Ереме́ё 13:16 - Библия - Пэ Балтитко Романи чиб (Романэс) 2019

¹⁶ Барьякирэ́н (славинэ́н) Рас-Дэвлэ́с, тумарэ́ Дэвлэ́с, анги́л дова́, сыр Ёв янэ́ла калыпэ́н (цёмныма), и анги́л дова́, сыр тумарэ́ ґэра́ обштавэнапэ (обстэмпинэнапэ) пир бэ́рги дрэ паш-калыпэ́н! И тумэ́ явэ́на тэ родэ́н дуд (свэ́то), нэ Ёв рискирэ́ла лэс дрэ мэрибнытко зэр (тень), и Ёв пирикэрэла лэс дрэ хор калыпэ́н.

Biblija - Pe Baltitko Romani čib (Romanes) 2019

¹⁶ Barjakirén (slavinén) Ras-Devlés, tumaré Devlés, angíl dová, syr Jov janéla kalypén (cjomnyma), i angíl dová, syr tumaré ĥerá obštavenape (obstempinenape) pir bérgi dre paš-kalypén! I tumé javéna te rodén dud (svéto), ne Jov riskiréla les dre meribnytko zer (tien'), i Jov pirikerela les dre xor kalypén.

Ереме́ё 13:16 Referans Kwoze

Isajos 59:9

Палдава́ сэ́ндо исын дур амэ́ндыр, нанэ и амэ́ндэ чачуно́ сэ́ндо; ужакираса дуд (свэ́то), нэ, акэ – цямлыпэ́н; яркима, нэ амэ псираса дро калыпэ́н (мрако).

Isajos 8:22

Явэ́на тэ дыкхэ́н упрэ́ и подыкхэна пэ пхув: акэ, би́да, калыпэ́н; явэ́на чхурдынэ́ дро калыпэ́н, нэ на явэ́ла калыпэ́н сарэ́ дывэса́ одо́й, кай ёв акана́ скэдыяпэ.

Isajos 60:2

Акэ, калыпэ́н (цямлыпэ́н) закэрэла пхув, и калыпэ́н учхакирэ́ла народы, а упралэстыр пэ ту́тэ Рай Дэвэ́л зазяинэла, и бари паты́в Лэ́скири сыкадёла упрэ́ пэ ту́тэ.

Isajos 5:30

Загодлэла пэ лэ́стэ дро дова́ дывэ́с сы́рбы мо́рё (дэрья́в), саво́ холя́сыя; подыкхэла ёв пэ пхув, акэ: – калыпэ́н, би́да, мурдия дуд (свэ́то) пэ болыбэ́н.

Pritčy 4:19

Нэ дром фуе́-манушэ́нгиро исын сы́рбы цямлыпэ́н; ёнэ на джинэ́на, пир со ёнэ обштавэнапэ.

Isúso 7:19

Тэды Ису́со пхэндя́ Аханоскэ: “Миро чхава! Воздэ Ра́скэ-Дэвлэ́скэ, Израилёскирэ Дэвлэ́скэ сла́ва, и приґалёвпэ анги́л Лэ́стэ, и дэ тэ джина́в ма́нгэ, со ту кэрдя́н; на счхакир ма́ндыр”.

Ереме́ё 23:12

“Палдава́ лэ́нгиро дром явэ́ла ваш лэ́нгэ сыр слизко штэ́то дро калыпэ́н (цёмныма), лэн шпулэна (пихинэна) одо́й и ёнэ пэрэ́на одори́к. Мэ яна́ва биба́хт (бари би́да) – пэ лэ́ндэ дро бэрш, ке́ли Мэ ява́ва тэ сэндякирав лэн”, – ракирэ́ла Рай Дэвэ́л.

Ереме́ё 4:23

Мэ, Ереме́ё, дыкха́ва пэ пхув сы́рбы дро суно́, и, акэ, – ёй исын нашады и чхучи́; и, акэ, пэ болыбэ́н – нанэ дуд (свэ́то) пэ лэ́стэ.

Psalmy 44:19

Амаро́ ило́ на рисия́ палэ, и амарэ́ пирэ́ (сто́пы) на штадэ дрэ риг Тырэ́ дромэ́стыр;

1 Kralip 6:5

и адя́кэ кэрэ́н формы тумарэн наростэнгирэ и формы тумарэ́ кармусэнгирэ, савэ́ кэрэ́на чхучи́ пхув, и дэн Израилёскирэ Дэвлэ́скэ сла́ва; могинэ́ла тэ явэ́л, Ёв кэрэ́ла локхэды́р Пэ́скиро васт пэ тумэ́ндэ, и пэ тумарэ́ дэвлэндэ, и пэ тумари́ пхув;

Vygiiben 10:21

И пхэндя́ Рай Дэвэ́л Мойза́скэ: “Ѓаздэ тыро́ васт кэ болыбэ́н, и явэ́ла калыпэ́н (цямлыпэ́н) пэ Египто́скири пхув дасави́ ґэнсто, со почхуинэса лэс.”

