Ереме́ё 14:3 - Библия - Пэ Балтитко Романи чиб (Романэс) 2019

³ Лэ́нгирэ лачхэ́-родоскирэ рая [упратунэ-р.с.] бичхавэна пэ́скирэ кхэритконэ́ дынарье́н пал пани́: ёнэ джа́на кэ панитка ґанбиня́, нэ ёнэ на латхэ́на пани́; ёнэ рисёна палэ чхучэ́ пирье́нца: ёнэ исын ладжакирдэ́, ёнэ исын запхагирдэ дрэ годы́, и ёнэ учхакирдэ пэ́скирэ шэрэ́.

Biblija - Pe Baltitko Romani čib (Romanes) 2019

³ Léngire lačhé-rodoskire raja [upratune-r.s.] bičhavena péskire kheritkoné dynar'jén pal paní: jone džána ke panitka ĥanbiniá, ne jone na lathéna paní; jone risjona pale čhučé pir'jénca: jone isyn ladžakirdé, jone isyn zaphagirde dre godý, i jone učhakirde péskire šeré.

Ереме́ё 14:3 Referans Kwoze

2 Kralip 15:30

А Дави́до гия́ пэ Елеоноскири бэ́рга, гия́ и рондя́; шэро́ лэ́стэ сыс учхакирдо; ёв гия́ пиранго, и сарэ́ мануша́, савэ́ сыс лэ́са, учхакирдэ кажно пэ́скиро шэро́, гинэ́ и рондлэ́.

Psalmy 40:14

О, Раё Дэ́вла! Яв лачхо́ тэ зракхэс ман, о, Раё Дэ́вла, яв сыгэды́р тэ дэс васт ма́нгэ.

4 Kralip 18:31

На шунэ́н Езэкияс. Пал-дова́ со адя́кэ ракирэ́ла Асирия́киро кра́ли: ‘Кэрэ́н доракирибэ́н (союзо) ма́нца и выджа́н кэ мэ, и мэк кажно (сва́ко) тэ хал му́ри пэ́скирэ-винаградытконэ хрустостыр и инжыро пэ́скиро, и мэк кажно (сва́ко) тэ пьел пани́ пэ́скирэ ґанынгатыр.

Amoso 4:8

Палдава́ дуй, ци трин фо́рья гинэ́ кэ яви́р фо́ро тэ пьен пани́, нэ ёнэ на пинэ́ чалэ́с, нэ усае́кх тумэ́ на рисинэ́ кэ Мэ”, – ракирэ́ла Рай Дэвэ́л.

Ереме́ё 2:13

Пал-дова́ со мирэ́ мануша́ кэрдэ́ чорипэ́н дуй мо́лы: ёнэ ячкирдэ́ Ман, Кон исын джидэ́-панескири ґанингори и ёнэ выганадэ пэ́скэ вэндариня (сажалки), пхагирдэ́ лэн, со на могинэ́на тэ рикирэ́н пани́.

Ioil 1:20

Мурдала́ пэ фэ́лда адя́кэ-паць кхарэ́на Тут, пал-дова́ со рэкицы (лэнорья́) пане́са вышутинэ, и яг похая чаритка фэ́лды пэ чхучи́ пхув.

Ереме́ё 20:11

Нэ Ту, Раё Дэ́вла, сан зоралыпнаскиро и трашано (би дара́киро), и Ту сан пэ мири́ риг; палдава́ вэ́рги, савэ́ традэ́на ман, обштавэнапэ, и ёнэ на лэ́на упралыпэ́н пэ ма́ндэ: ёнэ явэ́на ладжакирдэ́, пал-дова́ со лэ́нгирэ планы на удэнапэ лэ́нгэ кэ миштыпэ́н [енэ кэрдэ́ нагодьварэс, ладж явэ́ла лэ́нгэ пэ саро́ ве́ко и ние́кхвар на бистрэлапэ-р.с.],

Ереме́ё 14:4

Пал-дова́ со пхув пхарадыя, сыр на сыс брышы́нд пэ пхув, пхувьявирэ-бутярнэ́ исын ладжакирдэ́, ёнэ учхакирдэ пэ́скирэ шэрэ́.

