Ереме́ё 14:4 - Библия - Пэ Балтитко Романи чиб (Романэс) 2019

⁴ Пал-дова́ со пхув пхарадыя, сыр на сыс брышы́нд пэ пхув, пхувьявирэ-бутярнэ́ исын ладжакирдэ́, ёнэ учхакирдэ пэ́скирэ шэрэ́.

Biblija - Pe Baltitko Romani čib (Romanes) 2019

⁴ Pal-dová so phuv pharadyja, syr na sys bryšýnd pe phuv, phuvjavire-butiarné isyn ladžakirdé, jone učhakirde péskire šeré.

Ереме́ё 14:4 Referans Kwoze

Ioil 1:11

Ладжан тумэ́, кон сан пхувья́кирэ бутярнэ́, тугинэн ровибнаса, тумэ́, кон сан винаградарья, пир парно́ гив и ґэрсто (ячменё), пал-дова́ со фэлдакирэ гива́ хасинэ́.

Ереме́ё 3:3

Палдава́ панинга́ сыс пририкирдэ, и на сыс вэснакирэ брышында и тумэ́ндэ чиката ячнэ́ сы́рбы налачхэ́ джувля́тэ, нэ тумэ́ на прилынэ́ ладжакирибэн.

Ioil 1:17

Зя́рки кирнынэ тэл лэ́нгирэ комки, пираля́ (кладовки) ячнэ́ чхучэ́; шурны пхагирдэ́, пал-дова́ со гив вышутия.

Яви́р Зако́но 29:23

‘Сера (дзэвэля) и лонд, схачкирибэ́н пир сари́ пхув; ёй на сеинэлапэ и на барьякирэ́ла, и на выджа́ла пэ ла́тэ ни сави́ чар, сыр пало́ (после) дова́, ке́ли сыс хасякирдэ́ Содо́мо, Гомо́ра, Адма и Севоимо, савэ́ хасякирдя́ Рай Дэвэ́л дрэ холы́ Пэ́скири, и дрэ Пэ́скиро мижэхипэн’.

Ереме́ё 2:37

Нэ тумэ́ джа́на криг Египто́стыр, и тумарэ́ васта́ явэ́на пэ тумарэ́ шэрэ́: пал-дова́ со Мэ, Рай Дэвэ́л, на прилыём дова́, кэ со тумарэ́ илэ рисинэ́, и дава́ на удэлапэ кэ тумаро́ миштыпэ́н.”

Amoso 4:8

Палдава́ дуй, ци трин фо́рья гинэ́ кэ яви́р фо́ро тэ пьен пани́, нэ ёнэ на пинэ́ чалэ́с, нэ усае́кх тумэ́ на рисинэ́ кэ Мэ”, – ракирэ́ла Рай Дэвэ́л.

Левито 26:18

Ко́ли пир саро́ дава́ тумэ́ на кандэ́на Ман, то тэды Мэ эфта́ мо́лы кэра́ва барэды́р ка́ра пал тумарэ́ грэ́хи,