануша́ Сихэмостыр, Силомостыр (Шилостыр) Самариятыр, охтодэша́ мануша́ мурадэ́ чхорэнца (бродэнца), рискирдэ́ упрэ́ иденца, савэ́ почхиндлэ пэс. Лэ́ндэ сыс дрэ васта́ свэ́нта дыибэна́, и дро́га смо́лы, соб (кай) тэ янэ́н лэн дрэ Кхэр Ра́скирэ-Дэвлэ́скиро.

Левито 19:28

Ваш рипирибэ́н пал мулэстэ на кэрэ́н чхиныбэ́н пэ тумарэ́ маса́, и на выпхусавэн пэ тумарэ́ маса́ вари-саво́ зачхиныбэн. Мэ сом Рай Дэвэ́л.

Ереме́ё 48:37

Кажно шэро́ исын мурадо и кажна чхора (брода) исын мурадэ́, пэ кажно васт исын почхиныбэна, и пэ трушула исын балыткса гонэ́.

Isajos 22:12

И Рай Дэвэ́л, Рай Дэвэ́л, болыбна́скирэ-янголэ́нгиро, кхарэ́ла кэ Пэ тумэн, соб (кай) тумэ́ тэ ровэ́н, тэ годлэн дро дава́ дывэ́с, соб (кай) тумэ́ тэ обчхинэн бала́, соб (кай) тэ обпхандэнпэ гонэса праскаса, саво́ урьена дрэ биба́хт.

Sykadyipén 6:15

И кра́лья пхувья́кирэ, и барэ́ рая́, и тысёнцэнгирэ-халадэ́нгирэ барыдыра́, барвалюки, и зоралэ́ мануша́, и кажно писха́ри, и кажно во́льно ману́ш ґарадынэ дрэ ґебара́ (пешчэры) и машки́р бэргитка штэ́ты,

Ереме́ё 16:4

ёнэ мэрэ́на дукханэ мэрибна́стыр, нико́н на явэ́ла тэ обровэл лэн: ние́кх лэ́ндыр на явэ́ла гарадо́, нэ ёнэ явэ́на сыр гнэё пэ пхув. Ёнэ хасёна куртала́тыр и бокхалыпнастыр, и лэ́нгирэ тру́пы явэ́на сы́рбы хабэ́н болыбнытконэ чирикленгэ и рискирибна́скирэ мурдалэ́нгэ (зверенгэ) пэ пхув.

Ереме́ё 13:13

Нэ ту пхэнэ́са лэ́нгэ: ‘Адя́кэ ракирэ́ла Рай Дэвэ́л: “Акэ Мэ матякирава сарэ́ манушэ́н, кон дживэ́ла пэ кодоя пхув, и кралье́н, савэ́ исын бэштэ́ пэ Давидо́скиро троно, и раша́н, и сарэ́ пророкэ́н, и сарэ́ манушэ́н, кон дживэ́ла кэ Ерусалимо.

Ереме́ё 7:29

Обчхин тырэ́ бала́, шукарни Ерусалимо́стыр, и чхурдэ криг лэн, и ров пэ вучэ́ штэ́ты, пал-дова́ со Рай Дэвэ́л на прилыя́ и мэкця́ ро́до, саво́ зоралэ́с холякирдя Лэс.

Isajos 24:2

И со явэ́ла народоса, дова́-паць (тожэ) явэ́ла раша́са; со явэ́ла дынариса, дова́-паць явэ́ла лэ́скирэ хула́са; со явэ́ла дынарицаса, дова́-паць явэ́ла ла́кирэ хуланяса; со явэ́ла одолэса, кон кинэла, дова́-паць явэ́ла одолэса, кон бикнэла; со явэ́ла манушэ́са, саво́ залэла ловэ́, дова́-паць явэ́ла одолэса, кон дэ́ла лэ́скэ ловэ́.

Sykadyipén 20:12

И мэ дыкхцём мулэн, барэн и тэрнэн, савэ́ сыс тэрдэ́ анги́л троно и лылваря свиткостыр сыс отпхандлэ. Яви́р лылвари́ сыс отпхандлы, сави́ сыс джиибна́скири лылвари́, и мулэ́ сыс сэндиндлэ пир дова́, со ёнэ кэрдэ́ пал пэ́скиро джиибэ́н, и со сыс зачхиндло́ дрэ лылваря.

Amoso 6:11

Пал-дова́ со, акэ, Рай Дэвэ́л припхэнэла, со Ёв пхагирэ́ла баро́ кхэр (кралипэ́н Израилёскиро) кэ руи́ны, и тыкно́ кхэр (кралипэ́н Юдэя́киро) пэ котэра́.

Матфеё 9:23

Ке́ли Ису́со загия́ дро барыдырэскиро кхэр, дыкхця́ башаибнаскирэн пэ свирольки и бут явирэ манушэ́н, савэ́ шуминдлэ годлэнца,

2 Паралипоменоно 36:17

И Ёв яндя́ пэ лэ́ндэ Халдеенгирэ крали́с, – и одова́ мулякирдя́ тэрнэ́ манушэ́н лэ́нгирэ куртала́са дрэ лэ́нгиро свэнтыныбнаскиро кхэр, и на потангиндя ни тэрнэ́ чхавэ́с, ни патываля чха, ни пхурэс, ни богос: саро́ отдыя́ Дэвэ́л дрэ лэ́скиро васт.

Левито 19:27

На обчинэн тумарэ́ шэрэскирэ бала́ сарэ́ ригэ́ндыр, и на подчин тырэ́ чхорэнгиро (бродакиро) яго́ро (краё).

Ереме́ё 8:2

Ёнэ росчхувэна [росчхурдэна-р.с.] лэн анги́л кхам, и анги́л чхон, и анги́л сарэ́ болыбна́скирэ халадыбэна (янголы), савэ́н ёнэ камлэ́, и савэ́нгэ ёнэ дынариндлэ́; пал савэ́ндэ ёнэ гинэ́, и савэ́ндыр ёнэ мангнэ́ тэ дэн годы́: савэ́н ёнэ родынэ и савэ́нгэ ёнэ отдынэ́ паты́в. Далэ́ кокалы́ на явэ́на тэ укэдэн, и на явэ́на тэ гаравэн, нэ ёнэ явэ́на сы́рбы ґнэё упра́л пэ пхув.