Ереме́ё 15:1 - Библия - Пэ Балтитко Романи чиб (Романэс) 2019

¹ И пхэндя́ Рай Дэвэ́л ма́нгэ: “Мэк Мо́йза и Самуи́ло тэ тэрдён анги́л Ма́ндэ, нэ Миро ди на рисёла кэ адалэ́ мануша́. Бичха́в лэн криг Мирэ́ якхэ́ндыр, и мэк ёнэ тэ джа́н пэ́скэ.

Biblija - Pe Baltitko Romani čib (Romanes) 2019

¹ I phendiá Raj Devél mánge: “Mek Mójza i Samuílo te terdjon angíl Mánde, ne Miro di na risjola ke adalé manušá. Bičháv len krig Miré jakhéndyr, i mek jone te džán péske.

Ереме́ё 15:1 Referans Kwoze

Езэкилё 14:14

Ко́ли б тэ латхэнпэ пэ доя́ пхув далэ́ трин мануша́: Ноё, Данила и Ио́во, то ёнэ фэ́ни (то́ка) пэ́скрэ свэнтонэ́ джиибнаса, то ракхэнас бы пэскро ди и буты́р ничи́”, – ракирэ́ла Рай Дэвэ́л, Дэвэ́л.

Ереме́ё 14:11

И Рай Дэвэ́л пхэндя́ ма́нгэ: “На мангпэ Ма́нгэ пал кадалэ́ манушэ́ндэ ваш лэ́нгиро лачхипэ́н.

Ереме́ё 11:14

Палдава́, Ереме́ё, на мангпэ Ма́нгэ пал адалэ́ манушэ́ндэ, и адя́кэ-паць на ґа́здэ патерья ци мангипэ́н пал лэ́ндэ, пал-дова́ со Мэ на ява́ва тэ шунав лэн дро часо (цы́ро), ке́ли ёнэ явэ́на тэ дэн го́дла яври́ кэ Мэ, сыр явэ́ла биба́хт (би́да) лэ́нгэ.

Psalmy 106:23

И Ёв пхэндя́, со Ёв хасякирэлас лэн, тэ на явэ́л Мо́йза, савэ́с Дэвэ́л выкэдыя́, саво́ тэрдия́ муршканэ́с тэ уракирэл Дэвлэ́с, и тэ рискирэ́л лэ́скиро хасякирибэн, соб (кай) Ёв тэ на хасякирэ́л лэн.

Psalmy 99:6

Мо́йза и Ароно сыс машки́р Лэ́скирэ рашандэ и Самуи́ло сыс машки́р одолэ́ндэ, савэ́ приракхэнас лэ́скиро лав: ёнэ кхарэнас Рас-Дэвлэ́с, и Ёв отпхэнэ́лас лэ́нгэ.

1 Kralip 12:23

и мэ адя́кэ-паць на домэкава пэ́скэ грэ́хо анги́л Растэ-Дэвлэ́стэ, соб (кай) тэ пириячав тэ мангавпэ пал тумэ́ндэ, и ява́ва тэ сыклякирав тумэн пэ лачхо́ и маму́й дром;

4 Kralip 17:20

И отрисия Рай Дэвэ́л сарэ́ Израилёскирэ родэндыр, и примириндя (тэлякирдя) лэн, и отдыя́ лэн дрэ васта́ чорэнгэ, и пэ ко́нцо (яго́ро) отрискирдя лэн Пэ́скирэ мо́стыр.

1 Kralip 7:9

И лыя́ Самуи́ло екхэ бакрорэс цюцятыр, и яндя́ лэс дро цэ́ло схачкирибэ́н Ра́скэ-Дэвлэ́скэ, и мангдя́ зоралэ́с Самуи́ло Рас-Дэвлэ́с пал Израилё, и шундя́ лэс Рай Дэвэ́л.