1 Petr 2:8

пал саво́ мануша́ обштавэнапэ, пал-дова́ со ёнэ на кандэ́на Дэвлэ́скиро лав, пал-дова́ со адя́кэ лэ́нгэ сыс задуминдло.

Joannostir 12:35

Тэды Ису́со пхэндя́ лэ́нгэ: “Сарэ́са пэ на́бут часо дуд (свэ́то) исын тумэ́нца. Псирэ́н, пака исын дуд, соб (кай) тэ на чхакирэл тумэн калыпэ́н (цёмныма). Нэ одова́, кон псирэ́ла дро калыпэ́н, одова́ на джинэ́ла, карик ёв джа́ла.

Roiben 4:17

Амарэ́ якха́ кхинынэ тэ дыкхэ́н ивья́ (дармэс), со вари-кон подэла васт амэ́нгэ. Амэ дыкхцям амарэ́ вучардятыр (башнятыр) пал манушэ́ндэ, савэ́ на дынэ́ ра́да тэ зракхэн амэн.

Ереме́ё 14:19

Раё Дэ́вла! Ци сарэ́са Ту отпхэндямпэ Юдэя́тыр? Ци Тырэ́ дескэ яця́ джунгало́ Сионо́стыр? Со́скэ Ту адя́кэ пэкадян амэн, со нанэ састякирибэн амэ́нгэ? Амэ родаса рама́нё, нэ нанэ лачхипэ́н, часо тэ састякираспэ, и, акэ, екх трашаибэ́н (дар).

Ереме́ё 8:15

Амэ ужакирдям рама́нё, нэ нисаво́ лачхипэ́н на явдя́ далэ́стыр; амэ ужакирдям тэ састёвас, нэ дыкхэ́н: исыс екх трашаибэ́н!

Ekliesiastos 11:8

нэ ко́ли ману́ш дживэ́ла бут бэрш, тэды мэк ёв тэ радынэ́лпэ зоралэ́с кажнонэ́ бэршэстыр, нэ мэк ёв и тэ рипирэл пал калэ́ дывэса́, пал-дова́, со ёнэ явэ́на бут: саро́, со явэ́ла, исын харныпэ́н.

Ióvo 3:5

Мэк калыпэ́н и мэрибнаскири зэр (тень) тэ учхакирэл дова́ дывэ́с, мэк о́блоки тэ ячэ́нпэ ўса́ды (сак) пэ лэ́стэ, мэк дывэсэнгиро калыпэ́н тэ страхакирэл дова́ дывэ́с.

Psalmy 107:10

Адасавэ́ мануша́ дживдэ́ дро калыпэ́н (цямлыпэ́н) и дрэ мэрибнаскири зэр (тенё), ёнэ сыс пхандлэ и притасадэ,

Psalmy 107:14

Ёв вылыджия́ лэн калыпна́стыр и мэрибнаскирэ зэрьятыр (тенёстыр) и Ёв пхагирдя́ пэ котэра́ (куски) лэ́нгирэ састыра́,

Ереме́ё 2:6

И на пхэндлэ́ ёнэ: “Кай исын Рай Дэвэ́л, Кон лыджия́ криг амэн Египто́скирэ пхувья́тыр, Кон лыджия́ амэн пирда́л чхучэ́ пхувья́, пирда́л чхучэ́ прахи, пирда́л ґанбиня́, пирда́л шутькирды пхув, кай исын зэр (тень) сы́рбы мэрибна́стыр, пирда́л пхув, пэ сави́ ние́кх на прогия́, и нико́н на дживдя́.”

Ереме́ё 6:21

Палдава́ ракирэ́ла Рай Дэвэ́л адя́кэ: “Акэ, Мэ чхува́ва бар тэ обштавэнпэ анги́л кадалэ́ манушэ́ндэ: дада́ и чхавэ́ кхэтанэ́ пэрэ́на пир дава́ бар. Пашатуно ману́ш и лэ́скиро мал хасёна.”

