Ереме́ё 12:1 - Библия - Пэ Балтитко Романи чиб (Романэс) 2019

¹ Чачуно́ сан Ту, Рай Дэвэ́л, ко́ли мэ ява́ва тэ лыджав миро рэ́ндо Ту́са, мэк мэ тэ ракира́в пал Тыро́ чачипэ́н. Со́скэ да злыднитконэ манушэ́нгэ удэлапэ кэ миштыпэ́н? Со́скэ исын куч одолэ́нгэ, савэ́ исын бикиибнарья [нахрата-р.с.]?

Biblija - Pe Baltitko Romani čib (Romanes) 2019

¹ Čačunó san Tu, Raj Devél, kóli me javáva te lydžav miro réndo Túsa, mek me te rakiráv pal Tyró čačipén. Sóske da zlydnitkone manušénge udelape ke mištypén? Sóske isyn kuč odolénge, savé isyn bikiibnarja [nahrata-r.s.]?

Ереме́ё 12:1 Referans Kwoze

Малахия 3:15

И акана́ амэ дыкхаса и ракираса, со пхутькирдэ́ мануша́ исын бахталэ́, пал-дова́ со одолэ́, кон кэрэ́ла злыднима (фуипэ́н), дживэ́на фэды́р дывэ́с дывэсэ́стыр, и, чачо́, кодолэ́, савэ́ пропатякирэна Дэвлэ́с, ячэ́напэ джидэ́ [бидошакирэ-ю.о.].’”

Psalmy 92:7

Набарэ́-годя́киро ману́ш на джинэ́ла дава́, дылыно́ на галёла:

Psalmy 37:1

Давидо́скиро Пса́лмо. На́ дэ якхало́ (на́ зави́дын) зоралэ́с одолэ́нгэ, савэ́ кэрэ́на чорипэ́н, на́ зэ́влын (на́ ре́внин) кодолэ́нгэ, кон кэрэ́ла пэфроми фуипэ́н,

Дание́лё 9:7

Ту́тэ, Раё, исын чачипэ́н, и амэ́ндэ пэ муя́ исын ладж; сыр акана́, кажнонэ́ Юдостэ, сыр Ерусалимо́скирэ джиибнаскирьендэ, и кэ саро́ Израилё, дрэ пашатунэндэ и дуранэндэ, дрэ сарэ́ тхэма, карик Ту традыян лэн пало́ лэ́нгиро отгиибэн, савэ́са ёнэ отгинэ́ Ту́тыр.

Ióvo 12:6

Розмарибнытконэнгирэ ша́тры зяинэна миштыпнаса, и кодолэ́, савэ́ прэзэнтынэна Дэвлэ́с, дживэ́на бидаракиро, – дава́ дэ́ла лэ́нгэ Дэвэ́л Пэ́скирэ вастэ́са.

Avakumo 1:4

Пир дова́ Зако́но яця́ бизорья́киро (нашадя зор), и нанэ чачуно́ сэ́ндо. Фуй ману́ш пиризорьякирэла чачунэ́ манушэ́с, а сэ́ндо рискирэна, сыр камэ́на.

Psalmy 51:4

Вымо́р (хала́в) ман сарэ́са мирэ́ чорипна́стыр и жужакир ман мирэ́ грэхостыр.

Psalmy 37:35

Мэ дыкхцём фуе́ манушэ́с барэ́ зорья́са, саво́ розбарьёласпэ сы́рбы зэлэно кашт (дрэ́во) пэ пэ́скири куч пхув:

Софония 3:5

Нэ чачипна́скиро Рай Дэвэ́л исын машки́р дава́ фо́ро, Ёв на кэрэ́ла пир начачипэ́н. Кажно зло́ко Ёв янэ́ла Пэ́скиро чачипэ́н пэ дуд, лэс ухты́лла (до́си): нэ начачунэ мануша́ на джинэ́на ладжаипэ́н.

Ереме́ё 11:20

Нэ Ту, болыбна́скирэ-янголэ́нгиро Рай Дэвэ́л, Саво́ сэндинэла пир чачипэ́н; Саво́ спробинэла годы́ и ило́, мэк мэ тэ дыкха́в, сыр Ту отдэса палэ лэ́нгэ: пал-дова́ со Ту́кэ, Раё Дэ́вла, мэ допатяндыём миро рэ́ндо.

