Ереме́ё 12:7 - Библия - Пэ Балтитко Романи чиб (Романэс) 2019

⁷ Мэ мэкцём Миро кхэр, Израилё, Мэ чхурдыём Миро миштыпэ́н, Мэ отдыём Мирэ́ дрогонэ́ манушэ́с дрэ васта́ вэргэ́нгэ.

Biblija - Pe Baltitko Romani čib (Romanes) 2019

⁷ Me mekcjom Miro kher, Izrailjo, Me čhurdyjom Miro mištypén, Me otdyjom Miré drogoné manušés dre vastá vergénge.

Ереме́ё 12:7 Referans Kwoze

Isajos 2:6

Нэ ту ячкирдян тыро́ народо, кхэр Яково́скиро, пал-дова́ со ёнэ бут пирилынэ вастоко́стыр: мануша́, савэ́ исын чораханэ-подпхэныбнаскирэ, исын лэ́ндэ, сыр кэ Филистимля́ни, чужонэ́ чхавэ́нца ёнэ кэрэ́на кхэтанэ́ рэ́нды.

Ереме́ё 11:15

Со ж трэй мирэ́ пирамнэскэ (камлэскэ) дро Миро кхэр, ко́ли ёй ада́кицы бут кэрэ́ла биладжакунэ́ рэ́нды? И свэ́нто мас ваш яныбэ́н гия́ криг ту́тыр? Ко́ли ту кэрэ́са биба́хт, тэды ту радынэсапэ.”

Osija 9:15

Рай Дэвэ́л ракирэ́ла: ‘Саро́ лэ́нгиро фуипэ́н исын дро Галга́ло, пал-дова́ со одо́й Мэ лыём зоралэ́с тэ на вырикирав лэн: пир дова́ фуипэ́н, со ёнэ кэрдэ́, Мэ традава криг лэн Мирэ́ кхэрэ́стыр, Мэ на ява́ва буты́р тэ прилав лэн. Лэ́нгирэ сарэ́ тхага́рья (кня́зи) бунтынэна.

Luka 21:24

И ёнэ пэрэ́на куртала́тыр и вари-савэ́н лэ́ндыр лыджа́на дро пле́но кэ яви́р на́цыи; и На́юды явэ́на тэ штакирэн Ерусалимо, пака ёнэ явэ́на тэ рикирэ́н зор.

Ioil 3:2

тэды Мэ адя́кэ-паць кэдава сарэ́ Наюды́тка на́цыи, и Мэ яна́ва лэн тэлэ́ пэ до́ло Иосафато́скиро, и Мэ ла́ва тэ сэндинавпэ лэ́нца одо́й пал Мирэ́ манушэ́ндэ, Миро миштыпэ́н – Израилё, савэ́н ёнэ росчхудэ тэ дживэ́н машки́р Наюды́тка на́цыи, и ёнэ роскэрдэ Мири́ пхув.

Ioil 2:15

Пхурдэ́н зоралэ́с дро ро́го (трамбура) пэ Сио́но, подэн звесь (зан) пал свэ́нто посто, кхарэ́н тэ явэ́н пэ свэ́нто скэдыибэ́н,

Езэкилё 24:21

‘Пхэн Израилёскирэ кхэрэ́скэ: адя́кэ ракирэ́ла Рай Дэвэ́л, Дэвэ́л: ‘Акэ, Мэ отда́ва пэ магирипэ́н Миро свэ́нто штэ́то, саво́ пхэрдэ́с дэ́лас тумэ́нгэ зор, саво́ радынэлас тумарэ́ якха́ и тумаро́ ило́, а тумарэ́ чхавэ́ и тумарэ́ чхая́, савэ́н тумэ́ ячадэ, хасёна куртала́тыр.

Ереме́ё 51:5

Пал-дова́ со Рай Дэвэ́л, болыбна́скирэ-янголэ́нгиро, на ячкирдя́ Пэскирэн: ни Юдас, ни Израилё, на дыкхи́ пэ дава́, со лэ́нгири пхув исыс пхэрды́ грэхэ́нца проти Израилёскирэ Свэнтонэстэ.

Ереме́ё 7:29

Обчхин тырэ́ бала́, шукарни Ерусалимо́стыр, и чхурдэ криг лэн, и ров пэ вучэ́ штэ́ты, пал-дова́ со Рай Дэвэ́л на прилыя́ и мэкця́ ро́до, саво́ зоралэ́с холякирдя Лэс.

