Ереме́ё 12:3 - Библия - Пэ Балтитко Романи чиб (Романэс) 2019

³ Нэ Ту, Раё Дэ́вла джинэ́са ман: Ту дыкхця́н ман и Ту спробиндян миро ило́ кэ Ту. Тырдэ криг лэн сыр бакрэ́н тэ зачхинэн, и чхув дрэ риг лэн ваш дывэ́с тэ зачхинэн лэн.

Biblija - Pe Baltitko Romani čib (Romanes) 2019

³ Ne Tu, Rajo Dévla džinésa man: Tu dykhcián man i Tu sprobindian miro iló ke Tu. Tyrde krig len syr bakrén te začhinen, i čhuv dre rig len vaš dyvés te začhinen len.

Ереме́ё 12:3 Referans Kwoze

Ереме́ё 17:18

Мэк тэ явэ́н ладжакирдэ́ кодолэ́, савэ́ традэ́на ман, мэк ёнэ тэ замэрэн дара́тыр, нэ на домэк, соб (кай) мэ тэ явав ладжакирдо́. Нэ на домэк, соб (кай) ма́нгэ тэ замэрав дара́тыр. Ян пэ лэ́ндэ бибахтало́ дывэ́с. Пхагир лэн кэ хасибэ́н дуй мо́лы.”

4 Kralip 20:3

“О, Раё Дэ́вла! Пририпир, со мэ псирдём анги́л муй Тыро́ чачунэ́с и чачунэса кэ Ту илэ́са, и кэрдём лачхэ́с дрэ якха́ Тырэ́.” И зарондя Езэки́я зоралэ́с.

Jakov 5:5

Тумэ́ дживдэ́ дро барвалыпэ́н пэ пхув ваш пэ́скирэ-масэ́нгиро камибэн; тумэ́ чалякирдэ тумаро́ пэр пэ хасякирибэн;

Psalmy 17:3

Ту спробиндян миро ило́, Ту явдя́н кэ мэ раты́: Ту розґалыян ман и Ту на лахтян нисо́: миро муй на пхэнэ́ла чорипэ́н.

Ереме́ё 50:27

Чхинэн сарэ́ ла́кирэ гурувэ́н: мэк ёнэ сарэ́ тэ джа́н тэл чхури! Бида пэ лэ́ндэ! Лэ́нгиро дывэ́с явдя́, соб (кай) лэн пхарэ́с тэ сэндякирэн.

Psalmy 139:23

Роздыкх лачхэ́с ман, о Дэ́вла и уджин миро ило́; спробин ман и уджин, со мэ думинава;

Psalmy 26:1

Давидо́скиро Пса́лмо. Приґалёв миро набангипэн пэ сэ́ндо, Раё Дэ́вла, пал-дова́ со мэ лыджиём лачхо́ джиибэ́н, мэ адя́кэ-паць патяндыём дрэ Растэ-Дэвлэ́стэ и мэ на обштававаспэ.

Joannostir 21:17

И три́то мо́ло ракирэ́ла лэ́скэ Ису́со: “Симоне, Ианоскиро чхаво́! Ци сом Мэ дро́го Ту́кэ?” Пэ́три яця́ смэнтно, со дро три́то мо́ло Ису́со пхэндя́ лэ́скэ: “Ци сом Мэ дро́го ту́кэ?”, и ёв пхэндя́ Исусо́скэ: “Раё Дэ́вла! Ту саро́ джинэ́са; Ту джинэ́са, со Ту сан дро́го ма́нгэ.” Ису́со ракирэ́ла лэ́скэ: “Чара́в Мирэ́ бакрэ́н.

Ереме́ё 51:4

И мулякирдэ́ мэк тэ пэрэ́н пэ пхув Халдее́нгири, и кодолэ́, савэ́н пропхусадэ, пэ лэ́скирэ га́сы.

Ереме́ё 48:15

Моа́во ж исын розмардо дрэ руи́ны, и лэ́скирэ форье́ндыр джа́ла тхув, а лэ́скирэ выкэдынэ́ мануша́ гинэ́ тэл курта́ла пэ мэрибэ́н тэ чхинэн лэн, – ракирэ́ла Кра́ли, Конэ́скиро Лав исын Рай Дэвэ́л, болыбна́скирэ-янголэ́нгиро.

Ереме́ё 20:12

Нэ Ту, болыбна́скирэ-янголэ́нгиро Рай Дэвэ́л, Кон спробинэла чачунэн, Кон дыкхэ́ла годы́ и ило́, дэ ма́нгэ тэ дыкха́в, сыр Ту дукхавэса палэ лэн, пал-дова́ со Ту́кэ мэ выпхэндём (допатяндыём) миро рэ́ндо.

Psalmy 11:5

Рай Дэвэ́л пропатякирэла чачунэ́ манушэ́с, и фуе́ манушэ́с; Ёв на сыкавэ́ла ла́ска одолэ́скэ, саво́ исын вэргитко.

Psalmy 7:9

Рай Дэвэ́л явэ́ла тэ сэндякирэ́л на́цыи. Сэндя́кир ман, Раё Дэ́вла, пир миро чачипэ́н, пир дова́, со нанэ банг ма́ндэ.

Ióvo 23:10

Нэ Ёв джинэ́ла дром, савэ́са мэ джа́ва, и Ёв пропатякирдя ман и мэ выджава сыр сувнака́й.

1 Паралипоменоно 29:17

Джино́м, миро Дэ́вла, со Ту спробинэса ило́ и камэ́са жужэилыткима; мэ жужэ́ (чыстонэ) илэ́стыр мирэстыр дыём саро́ дава́, и акана́ мэ дыкха́ва, со и Тырэ́ мануша́ адя́кэ-паць, савэ́ ада́й исын, радыма́са янэ́на Ту́кэ.

2 Petr 2:12

А кадалэ́ мануша́ исын сы́рбы бигодякирэ мурдала́, савэ́ на ракирэ́на, савэ́ бия́ндынэ, соб (кай) лэн тэ ухтылэ́н и тэ замарэ́н; ёнэ калякирэна дова́, со кокорэ́ на джинэ́на, и адя́кэ-паць сы́рбы мурдала́, ёнэ и хасёна,

Ереме́ё 15:15

Тэ́ньци Мэ пхэндём: “Раё Дэ́вла! Ту джинэ́са саро́: ри́пир ман и подэ васт ма́нгэ, отдэ́ палэ холынаса одолэ́нгэ, савэ́ традэ́на ман: на закэдэ ман криг пир Тыри́ баро́ вырикирибэн (те́рпима): джин, со Мэ лыджа́ва ладж пэ пэ́стэ пал Ту́тэ.

Ереме́ё 17:16

Нэ мэ на со́мас сыго тэ явав чхупнариса (пастырёса), соб (кай) тэ джав пал Ту́тэ. Адя́кэ-паць мэ на камдём, соб (кай) тэ явэ́л хасибны́тко дывэ́с: Ту джинэ́са дава́, со выгия́ мирэ́ уштэндыр, саро́ сыс анги́л Ту́тэ.