Ереме́ё 12:6 - Библия - Пэ Балтитко Романи чиб (Романэс) 2019

⁶ Пал-дова́ со ровно (адя́кэ-паць) и тырэ́ пша́ла, и тырэ́-дадэ́скиро кхэр, адя́кэ-паць и ёнэ обгинэпэ ту́са сыр бикиибнаскирья (бикиныбнарья), мэк ёнэ и дэ́на го́дла яври́ пал ту́тэ. На патя лэ́нгэ, мэк и ракирэ́на ёнэ лачхинька лава́ ту́кэ.

Biblija - Pe Baltitko Romani čib (Romanes) 2019

⁶ Pal-dová so rovno (adiáke-pac') i tyré pšála, i tyré-dadéskiro kher, adiáke-pac' i jone obginepe túsa syr bikiibnaskirja (bikinybnarja), mek jone i déna gódla javrí pal túte. Na patia lénge, mek i rakiréna jone lačhin'ka lavá túke.

Ереме́ё 12:6 Referans Kwoze

Pritčy 26:25

ке́ли ёв ракирэ́ла лачхэ́ заня́са (глосаса), нэ ту на патя, пал-дова́ со исын эфта́ (битринэ́нгиро дэш) налачхэ́ мысли дро лэ́скиро ило́.

Ереме́ё 9:4

Кажно (сва́ко) тэ рикирэ́лапэ ригаса пэ́скирэ малэстыр, и на допатя зоралэ́с дрэ пэ́скирэ пшалэ́стэ, пал-дова́ со кажно пшал заджа́ла фротымаса пэ дром явирэскэ, и кажно мал исын каля-кэрибнаскиро (плёткари).

Psalmy 12:2

Подэ васт, Раё Дэ́вла, дэвлы́тка мануша́ отгинэ́ сарэ́са, патяибнытконэ манушэ́н буты́р нанэ.

Матфеё 10:21

И пшал здэла пшалэ́с пэ мэрибэ́н, и дад пэ́скирэ чхавэ́с; и чхавэ́ ґаздэ́напэ пэ дадэндэ и мулякирэна лэн.

Ереме́ё 11:21

Палдава́ адя́кэ ракирэ́ла Рай Дэвэ́л пал муршэндэ Анатотостыр [Анафофостыр-р.с.], савэ́ камэ́на тэ мулякирэ́н ман, пхэни́ (ракири́): “Ту буты́р на ангилпхэн Ра́скирэ-Дэвлэ́скирэ лавэ́стыр, соб (кай) ту́кэ тэ на мэрэс амарэ́ вастэ́стыр.”

Ереме́ё 11:19

Нэ мэ со́мас сыр рахмано бакроро́, савэ́с лыджинэ́ тэ чхинэн; и мэ на джиндём, со ёнэ придуминдлэ фуипэ́н (биба́хт) пэ ма́ндэ, ракири́: “Явэ́н, хасякираса кашт лэ́скирэ пхабэнца, и явэ́н, чингираса дава́ кашт криг джидэ́ пхувья́тыр, соб (кай) буты́р тэ на рипирэ́н лэ́скиро лав.”

Apostolengiri Butý 18:12

Ке́ли дрэ Ахая сыс балунитко (проконсуло) Галионо, Юды ґаздынэ́пэ проти Павлистэ и яндлэ́ лэс пэ сэ́ндо,

Ереме́ё 20:10

Пал-дова́ со Мэ шундём, сыр бут розлыджана бэдо сла́ва: ‘Траш исын пэ кажно риг’: ‘Мэк ёв пхэнэ́ла вари-со’, – ёнэ ракирэ́на, – и амэ здаса (пхукаваса) лэс.’ Сарэ́, кон сыс сы́рбы пэ мири́ риг, дыкхэ́на цямкэс, соб (кай) мэ тэ обштававпэ, и пхэнэ́на: ‘Амэ, хачи, затырдаса лэс, тэ́ньчи амэ ла́са упралыпэ́н пэ лэ́стэ, и амэ отхаса (отдаса) палэ лэ́скэ (кушаса холы́ пэ лэ́стэ!)’”

Psalmy 69:8

Пал Ту́тэ ман обракирэнас, ладжаипэ́н чхакирдя миро муй.

Ióvo 6:15

Мирэ́ пша́ла обгинэпэ ма́нца хоханэ́с сы́рбы рэ́кица (лэнори́), сы́рбы рэкицэнгиро тхадыипэн, со лыджа́ла пани́ дурэды́р,

Joannostir 7:5

(Пал-дова́ со Лэ́скирэ пша́ла адя́кэ-паць на патяндынэ́ дрэ Лэ́стэ).

Marko 12:12

И ёнэ родэнас саштыпэн тэ ухтылэл Лэс, нэ дара́ндынэ манушэ́ндыр, пал-дова́ со ёнэ ґалынэ́, со Ёв ракирдя́ дава́ приме́ро (сыкаибэ́н) пал лэ́ндэ; ёнэ мэкнэ́ Лэс и гинэ́ криг.

Isajos 31:4

Пал-дова́ со адя́кэ пхэндя́ ма́нгэ Рай Дэвэ́л: “Сыр шчэр (ле́во), сыр лэ́скиро тыкноро, саво́ на отдэ́ла пэ́скиро дорэсыбэ́н (добыча), мэк и годлэн пэ лэ́стэ чхупна́рья, адя́кэ Рай Дэвэ́л, болыбна́скирэ-янголэ́нгиро, джа́ла тэ марэ́лпэ пал бэ́рга Сио́но, пал бэ́ргица лэ́скири.

Apostolengiri Butý 16:22

Мануша́ адя́кэ-паць ґаздынэ́пэ проти Павлистэ и Силастэ; и сэнда́рья рискирдэ́ лэ́ндыр и́ди, пхэндлэ́ тэ марэ́н лэн каштэнца.

Ереме́ё 9:2

О, тэ явэ́л Ма́нгэ штэ́то пэ чхучи́ пхув сыр дромэскирэскэ (путникоскэ), соб (кай) Мэ могинавас тэ мэкав Мирэ́ манушэ́н, и тэ джав пэ́скэ лэ́ндыр. Ёнэ сарэ́ исын биладжаипнарья, биладжаипэ́н-кэрибнаскирэ (прелюбодеи), ёнэ исын скэдынэ́ ваш здыибнаскирэ манушэ́нгэ.

Ереме́ё 9:5

Кажно лэ́ндыр хохавэла пэ́скирэ пашатунэс, и на ракирэ́ла патяибэ́н: ёнэ высыклякирдэ пэ́скирэ чиба́ тэ ракирэ́н хохаибэ́н, и ёнэ кхинякирэна пэс, кэри чорипэ́н.

Psalmy 12:3

Ёнэ ракирэ́на хоханэ́ лава́ екх екхэ́скэ, нанэ патяибэ́н лэ́нгирэ чибатыр, биладжаипнытка исын лэ́нгирэ ду́мы.

Pritčy 23:8

Котэ́р (куско) марэскиро, со ту хаян, ту вычхадэса, и ту нашавэса тырэ́ куч лава́.

Ереме́ё 9:3

И ёнэ бандякирэна пэ́скирэ чиба́ тэ хохавэн сы́рбы лу́ко, нэ ёнэ на бидарипнаскирэ ваш патяибэ́н пэ пхув: пал-дова́ со ёнэ пириджана екхэ бибахтятыр (холя́тыр) кэ яви́р, нэ ёнэ на джинэ́на Ман, – ракирэ́ла Рай Дэвэ́л.