Ереме́ё 50:6

Мирэ́ мануша́ нашадынэ сыр бакрэ́: лэ́нгирэ чхупна́рья (пастыри) лыджинэ́ лэн криг дромэ́стыр, ёнэ рискирдэ́ лэн дромэ́стыр пэ бэ́рги. Ёнэ гинэ́ тэ псирэ́н бэрга́тыр пэ бэ́ргица и ёнэ бистырдэ пэ́скиро штэ́то тэ откхинён.

Езэкилё 21:15

Пашы́л сарэ́ лэ́нгирэ по́рты (вра́ты) и Мэ чхува́ва дараны курта́ла, соб (кай) тэ розмарэнпэ лэ́нгирэ илэ, соб (кай) тэ явэ́л ишчо (инкэ́) бутэды́р замардэ́ манушэ́н. Курта́ла хачола, сыр блискавица, сави́ кэрды востро тэ мулякирэ́л.

Езэкилё 34:12

Сыр чхупна́ри пропатякирэла пэ́скирэ бакрэ́н дро дова́ дывэ́с, ко́ли ёнэ роспрастандынэпэ, адя́кэ Мэ пиридыкхава сарэ́ Мирэ́ бакрэ́н, Мэ зракха́ва лэн сарэ́ штэтэ́ндыр, карик ёнэ сыс рострадынэ дро кало́ дывэ́с облокэ́нца.

Езэкилё 36:15

и ту на явэ́са тэ шунэ́с бутэды́р, сыр санпэ ту́тыр народы; кошыбэ́н манушэ́нгирэ родо́стыр Ту на вырикирэса; ту на явэ́са тэ кэрэ́с бутэды́р, соб (кай) тэ явэ́л тыро́ народо бичхаворэнгиро”, – ракирэ́ла Рай Дэвэ́л, Дэвэ́л.

Amoso 4:13

Палдава́, акэ, Ёв, Кон выкэрдя бэ́рги, Кон создыя́ балва́л, Кон дэ́ла звесь (зан) манушэ́скэ, пал со ёв думинэ́ла, Кон кэрэ́ла адя́кэ, со зло́ко (ра́нко) парудёла пэ калыпэ́н яври́, и Кон штавэла (стэмпинэла) пир вучэ́ штэ́ты пэ пхув, – Рай Дэвэ́л, янголэ́нгирэ-болыбна́скиро Дэвэ́л, исын Лэ́скиро лав.’

Amoso 5:18

Бида явэ́ла пэ тумэ́ндэ, кон древа́н камэ́ла, соб (кай) тэ явэ́л дывэ́с Ра́скирэ-Дэвлэ́скиро! Саво́ лачхипэ́н тумэ́ ужакирэ́на дывэсэ́стыр Ра́скирэ-Дэвлэ́стыр? Дава́ ж явэ́ла калыпэ́н, а на дуд.

Psalmy 29:2

Шарэ́н Рас-Дэвлэ́с пал Лэ́скиро славу́тно лав. Поклонинэнпэ (кэрэ́н шэрэ́са) патыва́са Ра́скэ-Дэвлэ́скэ дро Лэ́скиро мангипны́тко шукарипэ́н.

Isajos 59:10

Родаса дром, сыр корорэ́ родэ́на, ва́нта, псираса, сы́рбы нанэ амэ́ндэ якха́; пэраса дывэсэ́ сы́рбы ратя́киро; машки́р джидэндэ амэ сам сыр мулэ́.

Ioil 2:2

явэ́ла дава́ дывэ́с кало́ и тугитко, хмуры́тко дывэ́с ґэнстонэ калыпнаса (цямлыпнаса), сыр о́блоки пэ зло́ко (пэ ра́нко) розджанапэ палэ бэ́рги, адя́кэ-паць и явэ́на мануша́, барэ́ и зоралэ́, савэ́ на сыс векэндыр: и кадасавэ́-паць буты́р на явэ́на ние́кхвар пал лэ́ндэ машки́р манушэ́нгирэ ро́ды.

Малахия 2:2

Ко́ли тумэ́ на явэ́на тэ шунэ́н, и ко́ли тумэ́ на прилэ́на илэ́са, соб (кай) тэ барьякирэ́н Миро лав,” – ракирэ́ла янголэ́нгирэ-болыбна́скиро Рай Дэвэ́л, – тэды Мэ бичхава́ва прокошыбэна (арманя) пэ тумэ́ндэ, и Мэ кэра́ва прокошыбэна (арманя) пэ тумаро́ бахтякирибэ́н: чачо́, Мэ акана́ кэрдём прокошыбэ́н (арман), пал-дова́, со тумэ́ на прилэ́на илэ́са Миро лав.