Ереме́ё 52:3

Дава́ сыс пал Ра́скирэ-Дэвлэ́скири холы́, со кэрдя́пэ дро Ерусалимо и Юдэ́я и Ёв рискирдя́ Пэ́стыр лэ́нгирэ манушэ́н. Тэ́ньци Сэдэки́я ґаздыя́пэ проти крали́стэ Вавилоно́стыр.

Ереме́ё 23:39

палдава́, акэ, Мэ адя́кэ-паць и бистрава тумэн, и Мэ мэкава тумэн сарэ́са, и фо́ро, Ерусалимо, саво́ Мэ дыём тумэ́нгэ и тумарэ́ дадэ́нгэ, и Мэ вычхурдава тумэн Мирэ́ мо́стыр.

Ереме́ё 18:20

Ци отдэна палэ фуипнаса пал лачхипэ́н? Палдова́ со ёнэ выґанадэ ґанби́н (яма) ваш миро ди. Ри́пир, сыр мэ со́мас тэрдо́ анги́л Ту́тэ тэ ракира́в лачхипэ́н пал лэ́ндэ, соб (кай) Ту тэ рискирэс криг Пэ́скири бари холы́ лэ́ндыр.

Ереме́ё 15:19

Палдава́ адя́кэ ракирэ́ла Рай Дэвэ́л: “Ко́ли ту рисёса, тэ́ньчи Мэ рискира́ва тут палэ, тэ́ньчи ту тэрдёса анги́л Ма́ндэ; и, ко́ли ту выкэдэса кучипэ́н бэдыпнастыр (чорипна́стыр), тэ́ньчи ту явэ́са тэ ракирэ́с Мирэ́ мо́стыр. Мэк кадалэ́ мануша́ рисёна кэ ту, нэ ту́кэ на трэй тэ рисёс кэ ёнэ.

Pritčy 14:35

Кра́ли сыкавэ́ла паты́в годэ́ дынари́скэ, нэ ёв зоралэ́с холясо́ла пэ одолэ́стэ, саво́ ладжакирэла лэс.

Юдэ́нгэ 9:24

Пал-дова́ со Христо́со загия́ на дрэ Свэ́нто Штэ́то, саво́ кэрдэ́ манушэ́нгирэ васта́, и саво́ исын патри́н (копия) долэ́ Штэтоскиро, со исын дро Болыбна́скиро Раё. Ёв загия́ дро Болыбна́скиро Раё, соб (кай) тэ тэрдёл пал амэ́ндэ анги́л Дэвлэ́стэ:

Ереме́ё 35:19

то палдава́ адя́кэ ракирэ́ла болыбна́скирэ-янголэ́нгиро Рай Дэвэ́л, Дэвэ́л Израилёскиро: ‘Ионадавостэ, чхавэ́стэ Рэхавитоскирэстэ’, дрэ сарэ́ дывэса́ явэ́ла ману́ш тэ тэрдёл анги́л Ма́ндэ.’”

Сэндарьенгири Лылвари́ 5:9

Ило́ миро исын кэ тумэ́, Израилёскирэ барыдыра́, кэ ревнители (зэвлыныбнарья), савэ́ отдэна пэс манушэ́нгэ; славинэ́н Рас-Дэвлэ́с!

Džiibén 19:27

И уштыя́ Авраа́мо тася́рлэс (ра́нэс) пэ са́мо злокицо (ра́нко) и гия́ пэ штэ́то, кай сыс тэрдо́ анги́л Растэ-Дэвлэ́стэ,

Заха́рия 3:3

Ису́со жэ сыс уридо́ дрэ мэлякирдэ и́ди и сыс тэрдо́ анги́л Янголостэ,

Яви́р Зако́но 9:26

и мангдёмпэ мэ Ра́скэ-Дэвлэ́скэ и пхэндём: “Раё Баро́, Раё Дэ́вла, на мулякир Тырэ́ манушэ́н и Тыри́ миштыпна́скири ме́ра, савья́са Ту зракхця́н барэ́ Тырэ́ зорья́са, савья́са Ту вылыджиян Египто́стыр зоралэ́ вастэ́са;

1 Kralip 12:19

И пхэндлэ́ сарэ́ мануша́ Самуилоскэ: “Помангпэ пал тырэ́ писхарьендэ анги́л Растэ-Дэвлэ́стэ, тырэ́ Дэвлэ́стэ, соб (кай) тэ на мэрас амэ́нгэ, пал-дова́ со кэ сарэ́ амарэ́ грэ́хи амэ чхудям ишчо (инкэ́) грэ́хо, ке́ли мангдям пэ́скэ крали́с.”