Psalmy 109:29

Мэк мирэ́ вэ́рги тэ урьен пэ пэ́стэ ладж сыр и́дя, и учхакирэн пэс ладжаса сыр кулькоса (тхаликоса).

Ióvo 6:20

ёнэ ладжана пэ́скирэ патяибнастыр; ёнэ явэ́на одо́й, и лэ́ндэ саро́ пирипэнтындяпэ дрэ годы́.

Ester 6:12

И рисия́ Мардохе́ё кэ крали́скирэ вудара́. Ама́но сыгэды́р гия́ дрэ пэ́скиро кхэр, смэнтно и зачхакирдя шэро́.

3 Kralip 17:7

Пало́ вари-саво́ часо, дая́ сы́гно рэ́кица (лэнори́) вышутия, пал-дова́ со на сыс брышы́нд пэ пхув.

2 Kralip 19:4

А кра́ли зачхакирдя пэ́скиро муй, и зоралэ́с рондя́: “Чхаво́ миро, Авесаломе! Авесаломе, чхаво́ миро, чхаво́ миро!”

Ереме́ё 2:37

Нэ тумэ́ джа́на криг Египто́стыр, и тумарэ́ васта́ явэ́на пэ тумарэ́ шэрэ́: пал-дова́ со Мэ, Рай Дэвэ́л, на прилыём дова́, кэ со тумарэ́ илэ рисинэ́, и дава́ на удэлапэ кэ тумаро́ миштыпэ́н.”

Ереме́ё 3:3

Палдава́ панинга́ сыс пририкирдэ, и на сыс вэснакирэ брышында и тумэ́ндэ чиката ячнэ́ сы́рбы налачхэ́ джувля́тэ, нэ тумэ́ на прилынэ́ ладжакирибэн.

Ереме́ё 15:18

Со́скэ мири́ дукх ґара́ (длу́гэс) тырдэлапэ, со́скэ миро рискирибэн пэ маса́ на састёла, саво́ Ту отпхэндянпэ тэ састякирэс? Нау́што Ту явэ́са ваш ма́нгэ сы́рбы хоханы ґанынгори, сы́рбы на́лачхо пани́.”

Roiben 4:4

Тыкнэ́-масэнгири чибори ухтылэлапэ зоралэ́с пал талой дро лэ́нгиро муёро, сыр камэ́на пани́: тыкнэ́ бияты мангэна маро́, нэ ние́кх на пхагирэ́ла (на дэ́ла) котэроро лэ́нгэ.

Osija 2:3

соб (кай) Мэ тэ на росчхакирав ла́киро нангипэ́н, и тэ на чхував ла анги́л, сыр дро дывэ́с, ке́ли ёй бия́ндыя; и соб (кай) Мэ на кэра́в ла́тыр чхучи́ (пусто) фэ́лда, и соб (кай) Мэ тэ на пирикэрав ла дрэ шуки́ пхув, и тэ на пэкавав ла смэгаса тэ пьел.

Заха́рия 14:17

И явэ́ла: со ко́ли вари-саво́ кхэри́тко ро́до (племё) пэ дая́ пхув на джа́ла дро Ерусалимо тэ бандякирэл пэ́скиро шэро́ анги́л Крали́стэ, Растэ-Дэвлэ́стэ, янголэ́нгирэ-болыбнаскирэстэ, тэды на явэ́на лэ́ндэ брышында.

Amoso 4:7

“Мэ адя́кэ-паць на давас брышы́нд тумэ́нгэ, ке́ли сыс ишчо (инкэ́) трин чхона́ кэ укэдыибэн гивэнгиро. Мэ бичхававас брышы́нд пэ екх фо́ро, и Мэ на бичхававас брышы́нд пэ яви́р фо́ро: екх котэ́р пхув сыс почхудо брышындэса, а яви́р, со сыс почхудо брышындэса, зашутия.