Ереме́ё 13:11 - Библия - Пэ Балтитко Романи чиб (Романэс) 2019

¹¹ Пал-дова́ со сыр кусты́к ухтылэлапэ зоралэ́с (исын пашто́) кэ пэ манушэ́скиро трушу́л, адя́кэ-паць Мэ кэрдём, соб (кай) саро́ Израилёскиро кхэр и саро́ Юдэя́киро кхэр тэ ухтылэнпэ зоралэ́с кэ Мэ, соб (кай) ёнэ могинэ́нас тэ явэ́л Мирэ́ мануша́, Миро лав тэ шарэ́н и тэ барьякирэ́н Ман; нэ ёнэ на шундлэ́.

Biblija - Pe Baltitko Romani čib (Romanes) 2019

¹¹ Pal-dová so syr kustýk uhtylelape zoralés (isyn paštó) ke pe manušéskiro trušúl, adiáke-pac' Me kerdjom, sob (kaj) saró Izrailjoskiro kher i saró Judejákiro kher te uhtylenpe zoralés ke Me, sob (kaj) jone moginénas te javél Miré manušá, Miro lav te šarén i te barjakirén Man; ne jone na šundlé.

Ереме́ё 13:11 Referans Kwoze

Ереме́ё 33:9

Тэ́ньци лав ‘Ерусалимо’ явэ́ла тэ радынэл манушэ́н, ёнэ явэ́на тэ шарэ́н лэс, и тэ дэн паты́в анги́л сарэ́ Наюдытконэ́ нацыендэ пир пхув, савэ́ явэ́на тэ шунэ́н пал саро́ лачхипэ́н, со Мэ кэрдём лэ́нгэ: и ёнэ явэ́на тэ дарэ́н, и тэ издран сарэ́ лачхипнастыр и сарэ́ миштыпна́стыр, со Мэ кэра́ва далэ́ фороскэ.”

Isajos 43:21

Дава́ народо Мэ создыём ваш Пэ́скэ; ёв дэ́ла паты́в Ма́нгэ.

Psalmy 81:11

Мэ сом Рай Дэвэ́л, Тыро́ Дэвэ́л, Саво́ вылыджия́ тут Египто́скирэ пхувья́тыр: отпхандэ буґлэс Тыро́ муй и Мэ пхэрдякирава лэс.

1 Petr 2:9

Нэ тумэ́ сан выкэдынэ́ бияныпнастыр, кралитка рашая́, свэ́нта мануша́ Дэвлэ́скирэ миштыпна́стыр, соб (кай) тэ выпхэнэн лачхипэ́н пал Лэ́стэ, Саво́ кхардя́ тумэн калыпна́стыр дро дивно Лэ́скиро дуд (свэ́то);

Ереме́ё 32:20

Ту кэрдя́н ґэртыка и ди́вы пэ пхув Египто́скири, и кэрэ́са кэ ададывэ́с и дро Израилё и машки́р явирэ манушэ́ндэ, и Ту кэрдя́н Пэ́скэ лав, саво́ ёв исын ададывэ́с.

Ереме́ё 13:10

Кадалэ́ бибахталэ́ мануша́ отпхэндлэпэ тэ шунэ́н Мирэ́ лава́, ёнэ дживэ́на пир пэ́скирэ пхарэ́ илэ, и ёнэ псирэ́на тэ кэрэ́н паты́в явирэ дэвлорэ́нгэ и тэ дынаринэ́н лэ́нгэ, и лэ́нца явэ́ла дова́, со кэрдя́пэ далэ́ кустыкаса.

Ереме́ё 7:26

нэ ёнэ на кандынэ́ Ман, и ёнэ на причхудэ кан тэ шунэ́н, нэ ёнэ пхарьякирдэ пэ́скирэ мэня. Ёнэ кэрдэ́ фуеды́р пэ́скирэ дадэндыр.

Ереме́ё 6:17

Рай Дэвэ́л адя́кэ-паць чхудя́ стрэгарьен (ракхибнарьен) ваш адалэ́ манушэ́нгэ: “Шунэ́н рогоскири зан!” Нэ ёнэ пхэндлэ́: “Амэ на ява́са тэ шунас.”

Isajos 62:12

И кхарэ́на лэн свэнтонэ́ народоса, саво́ Рай Дэвэ́л выкиндя, а тут кхарэ́на фороса, саво́ Рай Дэвэ́л зракхця́, на ячкирдэ́ фороса.”

Psalmy 147:20

[9] Ёв на кэрдя́ адя́кэ ни екхэ Наюдытконэ́ нацыякэ, пал-дова́ со ёнэ на джинэ́на Лэ́скирэ чачипэна́. Аллилуя!