Ереме́ё 9:19

Пал-дова́ исын шундлы зан, сыр тугинэла зоралэ́с джувлы́ Сионо́стыр: “Сыр амэн обчордэ! Сыр амэ сам ладжакирдэ́, пал-дова́ со амэ мэкцям пхув пир-дова́, со амэн традынэ криг амарэ́ кхэрэндыр!

Ереме́ё 10:18

Адя́кэ ракирэ́ла Рай Дэвэ́л: “Акэ, Мэ чхурдава манушэ́н дро дава́ уляго (пора), савэ́ дживэ́на пэ дая́ пхув, и лэ́нгэ явэ́ла бари траш (дар), соб (кай) тэ ухтылэ́н (латхэ́н) лэн.

Ереме́ё 16:5

Палдава́ Мэ адя́кэ пхэна́ва ту́кэ: на заджа́ дро кхэр, кай тугинэна роибнаса, адя́кэ-паць на джа́ тэ обровэс мулэн, ци на тангинэ кхэтанэ́ лэ́нца; пал-дова́ со Мэ отлава Миро рама́нё кадалэ́ манушэ́ндыр, Мэ ишчо (инкэ́) пхэна́ва ту́кэ, – и дро́го лачхипэ́н и лачхэ́-илы́ткима (тангипэ́н).

Ереме́ё 16:13

Палдава́ Мэ вычхурдава тумэн далэ́ пхувья́тыр пэ пхув, со тумэ́ на джинэ́на, и сави́ на джиндлэ́ тумарэ́ дада́, кай тумэ́ явэ́на тэ дынаринэ́н явирэ дэвлорэ́нгэ дывэ́с и рат: пал-дова́ со Ма́ндыр на явэ́ла ни саво́ тангипэ́н (жалима) тумэ́нгэ.’

Ереме́ё 22:28

Ци исын Иехония адасаво́ ману́ш, соб (кай) тэ дыкхэ́н пэ лэ́стэ вучипна́стыр сыр пэ пхагирдо́ кхоро́? Ци исын ёв сы́рбы кхоро́, саво́ на радынэла якха́? Пал со ёв и лэ́скиро ро́до вычхурдынэ, и чхурдынэ́ пэ пхув, сави́ ёнэ на джинэ́на?

Езэкилё 22:30

Родыём Мэ лэ́ндэ манушэ́с саво́ чхувэлас ва́нта и тэрделас дро пропхагирибэн анги́л Ма́ндэ пал дая́ пхув, соб (кай) Мэ тэ на распхагирав ла, нэ Мэ налатхём.

Ереме́ё 14:12

Ке́ли ёнэ явэ́на тэ постынэн, Мэ на ява́ва тэ шунав лэ́нгири го́дла; и ке́ли ёнэ янэ́на цэ́ла хачкирибэна, и свэ́нта дыибэна́ гивэстыр, Мэ на прилава лэн: пал-дова́ со Мэ хасякира́ва лэн куртала́са, барэ́ бокхаса и франсэнца.”

Osija 9:15

Рай Дэвэ́л ракирэ́ла: ‘Саро́ лэ́нгиро фуипэ́н исын дро Галга́ло, пал-дова́ со одо́й Мэ лыём зоралэ́с тэ на вырикирав лэн: пир дова́ фуипэ́н, со ёнэ кэрдэ́, Мэ традава криг лэн Мирэ́ кхэрэ́стыр, Мэ на ява́ва буты́р тэ прилав лэн. Лэ́нгирэ сарэ́ тхага́рья (кня́зи) бунтынэна.