Ереме́ё 16:5 - Библия - Пэ Балтитко Романи чиб (Романэс) 2019

⁵ Палдава́ Мэ адя́кэ пхэна́ва ту́кэ: на заджа́ дро кхэр, кай тугинэна роибнаса, адя́кэ-паць на джа́ тэ обровэс мулэн, ци на тангинэ кхэтанэ́ лэ́нца; пал-дова́ со Мэ отлава Миро рама́нё кадалэ́ манушэ́ндыр, Мэ ишчо (инкэ́) пхэна́ва ту́кэ, – и дро́го лачхипэ́н и лачхэ́-илы́ткима (тангипэ́н).

Biblija - Pe Baltitko Romani čib (Romanes) 2019

⁵ Paldavá Me adiáke phenáva túke: na zadžá dro kher, kaj tuginena roibnasa, adiáke-pac' na džá te obroves mulen, ci na tangine khetané lénca; pal-dová so Me otlava Miro ramánjo kadalé manušéndyr, Me iščo (inké) phenáva túke, – i drógo lačhipén i lačhé-ilýtkima (tangipén).

Ереме́ё 16:5 Referans Kwoze

Isajos 27:11

Ко́ли лэ́скирэ рандя́ зашутёна, лэн обпхагирэна; явэ́на джувля́ (манушня) и схачкирэна лэн. Пал-дова́ со ёнэ исын народо бигодякиро, Ёв на потангинэла лэн, Одова́, Кон саро́ создыя́.

Яви́р Зако́но 31:17

и захачола Мири́ холы́ пэ лэ́ндэ дро дова́ дывэ́с, и Мэ ячкирава лэн, и Мэ гаравава Миро муй лэ́ндыр, и ёнэ явэ́на традынэ криг, и латхэ́на лэн барэ́ биды и пиридживипэна, и пхэнэ́на ёнэ дро дова́ дывэ́с: “Ци на палдава́ латхнэ́ амэн далэ́ биды, со нанэ Дэвлэ́с (нанэ Дэвэ́л) машки́р амэ́ндэ?”

Sykadyipén 6:4

И выгия́ яви́р грай, лоло́. Кодолэ́скэ, кон сыс бэшто́ уклисто́/э́, сыс дыны́ зор тэ лэл рама́нё (миро) пхувья́тыр, соб (кай) мануша́ тэ мулякирэ́н екх екхэ́с и сыс дыны́ лэ́скэ бари курта́ла (сабля).

Заха́рия 8:10

Пал-дова́ со англэды́р одолэ́ дывэсэ́ндыр на сыс плэскирибэн ваш манушэ́скэ, на сыс плэскирибэн ваш буты́ гурувэнгири, ни одолэ́скэ, кон явэ́ла, ни кодолэ́скэ, кон джа́ла, на сыс рама́нё (миро) вэргэ́ндыр; и домэкавас Мэ, соб (кай) кажно ману́ш тэ явэ́л вэ́рго явирэскэ.

Psalmy 25:6

Пририпир, Раё Дэ́вла, Пэ́скиро тангипэ́н и лачхэ́-илы́ткима, пал-дова́ со ёнэ джа́на векэнца.

Ереме́ё 12:12

Мижэх чора явэ́на пэ вучэ́ штэ́ты пир чхучэ́ прахи, пал-дова́ со Мэ, Рай Дэвэ́л, бичхава́ва курта́ла екхэ ягоро́стыр пэ пхув кэ яви́р; со на явэ́ла рама́нё ни екхэ джидэ́ дескэ.

Ереме́ё 13:14

И Мэ чикавава (пэкавава) лэн екх пир екхэ́стэ, сыр дадэн, адя́кэ-паць и чхавэ́н кхэтанэ́, – ракирэ́ла Рай Дэвэ́л, – и Мэ на ява́ва лачхэ́-илэ́скиро кэ ёнэ, и Мэ на ява́ва тэ тангинав (тэ жалинав) лэн, и Ма́ндыр на явэ́ла тангипэ́н (ла́ска) лэ́нгэ, а Мэ хасякира́ва лэн.’”

Ереме́ё 16:13

Палдава́ Мэ вычхурдава тумэн далэ́ пхувья́тыр пэ пхув, со тумэ́ на джинэ́на, и сави́ на джиндлэ́ тумарэ́ дада́, кай тумэ́ явэ́на тэ дынаринэ́н явирэ дэвлорэ́нгэ дывэ́с и рат: пал-дова́ со Ма́ндыр на явэ́ла ни саво́ тангипэ́н (жалима) тумэ́нгэ.’

Roiben 3:17

Ёв лыджия́ ма́ндыр дур рама́нё (миро) мирэ́ дестыр, мэ бистырдём пал мишто́ джиибэ́н.