Psalmy 135:4

Ёв выкэдыя́ Яково́с ваш Пэ́скэ, а Израилё сыр Пэ́скиро миштыпэ́н.

Яви́р Зако́но 26:18

И Рай Дэвэ́л ададывэ́с чхудя́ Лэ́скири зор пэ дава́, сыр Ёв дыя́ лав ту́кэ, со ту явэ́са екхэ Лэ́скирэ манушэ́ндыр, ко́ли ту явэ́са тэ ракхэ́с сарэ́ Лэ́скирэ припхэныбэна́,

Яви́р Зако́но 4:7

Пал-дова́ со, ци исын савэ́ барэ́ мануша́, кэ савэ́ дэвэла́ лэ́скирэ тэ явэ́н бы адя́кэ пашы́л, сыр пашы́л кэ амэ Рай Дэвэ́л, амаро́ Дэвэ́л, ке́ли амэ кхараса Лэс?

Luka 10:11

‘Пхув, со ячяпэ пэ амарэ́ ґэра́, тумарэ́ форо́стыр амэ тринскираса тумэ́нгэ; нэ джинэ́н, со Дэвлэ́скиро Кралипэ́н явдя́ пашылэды́р кэ тумэ́.’”

Ереме́ё 7:13

И акана́, пал-дова́ со тумэ́ кэрдэ́ сарэ́ далэ́ бутя́, – пхэндя́ Рай Дэвэ́л, – и мэк Мэ и ракирдём тумэ́нгэ, сыр Мэ уштавас тася́рлэс (ра́нэс) пэ зло́ко (фра́нсо) и Мэ пхэндём, нэ тумэ́ на шундлэ́ Ман, и Мэ кхардём тумэн, нэ тумэ́ на отпхэндлэ́ Ма́нгэ:

Ереме́ё 7:23

Нэ, акэ, со Мэ припхэндём лэ́нгэ, пхэни́: “Шунэ́н мири́ зан и Мэ ява́ва тумаро́ Дэвэ́л, и тумэ́ явэ́на Мирэ́ мануша́. И дживэ́н адя́кэ, сыр Мэ припхэндём тумэ́нгэ, соб (кай) тэ явэ́л миштэ́с тумэ́нгэ.”

Ереме́ё 7:24

Нэ ёнэ на кандынэ́, и ёнэ на причхудэ кан тэ шунэ́н, нэ ёнэ дживдэ́ пир пэ́скири годы́, пир пэ́скирэ пхарэ́, бибахталэ́ илэ, и ёнэ рисинэ́ думэса, а на мо́са кэ Мэ.

Ереме́ё 13:1

Адя́кэ пхэндя́ ма́нгэ Рай Дэвэ́л: “Джа́ и кин пэ́скэ кусты́к ґандладэстыр (лёностыр), и причху́в ла пашы́л пэ́скиро трушу́л (маса́); нэ на бол ла дрэ пани́.

Ереме́ё 13:12

“И ту, Ереме́ё, пхэн лэ́нгэ дава́ лав: ‘Адя́кэ ракирэ́ла Рай Дэвэ́л, Дэвэ́л Израилёскиро: ‘Кажно гоно́ пхэрдякирэна моляса (виноса).’’ Ёнэ пхэнэ́на ту́кэ: ‘Ци амэ на джина́са, со кажно гоно́ пхэрдякирэна моляса’?

Amoso 3:1

Шунэ́н дава́ лав, со Рай Дэвэ́л пхэндя́ проти тумэ́ндэ, чхавора́лэ Израилёскирэ, проти саро́ кхэри́тко ро́до, саво́ Мэ вылыджиём Египто́скирэ пхувья́тыр, ракири́:

Яви́р Зако́но 26:19

и со ёв чхувэ́ла тут вучэды́р сарэ́ манушэ́ндыр, савэ́н Ёв создыя́, пир барипэ́н, пир лав и пир паты́в, и со тумэ́ явэ́на свэ́нта мануша́ Растэ-Дэвлэ́стэ, Дэвлэ́стэ тырэстэ, сыр Ёв ракирдя́.”

Ереме́ё 19:15

Адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: “Акэ, Мэ яна́ва биба́хт [бари би́да-р.с.] пэ дава́ фо́ро и сарэ́ лэ́скирэ форицы, пэ савэ́ Мэ припхэндём биба́хт, пал-дова́ со ёнэ пхарьякирдэ пэ́скирэ мэня, соб (кай) лэ́нгэ тэ на шунэ́н мирэ́ лава́.”