Ереме́ё 13:9 - Библия - Пэ Балтитко Романи чиб (Романэс) 2019

⁹ “Адя́кэ пхэндя́ Рай Дэвэ́л: ‘Пир дова́ Мэ хасякира́ва Юдэя́киро пхутькирибэ́н, и адя́кэ-паць Ерусалимоскиро зорало́ (баро́) пхутькирибэ́н.

Biblija - Pe Baltitko Romani čib (Romanes) 2019

⁹ “Adiáke phendiá Raj Devél: ‘Pir dová Me xasiakiráva Judejákiro phut'kiribén, i adiáke-pac' Jerusalimoskiro zoraló (baró) phut'kiribén.

Ереме́ё 13:9 Referans Kwoze

Левито 26:19

и Мэ пхагирава пхутькирды тумари́ нартыма (упорство), и болыбэ́н тумаро́ упра́л кэра́ва, сыр састы́р, и пхув тумари́, сыр харко́ма (медь);

Софония 3:11

Дро дова́ Дывэ́с тумэ́, Мирэ́ мануша́лэ, на явэ́на тэ ладжан ни савэ́ тумарэ́ рэндэ́ндыр, дрэ савэ́ тумэ́ кэрдэ́ чорипэ́н проти Ма́ндэ; адя́кэ, сыр тэ́ньчи Мэ ла́ва криг тумарэ́ машкиралыпнастыр кодолэ́н, кон древа́н радынэ́лапэ пэ́скирэ пхутькирибнастыр, и буты́р тумэ́ на явэ́на тэ задэнпэ пэ Мири́ свэ́нто бэ́рга.

Isajos 23:9

Рай Дэвэ́л, болыбна́скирэ-янголэ́нгиро, припхэндя́ дава́, соб (кай) тэ на пхутёл нисаво́ барипэ́н, соб (кай) тэ ладжан сарэ́, кон прилэ́ла паты́в пэ пхув.

Pritčy 16:18

Пхутькирибэ́н исын усады (сак) кэ хасибэ́н, ману́ш, саво́ задэлапэ, сыг пэрэ́ла.

1 Petr 5:5

Адя́кэ-паць, тэрнэ́ мануша́лэ, кандэ́н пэ́скирэ годэпхурэн, явэ́н ковлэ́-илы́тка екх кэ екх, на шарэ́н пэс екх анги́л явирэ́стэ, пал-дова́ со Дэвэ́л исын проти одолэ́ндэ, кон гинэ́ла пэс вучэды́р явирэндыр, а одолэ́нгэ, кон на шарэла пэс, Ёв дэ́ла васт.

Jakov 4:6

Нэ Дэвэ́л дэ́ла барэды́р бахтякирибэ́н. Пал-дова́ со и исын пхэндло́: “Дэвлэ́скэ исын на дро́га пхутькирдэ́, а Ёв бахтякирэ́ла напхутькирдэ манушэ́н.”

Luka 18:14

Мэ пхэна́ва тумэ́нгэ, ёв гия́ кхэрэ́ буты́р чачунэса, пал-дова́ со Дэвэ́л буты́р отмэкця́ лэ́скирэ грэ́хи, сыр кодова́ Фарисеё. Пал-дова́ со кажно ману́ш, кон ґаздэ́ла пэс кокоро́, Дэвэ́л чхувэ́ла лэс тэлэды́р, а кон чхувэ́ла пэс кокоро́ тэлэды́р, кодолэ́с Дэвэ́л ґаздэ́ла вучэды́р.”

Naumo 2:2

Пал-дава́ со Рай Дэвэ́л чхувэ́ла дро зор нэвэ́стыр барипэ́н Яково́скиро, сыр барипэ́н Израилёскиро, пал-дова́ со вэ́рги ячкирдэ́ чхучэ́ штэ́ты лэ́ндэ, и ёнэ хасякирдэ́ дрэ руи́ны лэ́нгирэ винаграды́тка рандя́.

Езэкилё 16:56

Пал тырэ́ пхэнятэ Содоматэ ту на пририпирэсас дрэ кодолэ́ дывэса́, ке́ли са́нас древа́н пхутькирды.

Езэкилё 16:50

И ячнэ́ ёнэ тэ задэнпэ, и кэрдэ́ джунгалыпэ́н анги́л Ма́ндэ. Мэ дыкхцём кадава́ и гиём лэ́ндыр.

Ереме́ё 48:29

Амэ шундя́м пал пхутькирибэ́н Моавоскиро: ёв исын древа́н пхутькирдо – лэ́стэ исын вучи́ мина пэ муй, – ёв барьякирэ́ла пэс, – ёв пхутёла, – и ёв думинэ́ла вучэ́с пал пэ́стэ дро пэ́скиро ило́.

Isajos 16:6

Амэ шундя́м пал Моавоскиро пхутькирибэ́н, пал баро́ лэ́скиро пхутькирибэ́н, пал лэ́скирэ шарибэна и холы́, ёв пхэнэ́ла хоханэ́ лава́.

Ереме́ё 13:8

И явдя́ кэ мэ Ра́скирэ-Дэвлэ́скиро лав, и пхэндя́:

Ереме́ё 25:18

кэ Ерусалимо и кэ сарэ́ фо́рья Юдэя́тыр, лэ́нгирэ кралье́н и лэ́нгирэ тхагарьен, соб (кай) тэ кэра́в лэ́ндыр чхучо́ штэ́то, соб (кай) пэ лэ́ндэ тэ дивинэнпэ трашаса [дара́тыр-р.с.], тэ сипинэн, Мэ кэра́ва лэ́нгирэ лавэ́стыр кошыбэ́н (арман), сыр дава́ исын аж и кэ дава́ дывэ́с;