Ереме́ё 12:6

Пал-дова́ со ровно (адя́кэ-паць) и тырэ́ пша́ла, и тырэ́-дадэ́скиро кхэр, адя́кэ-паць и ёнэ обгинэпэ ту́са сыр бикиибнаскирья (бикиныбнарья), мэк ёнэ и дэ́на го́дла яври́ пал ту́тэ. На патя лэ́нгэ, мэк и ракирэ́на ёнэ лачхинька лава́ ту́кэ.

Ереме́ё 5:11

Сарэ́ джинэ́на, со Израилёскиро кхэр и Юдэя́киро кхэр ячкирдэ́ Ман сыр напатяибнытка, – ракирэ́ла Рай Дэвэ́л.

Ióvo 13:3

Нэ мэ камамас тэ ракира́в Сарэзорьякирэ Дэвлэ́са, и мэ древа́н кама́м тэ пириракирав причына Лэ́са пал мири́ би́да.

Е́здра 9:15

О, Раё Дэ́вла! Дэ́вла Израилёскиро, Ту сан чачипна́скиро! Ту ж ячкирдян амэн тэ джива́с, сыр дава́ исын кэ ададывэ́с. Акэ, амэ сам анги́л Ту́тэ амарэ́ чорипнаса; пал-дова́ со пал дова́ саро́ амэ́нгэ нашты́ тэ тэрдёвас анги́л Ту́тэ.”

Osija 6:7

Нэ ёнэ сыр Адамо пхагирдэ́ Завето; одо́й ёнэ ячадэ хоханэ́с Ман.

Isajos 48:8

Ту на шундя́н, и на джиндян пал дава́, тыро́ кан на сыс откэрдо, пал-дова́ со Мэ джиндём, со ту отпэрэса: ту хохавэса и ту сан бунтяри (отгиибнари) ишчо (инкэ́) да́кирэ лочовя́тыр.

Isajos 41:21

“Сыкавэ́н (пхэнэ́н) пал пэ́скиро рэ́ндо (де́ло)”, – ракирэ́ла Рай Дэвэ́л. “Подэн (янэ́н) тумарэ́ допхэныбэна”, – ракирэ́ла Кра́ли Яково́скиро.

Pritčy 1:32

Пал-дова́ со ёнэ хасёна, ке́ли ёнэ рисёна криг годыпнастыр и дылынэ́-манушэ́нгири нахратыма кокори хасякирэ́ла лэн.

Psalmy 145:17

Рай Дэвэ́л исын чачипна́скиро дро саро́, со Ёв кэрэ́ла и Ёв исын лачхо́ дро сарэ́ Лэ́скирэ рэ́нды (де́лы).

Psalmy 119:137

Ту сан чачипна́скиро, о Раё Дэ́вла, и Тырэ́ сэнды исын чачунэ́.

Psalmy 119:75

Мэ джино́м (джина́в), о Раё Дэ́вла, со Тыро́ сэ́ндо исын чачуно́, и со Ту тасадян ман пир Тыро́ чачипэ́н.

Яви́р Зако́но 32:4

Ёв исын зоралы́ Твардыма; Лэ́скирэ рэ́нды исын бидошэнгирэ, и сарэ́ дрома́ Лэ́скирэ исын чачунэ́. Дэвэ́л исын чачуно́, и нанэ начачипэ́н дрэ Лэ́стэ; Ёв исын чачуно́ и патяибны́тко.

Džiibén 18:25

Нашты́ тэ явэ́л, соб (кай) Ту тэ кэрэ́с адя́кэ, соб (кай) Ту тэ хасякирэс чачунэ́ манушэ́с кхэтанэ́ злыднитконэса, соб (кай) дова́-паць тэ явэ́л чачунэ́ манушэ́са; со и злыднитконэса; нашты́ тэ явэ́л Ту́тыр! Сэнда́ри сарэ́ пхувья́киро тэ кэрэ́л на пир чачипэ́н?”

Ниеми́я 9:33

Дро саро́, со амэ́нца кэрдя́пэ, Ту сан чачуно (право), пал-дова́ со Ту кэрдэн пир чачипэ́н и амэ сам бангэ́.

Psalmy 116:5

Рай Дэвэ́л исын лачхэ́-дескиро и чачипна́скиро, и амаро́ Рай Дэвэ́л исын лачхэ́-илэ́скиро.

Ekliesiastos 8:14

Дава́ исын харныпэ́н, со кэрэ́лапэ пэ пхув: чачунэ́ манушэ́нца кэрэ́лапэ дова́, со треиндя тэ явэ́л фуе́ манушэ́нца пир лэ́нгири буты́; и исын фуй мануша́, конэса кэрэ́лапэ дова́, со трэиндя́ тэ явэ́л чачунэ́ манушэ́нгэ пир лэ́нгири буты́. Мэ пхэндём, со дава́ исын адя́кэ-паць харныпэ́н.

