Ереме́ё 16:16 - Библия - Пэ Балтитко Романи чиб (Романэс) 2019

¹⁶ “Акэ, Мэ бичхава́ва пэ лэ́ндэ бут мачхибнарье́н, – дава́ Мэ, Рай Дэвэ́л, ракира́ва, – и ёнэ явэ́на тэ ухтылэ́н (тэ старэн) лэн, а тэ́ньчи Мэ бичхава́ва пэ лэ́ндэ бут карэдынитконэн (охотникэн), и ёнэ традэ́на криг лэн кажнонэ́ бэрга́тыр, и кажнонэ́ бэргицэндыр и шчэлендыр дрэ скалы.

Biblija - Pe Baltitko Romani čib (Romanes) 2019

¹⁶ “Ake, Me bičhaváva pe lénde but mačhibnar'jén, – davá Me, Raj Devél, rakiráva, – i jone javéna te uhtylén (te staren) len, a tén'či Me bičhaváva pe lénde but karedynitkonen (ohotniken), i jone tradéna krig len kažnoné bergátyr, i kažnoné bergicendyr i ščeliendyr dre skaly.

Ереме́ё 16:16 Referans Kwoze

Amoso 4:2

О Рай Дэвэ́л совлахадя́ Пэ́скирэ свэнтымаса: “Акэ, явэ́на дывэса́ пэ тумэ́ндэ, со тумэн явэ́на тэ тырдэн барэ́ нанглэнца (крюкэнца), и тумарэ́ явибнаскирэ чхаворэ́н нанглорэнца пэ вэндка пэ мачхэндэ.

Mihiejo 7:2

Э патяибнытка мануша́ лачхэ́ илэ́са хасинэ́ пэ пхув, и нанэ чачунэ́ манушэ́н машки́р муршэндэ. Ёнэ сарэ́ подракхэна тэ прочхувэн рат, кажно (сва́ко) ману́ш чорьёлапэ пал пэ́скирэ пшалэ́стэ фэляса (сеткаса).

1 Kralip 26:20

Мэк тэ на прочхувэлпэ миро рат пэ пхув анги́л Ра́скирэ-Дэвлэ́скиро муй; пал-дова́ со Израилёскиро кра́ли выгия́ тэ родэ́л екх пушум, сыр традэнапэ пал куропатка пир бэ́рги.

Džiibén 10:9

Ёв сыс анги́л Растэ-Дэвлэ́стэ зорало́ мурдалэнгиро (зверенгиро) старибнари, палдава́ и ракирэ́на: зорало́ мурдалэнгиро (звере́нгиро) старибнари, сыр анги́л Растэ-Дэвлэ́стэ Нимродо.

Ереме́ё 25:9

акэ, Мэ бичхава́ва, и Мэ ла́ва сарэ́ сэм΄и (ирья́) паш-ратитконэ́ (севернонэ) рига́тыр’, – ракирэ́ла Рай Дэвэ́л, – ‘и Мэ бичхава́ва лэн кэ Навуходоносо́ро, кра́ли пир Вавило́но, Миро писха́ри, и Мэ яна́ва лэн проти дая́ пхув, и проти манушэ́ндэ, кон дживэ́ла пэ дая́ пхув, и проти сарэ́ далэ́ Наюды́тка на́цыи, савэ́ исын трусця́л, и Мэ сарэ́са хасякира́ва лэн, и Мэ кэра́ва адя́кэ, со мануша́ явэ́на тэ дивинэнпэ трашатыр (дара́тыр) пэ лэ́ндэ, тэ дэн шоля сабнаса и лэ́нгэ явэ́ла ве́чно хась/ хасибэ́н.

Amoso 5:19

Дава́ явэ́ла сы́рбы дова́, ко́ли ману́ш насця шчэрэстыр (левостыр), и рич пирилыя лэс, ци сы́рбы ману́ш, саво́ гия́ андрэ́ кхэр, причхудя пэ́скиро васт кэ ва́нта, и сап дандырдя лэс.

