Ереме́ё 12:8 - Библия - Пэ Балтитко Романи чиб (Романэс) 2019

⁸ Миро миштыпэ́н – Мирэ́ мануша́, ячнэ́ сыр шчэр (ле́во) дро вэш, ёнэ ґаздынэ́ пэ́скири зан пэ Ма́ндэ, палдава́ Мэ нашты́ тэ дыкха́в пэ лэ́ндэ.

Biblija - Pe Baltitko Romani čib (Romanes) 2019

⁸ Miro mištypén – Miré manušá, jačné syr ščer (liévo) dro veš, jone ĥazdyné péskiri zan pe Mánde, paldavá Me naštý te dykháv pe lénde.

Ереме́ё 12:8 Referans Kwoze

Amoso 6:8

Рай Дэвэ́л совлахадя́ Пэ́са, янголэ́нгирэ-болыбна́скиро Дэвэ́л, Рай Дэвэ́л и ракирэ́ла адя́кэ: “Ма́нгэ исын джунгало́ (брытко), со пхутёла Яково, и Мэ бидыкхава лэ́скирэ барэ́ фэлатиня́ (колова́); палдава́ Мэ выдава лэ́скиро фо́ро и саро́, со исын дрэ лэ́стэ.”

Osija 9:15

Рай Дэвэ́л ракирэ́ла: ‘Саро́ лэ́нгиро фуипэ́н исын дро Галга́ло, пал-дова́ со одо́й Мэ лыём зоралэ́с тэ на вырикирав лэн: пир дова́ фуипэ́н, со ёнэ кэрдэ́, Мэ традава криг лэн Мирэ́ кхэрэ́стыр, Мэ на ява́ва буты́р тэ прилав лэн. Лэ́нгирэ сарэ́ тхага́рья (кня́зи) бунтынэна.

Заха́рия 11:8

И Мэ хасякирдём тринэн чхупнарьен дро екх чхон; и одрисия ди Миро лэ́ндыр, сыр лэ́нгиро ди одрисия Ма́ндыр.

Ереме́ё 51:38

Ёнэ, Халдеи, явэ́на тэ брилинэн (тэ ревинэн) сыр шчэра́ (левы), ёнэ явэ́на тэ рычынэн сы́рбы шчэрэнгирэ тыкнорэ.

Ереме́ё 2:15

Тэрнэ́ шчэра́ (левы) рыкинэна пэ Израилё и ёнэ брилинэна; ёнэ кэрдэ́ Израилёстыр чхучи́ (пусто) пхув; лэ́скирэ фо́рья хачкирдэ́ и нико́н на дживэ́ла одо́й.

Isajos 59:13

Амэ парудям Ра́скэ-Дэвлэ́скэ и хохадям; отгиям амарэ́ Дэвлэ́стыр; амэ ракирасас хохаибэ́н и пал паруибэн; амарэ́ илэ́стыр выджа́нас хоханэ́ лава́.

Езэкилё 23:18

Ке́ли ж ёй откэрдэ́с (явнэс) лыя́ тэ кэрэ́л пэ́скиро биладжакиро рэ́ндо, и отчхакирдя́ пэ́скиро нангипэ́н, тэ́ньчи отгия́ ла́тыр Миро ило́, сыр отгия́ Миро ило́ ла́кирэ пхэнятыр.

Mihiejo 2:8

“На΄гара тумэ́, кон са́нас Мирэ́ мануша́, ґаздынэ́пэ сыр вэ́рги проти Ма́ндэ – тумэ́ злэна зорья́са упратуно урибэ́н и тэлатуны и́дя манушэ́ндыр, савэ́ джа́на пашы́л бидаракирэс, савэ́ рисёна марибнастыр.