Ереме́ё 16:4 - Библия - Пэ Балтитко Романи чиб (Романэс) 2019

⁴ ёнэ мэрэ́на дукханэ мэрибна́стыр, нико́н на явэ́ла тэ обровэл лэн: ние́кх лэ́ндыр на явэ́ла гарадо́, нэ ёнэ явэ́на сыр гнэё пэ пхув. Ёнэ хасёна куртала́тыр и бокхалыпнастыр, и лэ́нгирэ тру́пы явэ́на сы́рбы хабэ́н болыбнытконэ чирикленгэ и рискирибна́скирэ мурдалэ́нгэ (зверенгэ) пэ пхув.

Biblija - Pe Baltitko Romani čib (Romanes) 2019

⁴ jone meréna dukhane meribnástyr, nikón na javéla te obrovel len: nijékh léndyr na javéla garadó, ne jone javéna syr gnejo pe phuv. Jone xasjona kurtalátyr i bokhalypnastyr, i léngire trúpy javéna sýrby xabén bolybnytkone čiriklienge i riskiribnáskire murdalénge (zvierienge) pe phuv.

Ереме́ё 16:4 Referans Kwoze

Ереме́ё 25:33

И бари хась (хасибэ́н) пэ манушэ́ндэ явэ́ла Ра́стыр-Дэвлэ́стыр дро дова́ дывэ́с екхэ ягоро́стыр пэ пхув аж кэ яви́р яго́ро пэ пхув: нико́н на явэ́ла тэ обровэл лэн, нико́н на укэдэла лэн, нико́н на явэ́ла тэ гаравэл лэн, ёнэ явэ́на сыр гнэё, пир сари́ пхув.

Psalmy 83:10

Кэр адя́кэ-паць Мидианэнгэ сыр Сисараскэ, сыр Иадиноскэ пашы́л сы́гно панинг Кисоно,

Ереме́ё 9:22

Пхэн, Ереме́ё: ‘Адя́кэ ракирэ́ла Рай Дэвэ́л: “Манушэ́нгирэ тру́пы явэ́на тэ равэнпэ (тэ пасён) сыр ґнэё пэ откэрды фэ́лда, и сыр ґарбы пала́л пал гивачхиныбнаскирэстэ, и на явэ́ла буты́р нико́н тэ скэдэл лэн.”

Софония 1:17

И Мэ яна́ва бари дар пэ манушэ́ндэ, и ёнэ явэ́на тэ псирэ́н сыр корорэ́ мануша́; ёнэ кэрдэ́ грэ́хо проти Растэ-Дэвлэ́стэ, лэ́нгиро рат явэ́ла росчхудо сыр пра́хо, и лэ́нгири лоч (плоть) явэ́ла тэ кирнёл сыр гнэё”.

Ереме́ё 34:20

Мэ отда́ва (выдава) лэн дро васта́ лэ́нгирэ-вэргэ́нгирэ и дро васта́ одолэ́нгэ, савэ́ родэнас лэ́нгиро ди. Лэ́нгирэ тру́пы явэ́на сыр хабэ́н (мас) чирикле́нгэ болыбнаскирэнгэ и рискирибна́скирэ мурдалэ́нгэ пэ пхув.

Ереме́ё 7:33

Кадалэ́-манушэ́нгирэ тру́пы явэ́на сыр хабэ́н болыбнытконэ чирикленгэ и мурдалэ́нгэ пэ пхув. И ние́кх на явэ́ла тэ страхакирэл лэн криг (на явэ́ла конэ́скэ тэ оттрадэл лэн).

Isajos 18:6

И ячкирэна саро́ дава́ чирикленгэ пэ бэ́рги и фэлдытконэ мурдалэ́нгэ (зверенгэ), чирикля́ явэ́на тэ дживэ́н одо́й лынаскиро, а сарэ́ фэлды́тка мурдала́ (звери) явэ́на тэ дживэ́н одо́й ивантакиро (зимакиро).

Езэкилё 5:12

Три́то паш ту́тэ мэрэ́ла фуендыр (язвэндыр) и хасёла бокха́тыр машки́р ту́тэ; три́то паш явэ́ла за-марды куртала́са пашы́л тыро́ фо́ро, а три́то паш Мэ роспхурдава пир сарэ́ балваля и Мэ вытырдава (дорэсава) пал лэ́ндэ курта́ла тэ традавпэ.

Ереме́ё 44:27

Акэ, Мэ ява́ва тэ дыкха́в пэ тумэ́ндэ кэ биба́хт, а на ваш лачхипэ́н: сарэ́ мануша́ Юдэя́тыр, савэ́ исын пэ пхув Юдэякири явэ́на тэ хасён куртала́тыр, и барэ́ бокха́тыр анги́л дова́, сыр явэ́ла ко́нцо (яго́ро) лэ́нгэ.

Ереме́ё 36:30

Палдава́ адя́кэ ракирэ́ла Рай Дэвэ́л пал Иоакимостэ, крали́стэ пэ Юдэ́я: ‘Лэ́стыр на явэ́ла ние́кх тэ бэшэ́л пэ Давидо́скиро троно, и лэ́скиро тру́по чхурдэна пэ хачкирибэ́н дывэсэ́, и пэ мразо раты́.