1 Kralip 24:11

Ѓа́да, ададывэ́с дыкхэ́на тырэ́ якха́, со Рай Дэвэ́л отдыя́ тут какана́ дро мирэ́ васта́ дро ґеба́р; и ма́нгэ ракирдэ́, соб мэ тэ замарав тут, нэ мэ потангиндём (пожалиндём) тут, и пхэндём: ‘На ґазда́ва миро васт пэ мирэ́ хуластэ, пал-дова́ со ёв исын Ра́скирэ-Дэвлэ́скиро помакхибнаскиро.’

Isajos 2:21

соб (кай) тэ ґаздэлпэ (тэ заджа́л) пэ бэ́рги Ра́скирэ-Дэвлэ́скирэ дара́тыр и шардэ Лэ́скирэ барипнастыр, ко́ли Ёв ґаздэ́лапэ тэ хасякирэ́л пхув.

Isajos 7:19

Ёнэ привурняна, бэшэна сарэ́ ёнэ пэ лэнги, савэ́ исын чхучэ́, пэ бэ́рги, пэ сарэ́ пхусадытка чарья́; пэ сарэ́ кашта́ (дрэвы).

Ереме́ё 4:29

Кажно (сва́ко) ману́ш явэ́ла тэ нашэ́л криг годлатыр, со ґаздэ́на уклистэнгирэ халадэ́, и карье-дыибнарья лукостыр. Вари-савэ́ джа́на криг дрэ хашчы (заросли), и яви́р зарэсэна пэ бэ́рги. Кажно фо́ро явэ́ла мэкно́, и ние́кх ману́ш на явэ́ла тэ дживэ́л одо́й.

Ереме́ё 6:9

Адя́кэ ракирэ́ла Рай Дэвэ́л – болыбна́скиро-янголэ́нгиро: “Ёнэ явэ́на зоралэ́с тэ обтринскирэн манушэ́н Израилёстыр, кон ячнэ́пэ сы́рбы винаградоскири рандь, ри́скир палэ пэ́скиро васт сы́рбы винаградонэ–обкэдыибнаскиро (обирателё), кон чхувэ́ла му́ри дрэ корзи́ны (кхудэ́).

Ереме́ё 49:5

Акэ, Мэ яна́ва дар (траш) пэ тумэ́ндэ,” – ракирэ́ла болыбна́скирэ-янголэ́нгиро Рай Дэвэ́л, Дэвэ́л. “Кажно (сва́ко) тумэ́ндыр, кон исын тумэ́ндэ, явэ́ла традыно криг тэ нашэ́л пэ́скэ, кон карик: и на явэ́ла ние́кх ману́ш тэ кэдэл кхэтанэ́ кодолэ́н, кон нашнэ́.

Roiben 4:18

Амарэ́ вэ́рги традынэпэ пал амэ́ндэ пир амарэ́ шпэры (сляды), со амэ на могиндям тэ джас яври́ пэ га́са. Амаро́ ко́нцо (яго́ро) исын пашы́л, амарэ́ дывэса́ сыг кончынэнапэ, пал-дова́ со явдя́ амари́ хась.

Osija 10:10

Ко́ли тэ явэ́л Миро выкэдэибэн, то Мэ высыклякирава лэн. Манушы́тка на́цыи (народы) явэ́на тэ кэдэнпэ проти лэ́ндэ, ке́ли ёнэ бангякирэна лэн пал дуе-молытко чорипэ́н.

Софония 1:12

И явэ́ла адя́кэ дро дова́ дывэ́с, со Мэ пириродава Ерусалимо момолытконэнца (светильникэнца), и Мэ пхарэ́с сэндякирава манушэ́н, савэ́ кашталынэ пэ лэ́нгиро ячаибэ́н моля́тыр (виностыр), савэ́ пхэнэ́на пэ́скэ: ‘О Рай Дэвэ́л на кэрэ́ла лачхипэ́н, и Ёв на кэрэ́ла биба́хт’.

Roiben 4:19

Амарэ́ шалэ сыс сыгэды́р кидэндыр (орлэндыр) пэ болыбэ́н, енэ традынэпэ пал амэ́ндэ дрэ бэ́рги; ёнэ ужакирдэ чораханэ́с амэн пэ чхучэ́ прахи.