Ереме́ё 3:7

И пало́ дова́, сыр Израилё кэрдя́ саро́ дава́, Мэ пхэндём: “Рисёв кэ Мэ.” Нэ ёв на рисия́. И лэ́скири здыибнаскири пхэн Юдэ́я дыкхця́ дава́.

Ереме́ё 3:20

Нэ ту, Израиле, сы́рбы напатяибнытко ромны́, сави́ дурьёла пэ́скирэ ромэстыр, адя́кэ-паць тырэ́ мануша́ мэкнэ́ Ман!

Ереме́ё 9:2

О, тэ явэ́л Ма́нгэ штэ́то пэ чхучи́ пхув сыр дромэскирэскэ (путникоскэ), соб (кай) Мэ могинавас тэ мэкав Мирэ́ манушэ́н, и тэ джав пэ́скэ лэ́ндыр. Ёнэ сарэ́ исын биладжаипнарья, биладжаипэ́н-кэрибнаскирэ (прелюбодеи), ёнэ исын скэдынэ́ ваш здыибнаскирэ манушэ́нгэ.

Ереме́ё 32:16

И пало́ дова́ (коригэды́р) мэ дыём киныбнытко лыл Варухоскэ (Барухоскэ), Нирияскирэ чхавэ́скэ, и мэ мангдёмпэ Ра́скэ-Дэвлэ́скэ, ракири́:

Roiben 1:18

Рай Дэвэ́л исын чачипна́скиро, пал-дова́ со да мэ кэрдём бу́нто пэ Лэ́скирэ припхэныбэна́. Шунэ́н, какана́, сарэ́ манушыпнаскирэ на́цыи, и, ґа́да, мэ пыём дро ду́хо (фа́но), а мэ, мирэ́ чхая́ и мирэ́ тырнэ мануша́ гинэ́ дро пле́но.

Езэкилё 18:25

Нэ тумэ́ пхэнэ́на: “Нанэ чачипэ́н дро Ра́скирэ-Дэвлэ́скиро дром!” Шунэ́н акана́, Израилёскиро кхэр! Со дро миро дром нанэ чачипэ́н? Дрэ тумарэ́ дрома́ нанэ чачипэ́н:

Ióvo 8:17

ла́кирэ ко́рни (рукха́) кхувэнапэ трусця́л барэнгири бэ́ргица, ёнэ промарэна штэ́то машки́р бара́.

Ióvo 24:12

Э мануша́ дэ́на ґондя́ годла́са форо́стыр, и дукхадэ дия́ годлякирэна; – нэ Дэвэ́л на причхинэла банг фуе́ манушэ́нгэ пал грэхи́тка рэ́нды.

Ióvo 24:23

Дэвэ́л дэ́ла лэ́нгэ ракхибэн, пэ саво́ ёнэ розгинэна, нэ Лэ́скирэ якха́ дыкхэ́на пэ лэ́нгирэ дрома́.

Psalmy 51:6

Анги́л Ту́тэ, Екхэ́стэ, мэ кэрдём грэ́хо и кэрдём фуипэ́н анги́л Тырэ́ якха́. И чачуно́ явэ́ла Тыро́ ракирибэ́н и патяибны́тко явэ́ла Тыро́ сэ́ндо.

Дание́лё 9:14

Палдава́ приракхця о Рай Дэвэ́л кадасави би́да и бичхадя́ ла пэ амэ́ндэ; пал-дова́ со чачуно́ исын Рай Дэвэ́л амаро́ дро сарэ́ Лэ́скирэ рэ́нды, Савэ кэрэ́ла, нэ амэ на кандыям зан Лэ́скири.

Малахия 2:17

Тумэ́ кхинякирдэ [холякирэна-р.с.] кэ холы́ Рас-Дэвлэ́с тумарэ́ лавэ́нца, ке́ли пхучэна тумэ́: “Со́са амэ кхинякирдям Лэс?” Акэ, ке́ли тумэ́ ракирэ́на: “Кажно (сва́ко), кон кэрэ́ла биба́хт (холы́), исын лачхо́ ваш Ра́скэ-Дэвлэ́скэ, и Ёв древа́н радынэ́лапэ лэ́ндыр,” ці, “Кай исын чачипна́скиро Дэвэ́л?”