Ереме́ё 7:14

палдава́ Мэ кэра́ва далэ́ Мирэ́ кхэрэса, савэ́скэ тумэ́ зоралэ́с допатяна, и штэтоса, со Мэ дыём тумэ́нгэ и тумарэ́ дадэ́нгэ, дова́-паць, сыр Мэ кэрдём Силомоса.

Ереме́ё 14:19

Раё Дэ́вла! Ци сарэ́са Ту отпхэндямпэ Юдэя́тыр? Ци Тырэ́ дескэ яця́ джунгало́ Сионо́стыр? Со́скэ Ту адя́кэ пэкадян амэн, со нанэ састякирибэн амэ́нгэ? Амэ родаса рама́нё, нэ нанэ лачхипэ́н, часо тэ састякираспэ, и, акэ, екх трашаибэ́н (дар).

Ереме́ё 17:4

И тумэ́ кокорэ́ отдэна мэкно́ миштыпэ́н, саво́ Мэ отдыём тумэ́нгэ: и Мэ кэра́ва адя́кэ, со тумэ́ явэ́на тэ дынаринэ́н тумарэ́ вэргэ́нгэ пэ пхув, сави́ тумэ́ на джинэ́на: пал-дова́ со тумэ́ росхачкирдэ Мирэ́ – холякири яг; ёй явэ́ла тэ хачол пэ сарэ́ ве́ки.

Ереме́ё 23:33

“Палдава́, ке́ли адалэ́ мануша́, ци проро́ко, ци раша́й пхучэна ту́тыр, пхэни́: ‘Сави́ исын пхари́ звесь (зан) Ра́стыр-Дэвлэ́стыр?’ – тэды ту, Ереме́ё, пхэнэ́са лэ́нгэ: ‘Тумэ́ кокорэ́ сан пхари́ звесь (зан) Растэ-Дэвлэ́стэ адя́кэ, со Рай Дэвэ́л камэ́ла тэ отпхэнэлпэ тумэ́ндыр.’

Ереме́ё 23:39

палдава́, акэ, Мэ адя́кэ-паць и бистрава тумэн, и Мэ мэкава тумэн сарэ́са, и фо́ро, Ерусалимо, саво́ Мэ дыём тумэ́нгэ и тумарэ́ дадэ́нгэ, и Мэ вычхурдава тумэн Мирэ́ мо́стыр.

Osija 11:1

Пэ зло́ко (пэ ра́нко) кра́ли Израилёскиро хасёла! ‘Сыр Израилё сыс бия́то, ёв яця́ дро́го Ма́нгэ, и Мэ кхардём Мирэ́ чхавэ́с Египто́стыр.

Яви́р Зако́но 33:12

Пал Вениаминостэ пхэндя́: “Ра́скирэ-Дэвлэ́скиро дро́го чхаво́ дживэ́ла Лэ́стэ бидаракиро, Рай Дэвэ́л дэ́ла васт (помогинэла) лэ́скэ кажно дывэ́с, и ёв откинёла машки́р Лэ́скирэ ме́жы.”

4 Kralip 21:14

И Мэ отрискирава ячаибэ́н (остатко) Мирэ́ миштыпнаскирэ мератыр, и Мэ отда́ва лэн дрэ лэ́нгирэ вэргэ́нгирэ (врогэнгирэ) васта́, и ёнэ явэ́на тэ откэдэн саро́ лэ́ндыр сарэ́ лэ́нгирэ вэ́рги.”

Psalmy 78:62

И Ёв адя́кэ-паць отдыя́ тэл курта́ла Лэ́скирэ манушэ́н и сыс холямо́ пэ Лэ́скирэ чхавэ́ндэ:

Psalmy 106:40

Палдава́ Ра́скирэ-Дэвлэ́скири холы́ росхачия пэ Лэ́скирэ манушэ́ндэ и ёнэ ячнэ́ джунгалэ́ (збрыдиндлэ) Лэ́скэ, сыр лэ́скиро мэкно́ миштыпэ́н.

Ереме́ё 22:5

Нэ ко́ли тумэ́ на шунэ́на далэ́ лава́, тэды Мэ совлахава пэ Пэ́стэ’, – ракирэ́ла Рай Дэвэ́л, – со дава́ Кхэр явэ́ла чхучо́.”