Biblia Todo Logo
Bib sou entènèt

- Piblisite -




Ереме́ё 11:8 - Библия - Пэ Балтитко Романи чиб (Романэс) 2019

8 Нэ ёнэ на кандынэ́, ёнэ на причхудэ кан, а кажно (сва́ко) лэ́ндыр кэрдя́ пир нахратыма лэ́нгирэ бибахталэ́ илэндыр: и Мэ яна́ва пэ лэ́ндэ сарэ́ лава́ кадалэ́ Законо́стыр, савэ́ Мэ припхэндём лэ́нгэ тэ выпхэрдякирэн (тэ сполнинэн), нэ ёнэ дава́ на кэрдэ́.

Gade chapit la Kopi

Biblija - Pe Baltitko Romani čib (Romanes) 2019

8 Ne jone na kandyné, jone na pričhude kan, a kažno (sváko) léndyr kerdiá pir nahratyma léngire bibahtalé ilendyr: i Me janáva pe lénde saré lavá kadalé Zakonóstyr, savé Me priphendjom lénge te vypherdiakiren (te spolninen), ne jone davá na kerdé.

Gade chapit la Kopi




Ереме́ё 11:8
31 Referans Kwoze  

Нэ ёнэ на кандынэ́, и ёнэ на причхудэ кан тэ шунэ́н, нэ ёнэ дживдэ́ пир пэ́скири годы́, пир пэ́скирэ пхарэ́, бибахталэ́ илэ, и ёнэ рисинэ́ думэса, а на мо́са кэ Мэ.


нэ ёнэ на кандынэ́ Ман, и ёнэ на причхудэ кан тэ шунэ́н, нэ ёнэ пхарьякирдэ пэ́скирэ мэня. Ёнэ кэрдэ́ фуеды́р пэ́скирэ дадэндыр.


Нэ ёнэ ґаздынэ́пэ пэ Ма́ндэ, ёнэ на камэнас тэ кандэ́н Ман, нико́н на отчхурдыя джунгалэ́ и́долы пэ́скирэ якхэ́ндыр, ние́кх на мэкця́ Египто́скирэ и́долы. И Мэ пхэндём: “Вычхувава мэ пэ лэ́ндэ Миро холямипэн и Мэ отхава Мири́ холы́ пэ лэ́ндэ пэ пхув.


И Мэ бичхававас кэ тумэ́ сарэ́ Мирэ́ дынарье́н, пророкэ́н, Мэ бичхававас тася́рлэс (ра́нэс) злокостыр лэн, ракири́: “Рисён акана́, кажно (сва́ко) екх тумэ́ндыр пэ́скирэ бибахталэ́ дромэ́стыр, лачхакирэн (кэрэ́н фэдэды́р) пэ́скирэ рэ́нды, и на псирэ́н тэ кэрэ́н паты́в явирэ дэвлорэ́нгэ, тэды тумэ́ явэ́на тэ дживэ́н пэ пхув, со Мэ дыём тумэ́нгэ и тумарэ́ дадэ́нгэ.” Нэ тумэ́ на причхудэ пэ́скиро кан, и на кандынэ́ Ман.


Дро дава́ часо (цы́ро) ёнэ явэ́на тэ кхарэ́н Ерусалимо Ра́скирэ-Дэвлэ́скиро троноса, и сарэ́ манушэ́нгирэ на́цыи кэдэнапэ кхэтанэ́ кэ Ерусалимо и буты́р на явэ́на тэ псирэ́н накандунэс пир лэ́нгирэ пхарэ́ илэ.


Нэ ёнэ на камлэ́ тэ кандэ́н, отрисинэ Ма́ндыр, и кана́ пэ́скирэ оттырдынэ, соб (кай) тэ на шунэ́н.


Нэ амэ, чачэс ява́са тэ кэра́с пир кажно лав, со амэ пхэндям пэ́скирэ чиба́са: тэ хачкирас дро́га смо́лы болыбнытконэ дэвлорьякэ и тэ чхувас ла́кэ тхадунэ свэ́нта дыибэна́, сыр амэ кэрдя́м: амэ и амарэ́ дада́, амарэ́ кра́лья и амарэ́ тхага́рья дрэ фо́рья Юдэя́кирэ и пэ вули́цы (га́сы) Ерусалимо́скирэ. Палдава́ амэ́ндэ сыс бут маро́, амэ́нгэ сыс миштэ́с, и амэ на дыкхцям биба́хт.


Ту пририпирэсас лэ́нгэ тэ дживэ́н пир Зако́но, нэ ёнэ на лыджинэ́ пэ́скиро джиибэ́н адя́кэ, и на шундлэ́ Тырэ́ припхэныбэна́ и гинэ́ на долэ́ дромэ́са, сыр Тыро́ стату́то (уставо) ракирдя́, савэ́нца тэ явэ́л джидо́ ману́ш, ко́ли кэрдя́ бы пир стату́то (уставо), и думо пэ́скиро кэрдэ́ твардо и мэн пэ́скири рикирдэ вучэ́с и на кандэнас Тут.