Ереме́ё 34:17

“Палдава́ адя́кэ ракирэ́ла Рай Дэвэ́л: ‘Тумэ́ на кандынэ́ Ман, соб (кай) тумэ́ тэ мэкэ́н пэ во́ля, кажно (сва́ко) тумэ́ндыр пэ́скирэ пшалэ́с, кажно тумэ́ндыр пэ́скирэ пашатунэс / суседос (котарис): А́кэ, Мэ да́ва вольныма тумэ́нгэ – тэ мэрэ́н, ци куртала́тыр, ци мэрибнытконэ франсэндыр, ци бокха́тыр! И Мэ кэра́ва адя́кэ, соб (кай) тэ холясон пэ тумэ́ндэ (тумэ́ндыр тэ чуринэнпэ) сарэ́ кралипэна́ пэ пхув.

Isajos 5:25

Пал дова́ захачола Ра́скирэ-Дэвлэ́скири холы́ пэ Лэ́скиро народо, протырдэла Ёв Пэ́скиро васт пэ лэ́ндэ, и Ёв чилавэ́ла лэн адя́кэ, со бэ́рги издрана, а лэ́нгирэ тру́пы явэ́на вычхурдынэ пэ вули́цы (га́сы) сыр гнэё. И на пириячэ́ла Лэ́скири холы́, и васт Лэ́скиро явэ́ла протырдыно.

Psalmy 78:64

Лэ́нгирэ рашая́ хасёнас куртала́тыр, лэ́нгирэ пивля (удовы) на могиндлэ́ тэ ровэ́н.

4 Kralip 9:10

Езавеля схана джукэла пэ Израилёскири фэ́лда, и нико́н на гаравэла ла.’” И отчхакирдя́ вуда́р, и настя́.

Ереме́ё 44:12

И Мэ ла́ва кодолэ́н, савэ́ ячэ́напэ Юдэя́тыр, соб (кай) ёнэ тэ рискирэ́н пэ́скирэ муя́ тэ джа́н пэ пхув Египто́скири тэ дживэ́н сыр чу́жа; одо́й ёнэ хасёна сарэ́ и лэ́нгэ явэ́ла хасибэ́н пэ пхув Египто́скири. Ёнэ хасёна куртала́тыр и бокха́тыр. Ёнэ мэрэ́на, тыкнэстыр кэ най барэды́р куртала́тыр, бокха́тыр, и пэ тумэ́ндэ явэ́ла прокошыбэ́н и ди́во трашаса (трашаибэ́н), прокошыбэ́н и бипатыв.

Яви́р Зако́но 28:26

И явэ́на мулэ́ маса́ тырэ́ хабнаса сарэ́ болыбна́скирэ чирикленгэ и рискирибна́скирэ мурдалэ́нгэ (зверенгэ), и на явэ́ла нико́н лэн тэ оттрадэл.

Ереме́ё 19:7

И Мэ кэра́ва адя́кэ, со ничы́ на явэ́ла мол зракирибэ́н пэ скэдыны кэ Юдэ́я и кэ Ерусалимо пэ дова́ штэ́то, и Мэ кэра́ва адя́кэ, со ёнэ пэрэ́на куртала́тыр анги́л пэ́скирэ вэргэ́ндэ, и кодолэнгирэ вастэ́стыр, савэ́ родэ́на лэ́нгиро джиибэ́н, и Мэ кэра́ва адя́кэ, со лэ́нгирэ тру́пы Мэ да́ва сыр хабэ́н болыбнытконэ чириклэнгэ и мурдалэ́нгэ пэ пхув.

Roiben 4:9

Кодолэнгэ, конэ́с мулякирдэ́ куртала́са, исын бахталэдыр адалэндыр, савэ́ мэрэ́на бокха́тыр. Пал-дова́ со ёнэ нашавэна поволинькэс (ле́нтэс) зор и клёко, пир дова́, со на ухтылэ́ла (на́доси) фэлды́тка аплоды.

Езэкилё 24:21

‘Пхэн Израилёскирэ кхэрэ́скэ: адя́кэ ракирэ́ла Рай Дэвэ́л, Дэвэ́л: ‘Акэ, Мэ отда́ва пэ магирипэ́н Миро свэ́нто штэ́то, саво́ пхэрдэ́с дэ́лас тумэ́нгэ зор, саво́ радынэлас тумарэ́ якха́ и тумаро́ ило́, а тумарэ́ чхавэ́ и тумарэ́ чхая́, савэ́н тумэ́ ячадэ, хасёна куртала́тыр.

Яви́р Зако́но 28:22

Занасвалякирэла тут Рай Дэвэ́л шукяса (чахоткаса), издранэ хачкирибнаса, шылаляса (лихорадкаса), флокаса (воспаленияса), зашутькирибнаса, хачкирдэ́ балваляса, и ржавчынаса, и ёнэ явэ́на тэ на отмэкэн тут, пака ту хасёса.

Ереме́ё 21:6

и Мэ мулякирава манушэ́н, савэ́ дживэ́на дро дава́ кхэр фо́ро и кхэритконэ́ мурдалэ́н: ёнэ мэрэ́на франсэндыр.