Ереме́ё 15:9 - Библия - Пэ Балтитко Романи чиб (Романэс) 2019

⁹ Э дай, сави́ бияндя́ эфта́ тыкнэн, ёй выпхурдыя палатуно́ ду́хо (фа́но); ла́киро кхам гия́ тэлэ́, мэк дава́ ишчо (инкэ́) исын дывэ́с; ёй исын ладжакирды и запхагирды дрэ годы́. И кон ячэ́лапэ, кодолэ́н Мэ пиридава курталакэ анги́л лэ́нгирэ вэргэ́ндэ’, – пхэндя́ Рай Дэвэ́л.

Biblija - Pe Baltitko Romani čib (Romanes) 2019

⁹ E daj, saví bijandiá eftá tyknen, joj vyphurdyja palatunó dúho (fáno); lákiro kham gijá telé, mek davá iščo (inké) isyn dyvés; joj isyn ladžakirdy i zaphagirdy dre godý. I kon jačélape, kodolén Me piridava kurtalake angíl léngire vergénde’, – phendiá Raj Devél.

Ереме́ё 15:9 Referans Kwoze

1 Kralip 2:5

чалэ кэрэ́на буты́ марэстыр, а бокхалэ́ откинёна, адя́кэ-паць джувля́, савэ́ на могинэ́на тэ маинэн чхаворэ́н биянэна эфта́ мо́лы, а джувлы́, сави́ могинэ́ла тэ маинэл бут чхавэ́н, на могинэ́ла.

Isajos 47:9

Нэ ко́ли ту на ужакирэса, то саро́ кэ ту явэ́ла: и ромэс хасякирэса и чхаворэ́н дро екх дывэ́с; явэ́ла кэ ту биба́хт пхэрдэ́с, на зракхэ́ла тут чорахано джиныбэ́н и бари зор чораханы.

Roiben 1:1

Пхаро́ исын дро Ерусалимо: ёв (фо́ро) исын би манушэ́нгиро, сы́рбы пивлы (удова), сави́ сыс раны машки́р манушыпнаскирэ на́цыи! Акэ, кон сыс тхага́ри пэ пхувья́кирэ рига́, одова́ ману́ш, яця́ дынариса.

Езэкилё 5:12

Три́то паш ту́тэ мэрэ́ла фуендыр (язвэндыр) и хасёла бокха́тыр машки́р ту́тэ; три́то паш явэ́ла за-марды куртала́са пашы́л тыро́ фо́ро, а три́то паш Мэ роспхурдава пир сарэ́ балваля и Мэ вытырдава (дорэсава) пал лэ́ндэ курта́ла тэ традавпэ.

Roiben 4:10

Васта́ лачхэ́-илэ́скирэ джувле́н кэрадэ пэ́скирэ биятэ́н: ёнэ сыс мас лэ́нгэ, ке́ли пыя́ бэдыпэн пэ Ерусалимо́скирэ манушэ́ндэ.

Ереме́ё 44:27

Акэ, Мэ ява́ва тэ дыкха́в пэ тумэ́ндэ кэ биба́хт, а на ваш лачхипэ́н: сарэ́ мануша́ Юдэя́тыр, савэ́ исын пэ пхув Юдэякири явэ́на тэ хасён куртала́тыр, и барэ́ бокха́тыр анги́л дова́, сыр явэ́ла ко́нцо (яго́ро) лэ́нгэ.

Ереме́ё 21:7

И пало́ (после) дава́, – ракира́ва Мэ, Рай Дэвэ́л, – Мэ отда́ва Сэдэкияс, Юдэя́кирэ крали́с, и лэ́скирэ дынарье́н, и яви́р манушэ́н кадалэ́ форо́стыр, савэ́ ячэ́напэ джидэ́ франсэндыр, куртала́тыр и бокхалыпнастыр дрэ Навуходоноскирэ васта́, Вавилоно́скирэ крали́стэ, дрэ тумарэ́-вэргэ́нгирэ васта́, и дрэ кодолэнгирэ васта́, савэ́ родэ́на тумаро́ джиибэ́н. И ёв мулякирэ́ла тумэн курталакирэ ягороса. Ёв на явэ́ла тэ тангинэ́л (тэ жалинэл) тумэн, тэ тангинэ́л, и ёв на явэ́ла лачхэ́-илытко кэ тумэ́.”

Ереме́ё 6:4

“Явэ́н скэдынэ́ тэ марэ́нпэ далэ́ фороса!” – кадалэ́ вэ́рги годлэна. “Уштэ́н, и явэ́н, джа́са пэ лэ́ндэ дывэсэ́.” Бида пэ амэ́ндэ, сыг дывэ́с кончынэлапэ, дыкхэ́н сыр бэльвэлитка зэрья (те́ни) барьёна.

Ереме́ё 7:19

Ци дава́ ёнэ Ман дукхавэна тэ холясовав?”, – ракирэ́ла Рай Дэвэ́л. “Ци дава́ ёнэ на кокорэ́ пэс дукхавэнас пэ нашукарипэн пэ́скэ?

Ереме́ё 19:7

И Мэ кэра́ва адя́кэ, со ничы́ на явэ́ла мол зракирибэ́н пэ скэдыны кэ Юдэ́я и кэ Ерусалимо пэ дова́ штэ́то, и Мэ кэра́ва адя́кэ, со ёнэ пэрэ́на куртала́тыр анги́л пэ́скирэ вэргэ́ндэ, и кодолэнгирэ вастэ́стыр, савэ́ родэ́на лэ́нгиро джиибэ́н, и Мэ кэра́ва адя́кэ, со лэ́нгирэ тру́пы Мэ да́ва сыр хабэ́н болыбнытконэ чириклэнгэ и мурдалэ́нгэ пэ пхув.

Ереме́ё 50:12

Тумари́ дай, Вавило́но, явэ́ла хор ладжакирды (дрэ бари ладж), ёй, сави́ яндя́ тумэн пэ свэ́то, явэ́ла тэ лолёл ладжатыр [ладжакирды-ю.о.]: ёй явэ́ла най тыкнэды́р сарэ́ нацые́ндыр: явэ́ла сы́рбы чхучи́ мал (степ), шуки́ пхув и чхучэ́ прахи.

Езэкилё 5:13

И пириячэ́ла Мири́ холы́, и штылёла Миро холякирибэ́н пэ лэ́ндэ, и явэ́ла Ма́нгэ пир ило́, и ґалёна, со Мэ, Рай Дэвэ́л, Дэвэ́л, ракиравас дро Пэ́скиро зэвлыныпэ́н, ко́ли кончынэлапэ Мири́ хор холы́ пэ лэ́ндэ.