И кэрдэ́пэ ёнэ нахрата (упряма), и на лынэ́ тэ кутякирэн Тут и ячкирдэ́ Зако́но, замардэ́ пророкэ́н, савэ́ дэ́нас лэ́нгэ годы́ тэ патяс дрэ Ту́тэ, и кэрдэ́ барэ́ калякирибэна.


Кадалэ́ бибахталэ́ мануша́ отпхэндлэпэ тэ шунэ́н Мирэ́ лава́, ёнэ дживэ́на пир пэ́скирэ пхарэ́ илэ, и ёнэ псирэ́на тэ кэрэ́н паты́в явирэ дэвлорэ́нгэ и тэ дынаринэ́н лэ́нгэ, и лэ́нца явэ́ла дова́, со кэрдя́пэ далэ́ кустыкаса.


нэ на кадасаво́-паць заве́то, саво́ Мэ счхудём дадэ́нца дро дывэ́с, ке́ли Мэ лыём лэн пало́ васт тэ лыджав лэн Египто́скирэ пхувья́тыр, – кодова́ заве́то ёнэ пхагирдэ́, на дыкхи́ пэ дова́, со Мэ со́мас Хула́й ваш лэ́нгэ’, – ракирэ́ла Рай Дэвэ́л.


И ёнэ загинэ́ и ухтылдэ́ дая́ пхув, нэ ёнэ на кандынэ́ Тыри́ зан, и ёнэ на кэрдэ́ пир Тыро́ Зако́но. Ёнэ сарэ́са на кэрдэ́ нисо́ далэ́стыр, со Ту припхэндян лэ́нгэ тэ кэрэ́н. Палдава́ Ту и кэрдя́н адя́кэ, соб (кай) сари́ дая́ биба́хт тэ явэ́л пэ лэ́ндэ.


Нэ Ереме́ё пхэндя́: “Ёнэ на выдэна тут. Шун, мэ манга́ва тут, зан Ра́скирэ-Дэвлэ́скири дро дова́, со мэ пхэна́ва ту́кэ, и тыро́ ди явэ́ла тэ дживэ́л.


Нэ тумэ́ на кандынэ́, и на причхудэ пэ́скиро кан, соб (кай) тэ рисён криг пэ́скирэ фуипнастыр, соб (кай) тэ на хачкирэ́н дро́га смо́лы явирэ дэвлорэ́нгэ.


“Со касынэлапэ лав, со ту пхэндя́н амэ́нгэ Ра́скирэ-Дэвлэ́скирэ лавэ́стыр, амэ на ява́са тэ шунас дава́ лав ту́тыр!


На явэ́н адасавэ́, сыр дада́ тумарэ́, кэ савэ́ пхэнэнас лав англэды́р пхуранэ́ проро́ки, ракири́: ‘Адя́кэ ракирэ́ла Рай Дэвэ́л, янголэ́нгирэ-болыбна́скиро: Рискирэ́н тумэ́ какана́ тумарэ́ фуе́ дромэндыр и тумарэ́ фуе́ бутендыр; нэ ёнэ на кандынэ́ и на шундлэ́ Ман’, – ракирэ́ла Рай Дэвэ́л.


И акана́, пал-дова́ со тумэ́ кэрдэ́ сарэ́ далэ́ бутя́, – пхэндя́ Рай Дэвэ́л, – и мэк Мэ и ракирдём тумэ́нгэ, сыр Мэ уштавас тася́рлэс (ра́нэс) пэ зло́ко (фра́нсо) и Мэ пхэндём, нэ тумэ́ на шундлэ́ Ман, и Мэ кхардём тумэн, нэ тумэ́ на отпхэндлэ́ Ма́нгэ:


‘Палэ кажна эфта́ бэрш мэкэ́н пэ во́ля кажнонэ́ (сваконэ) пэ́скирэ Юдос пшалэ́с, саво́ бикиндя пэс ту́кэ. Ке́ли ёв откэрэла буты́ пэ ту́тэ шов бэрш, бичхавэн лэс пэ́стыр пэ во́ля’” Нэ тумарэ́ дада́ на кандынэ́ Ман, и ёнэ на причхудэ пэ́скиро кан.


Палдава́ адя́кэ ракирэ́ла болыбна́скирэ-янголэ́нгиро Рай Дэвэ́л, Израилёскиро Дэвэ́л: “Акэ, Мэ яна́ва пэ Юдэ́я, и пэ сарэ́ манушэ́ндэ, кон дживэ́ла кэ Ерусалимо, саро́ фуипэ́н, со Мэ кхардём лэн, нэ ёнэ на отпхэндлэ́ Ма́нгэ.’”


Swiv nou:

Piblisite


Piblisite