Ереме́ё 11:6 - Библия - Пэ Балтитко Романи чиб (Романэс) 2019

⁶ Тэ́ньци пхэндя́ Рай Дэвэ́л ма́нгэ: ‘Пхэн зоралэ́с анги́л манушэ́ндэ сарэ́ кадалэ́ лава́ дрэ Юдэя́кирэ фо́рья, и пэ Ерусалимо́скирэ вули́цы (га́сы) кадасавэ́ лавэ́нца: “Шунэ́н кадалэ́ Заветоскирэ лава́ и выпхэрдякирэн лэн.”

Biblija - Pe Baltitko Romani čib (Romanes) 2019

⁶ Tén'ci phendiá Raj Devél mánge: ‘Phen zoralés angíl manušénde saré kadalé lavá dre Judejákire fórja, i pe Jerusalimóskire vulícy (gásy) kadasavé lavénca: “Šunén kadalé Zavietoskire lavá i vypherdiakiren len.”

Ереме́ё 11:6 Referans Kwoze

Jakov 1:22

Кэрэ́н саро́ пир Дэвлэ́скиро патяибэ́н, и, ко́ли тумэ́ фэ́ни шунэ́на, а на кэрэ́на адя́кэ, тэды тумэ́ хохавэна кокорэ́ пэс.

Римлянэнгэ 2:13

пал-дова́ со, на одолэ́ мануша́ исын чачунэ́ анги́л Дэвлэ́стэ, савэ́ шунэ́на Зако́но, а кодолэ́, савэ́ кэрэ́на пир Зако́но, ёнэ явэ́на зракхнэ́.

Joannostir 13:17

Ко́ли тумэ́ джинэ́на дава́, тумэ́ явэ́на бахталэ́, ко́ли и явэ́на тэ кэрэ́н адя́кэ-паць.

Ереме́ё 19:2

И джа́ кэ Еномоскиро [Геномоскиро-ю.о.] до́ло, саво́ исын пашы́л Пирье́нгири по́рта (Харшыфо) и пхэн зоралэ́с анги́л сарэ́ндэ лава́, савэ́ Мэ пхэна́ва ту́кэ.

Ереме́ё 7:2

“Тэрдёв дрэ по́рта анги́л Ра́скирэ-Дэвлэ́скиро Кхэр (Кхангири́), и пхэн зоралэ́с анги́л манушэ́ндэ дава́ лав и пхэн: “Шунэ́н Ра́скирэ-Дэвлэ́скиро лав сарэ́ тумэ́, кон исын Юдэя́тыр, савэ́ заджа́на пирда́л дая́ по́рта тэ отдэ́н паты́в Ра́скэ-Дэвлэ́скэ.

Ереме́ё 3:12

Джа́ и роспхэн (обзанякир) сарэ́нгэ далэ́ лава́ одо́й кэ паш-ратякири (шылалы) риг, кон исын одо́й дро пле́но, и пхэн: ‘Рисёв, отгиибнытко Израиле!’ -ракирэ́ла Рай Дэвэ́л, – ‘Мэ на ява́ва тэ дыкха́в холямэс пэ ту́тэ, пал-дова́ со Мэ сом лачхэ́-де́скиро и Мэ на ява́ва тэ рикирав холы́ пэ сарэ́ ве́ки.

Заха́рия 7:7

Ци на ‘дасавэ́ кокорэ́ лава́ пхэнэлас Рай Дэвэ́л англэды́р пирда́л ґаратунэ́ пророкэ́ндэ, сыр дро Ерусалимо сыс ишчо (инкэ́) бут мануша́ и покойныма, и дрэ пашылатунэ фо́рья, дрэ паш-дывэсы́тко (южно) риг и пэ Тэлатуны Пхув дживэ́нас бут мануша́?’”

Isajos 58:1

“Кхар зоралэ́ заня́са, на андырша; ґа́здэ тыри́ зан сыр ро́го (труба), сыка́в Мирэ́ народоскэ пэ лэ́скирэ налачхэ́ рэ́нды, сыка́в Яково́скирэ кхэрэ́скэ пэ лэ́скирэ грэ́хи.

Psalmy 15:5

Кон дэ́ла ловэ́ дро вужлыпэ́н би кофоскиро, кон на лэ́ла мыто (взятка) тэ ракирэ́л проти кодолэстэ, кон исын набанго. Кон кэрэ́ла адя́кэ, одова́ ману́ш ние́кхвар на змарэлапэ пэ́скирэ дромэ́стыр.

Ереме́ё 2:2

“Джа́ и пхэн ясвэ́нца дрэ манушэ́нгирэ [чхакирэ-р.с.] кана́ Ерусалимо́стыр, пхэни́: ‘Адя́кэ ракирэ́ла Рай Дэвэ́л: ‘Мэ рипирава тут, Израилё, савэ́ лачхэ́ сыс тырэ́ мануша́ тэрнал, тумари́ паты́в, со сыс сы́рбы тэрнэндэ анги́л совэ́л, сыр тумэ́ гинэ́ пал Ма́ндэ пэ чхучэ́ прахи, пэ пхув, со на чхудэ́ гива́ ишчо (инкэ́).

Яви́р Зако́но 4:1

И акана́, Израилё, шун упхэныбэна́ и зако́ны, савэ́ мэ сыклякирава тумэн тэ кэрэ́н, соб (кай) тумэ́ тэ явэ́н джидэ́, и тэ джа́н и тэ дорэсэн доя́ пхув, сави́ Рай Дэвэ́л, тумарэ́ дадэ́нгиро Дэвэ́л, дэ́ла тумэ́нгэ;

Яви́р Зако́но 4:5

Дыкхэ́н, мэ сыклякирдём тумэн упхэныбнэнгэ и законэнгэ, сыр ракирдя́ ма́нгэ Рай Дэвэ́л, Дэвэ́л миро, соб (кай) тумэ́ адя́кэ тэ кэрэ́н пэ доя́ пхув, дрэ сави́ тумэ́ заджа́на, соб (кай) тэ хулаинэн ла́са;