Ереме́ё 15:4 - Библия - Пэ Балтитко Романи чиб (Романэс) 2019

⁴ И Мэ отда́ва лэн, соб (кай) сарэ́ кралипэна́ пэ пхув тэ традэ́н лэн одори́к и палэ пал Манасиястэ, Езэкияскирэ чхавэ́стэ, пал-дова́ со ёв кэрдя́ дро Ерусалимо.

Biblija - Pe Baltitko Romani čib (Romanes) 2019

⁴ I Me otdáva len, sob (kaj) saré kralipená pe phuv te tradén len odorík i pale pal Manasijaste, Jezekijaskire čhavéste, pal-dová so jov kerdiá dro Jerusalimo.

Ереме́ё 15:4 Referans Kwoze

Ереме́ё 24:9

И Мэ здава лэн, соб (кай) лэн тэ традэ́н одори́к и палэ пир сарэ́ кралипэна́ пэ пхув пэ биба́хт, соб (кай) тэ обракирэн лэн сы́рбы припхэныбэ́н, соб (кай) тэ высан лэн сыр прокошыбэ́н (арман) пир сарэ́ штэ́ты, кэ савэ́ Мэ традыём лэн.

Ереме́ё 29:18

И Мэ ява́ва тэ традав лэн куртала́са, бокхаса, и мэрибнытконэ франсэнца, и Мэ отда́ва лэн, соб (кай) тэ традэ́н лэн одори́к и палэ пэ би́да дрэ сарэ́ кралипэна́ пэ пхув, – соб (кай) тэ выпхэнэн прокошыбэна (тэ арманякирэн лэн), тэ дивинэнпэ трашаса пэ лэ́ндэ, тэ сипинэн, и тэ обракирэн холя́са лэн мануша́ Наюдытконэ́ нацые́ндыр, кэ савэ́ Мэ традава лэн:

Езэкилё 23:46

Палдава́ адя́кэ ракирэ́ла Рай Дэвэ́л, Дэвэ́л: “Кхарэ́н манушэ́н пэ лэ́ндэ, отдэ́н лэн пэ пхарипэ́н и чорибэн.

Яви́р Зако́но 28:25

Отдэ́ла тут Рай Дэвэ́л пэ мэрибэ́н (пэ хасибэ́н) тырэ́ вэргэ́нгэ (врогэнгэ); екхэ дромэ́са ту выджаса проти лэ́ндэ, а эфта́ дромэ́нца нашэса лэ́ндыр; и явэ́са ту росчхурдыно тэ дживэ́с пир сарэ́ кралипэна́ пэ пхув.

Ереме́ё 34:17

“Палдава́ адя́кэ ракирэ́ла Рай Дэвэ́л: ‘Тумэ́ на кандынэ́ Ман, соб (кай) тумэ́ тэ мэкэ́н пэ во́ля, кажно (сва́ко) тумэ́ндыр пэ́скирэ пшалэ́с, кажно тумэ́ндыр пэ́скирэ пашатунэс / суседос (котарис): А́кэ, Мэ да́ва вольныма тумэ́нгэ – тэ мэрэ́н, ци куртала́тыр, ци мэрибнытконэ франсэндыр, ци бокха́тыр! И Мэ кэра́ва адя́кэ, соб (кай) тэ холясон пэ тумэ́ндэ (тумэ́ндыр тэ чуринэнпэ) сарэ́ кралипэна́ пэ пхув.

4 Kralip 21:2

И кэрдя́ ёв фуипэ́н дрэ якха́ Ра́скирэ-Дэвлэ́скирэ, кэри пир приме́ро (сыкаибэ́н) магирипэ́н сыр яви́р манушы́тка на́цыи, савэ́н протрадыя Рай Дэвэ́л Израилёскирэ чхавэ́нгирэ мо́стыр.

Левито 26:33

а тумэн росчхурдава Мэ тэ дживэ́н машки́р манушэ́ндэ и нангякирава пала́л пал тумэ́ндэ курта́ла, и явэ́ла пхув тумари́ чхучи́ и фо́рья тумарэ́ роспхагирдэ́.

Roiben 1:8

Ерусалимо кэрдя́ баро́ грэ́хо, палдава́ ёв яця́ магирдо́. Сарэ́, кон кутякирдэ лэс, мэкнэ́ тэ кэрэ́н паты́в; пал-дова́ со ёнэ дыкхнэ́ лэ́скиро нангипэ́н. Ёв, чачо́, дыя́ ґондя́ и гия́ криг.

Ереме́ё 9:16

И Мэ росчхувава лэн тэ дживэ́н машки́р Наюдэ́ндэ, конэ́с на джиндлэ́ ни ёнэ, ни лэ́нгирэ дада́. И Мэ бичхава́ва курта́ла пал лэ́ндэ, анги́л дова́, сыр Мэ сарэ́са хасякира́ва лэн.’

Яви́р Зако́но 28:64

И росчхурдэла тэ дживэ́л тут Рай Дэвэ́л пир сарэ́ манушэ́ндэ, ягоро́стыр (краёстыр) пхувьякирэстыр кэ яви́р яго́ро пхувья́киро, и ту явэ́са одо́й тэ дынаринэс явирэ дэвлорэ́нгэ, савэ́н на джиндян ни ту, ни дада́ тырэ́, каштэскэ и барэнгэ.

4 Kralip 21:1

Дэшуду́й бэрш сыс Манасияскэ, ке́ли ёв яця́ крали́са, и пандждэша́ бэрш сыс ёв крали́са дро Ерусалимо; лав лэ́скирэ-да́киро сыс Хефцыба.

2 Паралипоменоно 33:1

Дэшуду́й бэрш сыс Манасияскэ, ке́ли ёв яця́ крали́са, и пандждэша́ пандж бэрш сыс ёв крали́са дро Ерусалимо.

2 Паралипоменоно 33:2

И кэрдя́ ёв налачхэ́с дрэ Ра́скирэ-Дэвлэ́скирэ якха́, кэрдя́ магирибэн Наюдытконэ́-манушэ́нгиро, савэ́н традыя́ криг Рай Дэвэ́л Израилёскирэ чхавэ́ндыр:

Езэкилё 18:19

Тумэ́ ракирэ́на: “Со́скэ же чхаво́ на лыджа́ла пэ́скирэ – дадэ́скири банг?” Пал-дова́, со чхаво́ кэрэ́лас чачунэ́с и пир зако́но; и ёв гия́ пир мирэ́ упхэныбэна́ и кэрдя́, сыр трэй пир лэ́ндэ? Тумэ́ джинэ́на, со ёв явэ́ла джидо́.’”

4 Kralip 21:15

Палдава́, со ёнэ кэрдэ́ фуипэ́н дрэ якха́ Мирэ́, и холякирдэ Ман долэ́ дывэсэ́стыр, сыр выгинэ́ лэ́нгирэ дада́ Египто́стыр, и кэ дава́ дывэ́с.”