Ереме́ё 11:4 - Библия - Пэ Балтитко Романи чиб (Романэс) 2019

⁴ Саво́ Мэ припхэндём тумарэ́ дадэ́нгэ тэ кэрэ́н дро дывэ́с, ке́ли Мэ лыджиём лэн криг Египто́скирэ пхувья́тыр, саструнэ́ бовэстыр, пхэни́: ‘Кандэ́н Мири́ зан и кэрэ́н дова́ саро́, сыр Мэ припхэндём тумэ́нгэ, соб (кай) тумэ́ тэ явэ́н Мирэ́ мануша́, и, соб (кай) Мэ тэ явав тумаро́ Дэвэ́л;

Biblija - Pe Baltitko Romani čib (Romanes) 2019

⁴ Savó Me priphendjom tumaré dadénge te kerén dro dyvés, kiéli Me lydžijom len krig Jegiptóskire phuvjátyr, sastruné bovestyr, phení: ‘Kandén Mirí zan i kerén dová saró, syr Me priphendjom tuménge, sob (kaj) tumé te javén Miré manušá, i, sob (kaj) Me te javav tumaró Devél;

Ереме́ё 11:4 Referans Kwoze

Яви́р Зако́но 4:20

А тумэн лыя́ Рай Дэвэ́л и вылыджия́ тумэн саструнэ́ бовэстыр, Египто́стыр, соб (кай) тумэ́ тэ явэ́н Лэ́скирэ мануша́ Лэ́скирэ мэкнэ́ миштыпна́стыр, сыр дава́ акана́ бицяло́.

Левито 26:12

и Мэ ява́ва тэ псирав машки́р тумэ́ндэ, и Мэ ява́ва тумарэ́ Дэвлэ́са, а тумэ́ явэ́на Мирэ́ мануша́.

2 Коринфянэнгэ 6:16

Саво́ кхэтаныпэн исын машки́р Дэвлэ́скири кхангири́ и идолэ́нгирэ – мангипны́тко кхэр? Пал-дова́ со тумэ́ сан кхангири́ джидэ́ Дэвлэ́скири, сыр Дэвэ́л Кокоро́ пхэндя́: “Мэ ява́ва тэ джива́в машки́р лэ́ндэ и Мэ ява́ва тэ псирав машки́р лэ́ндэ. И Мэ ява́ва лэ́нгиро Дэвэ́л, и ёнэ явэ́на Мирэ́ мануша́.”

Заха́рия 8:8

Мэ яна́ва палэ лэн, и ёнэ лэ́на тэ дживэ́н кэ Ерусалимо, и явэ́на Мирэ́ мануша́ (манушэ́нца), и Мэ ява́ва лэ́нгиро Дэвэ́л, пир патяибэ́н и дро чачипэ́н.’

Ереме́ё 24:7

Тэ́ньци Мэ да́ва лэ́нгирэ илэскэ ла́ска тэ джинэ́л Ман, со Мэ сом Рай Дэвэ́л, и со ёнэ явэ́на Мирэ́ мануша́, и со Мэ ява́ва лэ́нгиро Дэвэ́л, пал-дова́ со ёнэ рисёна кэ Мэ сарэ́ илэ́стыр.

3 Kralip 8:51

Пал-дова́ со ёнэ исын Тырэ́ мануша́ и Тыри́ миштыпна́скири ме́ра, савья́са Ту вылыджиян Египто́стыр, саструнэ́ бовэстыр.

Заха́рия 13:9

И лыджа́ва Мэ до три́то паш дрэ яг, билякирава лэс, сыр билякирэна руп, и выжужакирава лэс, сыр жужакирэна сувнака́й: ёнэ лэ́на тэ кхарэ́н лав Миро. И Мэ вышунава лэн и отпхэнава: ‘Дава́ исын Мирэ́ мануша́,’ нэ ёнэ пхэнэ́на: ‘Рай Дэвэ́л исын Дэвэ́л миро!’”

Езэкилё 37:23

На явэ́на тэ магирэ́н пэс идолэнца и пэ́скирэ джунгалэ́ рэндэ́нца и пэ́скирэ чорипнаса, нэ Мэ зракха́ва лэн сарэ́ штэтэ́ндыр, кай ёнэ дживэ́нас дрэ грэ́хи, жужакирава лэн, и ёнэ явэ́на Мирэ́ мануша́, а Мэ ява́ва лэ́нгиро Дэвэ́л.

Езэкилё 36:28

И явэ́на тумэ́ тэ дживэ́н пэ пхув, сави́ Мэ дыём тумэ́нгэ, и тумэ́ явэ́на Миро народо, а Мэ ява́ва тумаро́ Дэвэ́л.

Езэкилё 14:11

соб (кай) тэ на дурьёл буты́р Израилёскиро кхэр Ма́ндыр, и тэ на кэрэ́н пэс магирдэса пэ́скрэ чорипна́стыр, нэ, соб (кай) тэ явэ́н ёнэ Мирэ́ мануша́, и соб (кай) Мэ тэ явав Лэ́нгиро Рай Дэвэ́л, Дэвэ́л.’”

Езэкилё 11:20

соб (кай) ёнэ тэ псирэ́н пир Мирэ́ стату́ты, и тэ рикирэнпэ кэ Мирэ́ упхэныбэна́, и тэ кэрэ́н пир лэ́ндэ и ёнэ явэ́на Мирэ́ мануша́, а Мэ ява́ва лэ́нгиро Дэвэ́л.

Ереме́ё 30:22

Тумэ́ явэ́на Мирэ́ мануша́, и Мэ ява́ва тумаро́ Дэвэ́л.’”

Ереме́ё 26:13

Акэ, палдава́ парувэн кэ фэды́р тумарэ́ дрома́, и дова́, со тумэ́ кэрэ́на, и кандэ́н зан Раскири-Дэвлэ́скири, тумарэ́ Дэвлэ́скири, тэды Рай Дэвэ́л потангинэла (пожалинэла) пал доя́ биба́хт, со Ёв выпхэндя пэ тумэ́ндэ.

Яви́р Зако́но 11:27

бахтякирибэ́н, ко́ли тумэ́ шунэ́на припхэныбэна́ Ра́скирэ-Дэвлэ́скирэ, тумарэ́ Дэвлэ́скирэ, савэ́ мэ ракира́ва тумэ́нгэ ададывэ́с,

Левито 26:3

Ко́ли тумэ́ явэ́на тэ кэрэ́н пир Мирэ́ упхэныбэна́, и Мирэ́ припхэныбэна́ явэ́на тэ ракхэ́н и тэ кэрэ́н пир лэ́ндэ,

Džiibén 17:8

и Мэ да́ва ту́кэ и тырэ́-чхавэ́нгирэ родо́скэ пало́ ту́тэ Мэ да́ва дая́ пхув, пир сави́ ту псирэса, сари́ Ханаано́скири пхув, сыр тыро́ миштыпэ́н пэ ве́ко; и Мэ ява́ва лэ́нгиро Дэвэ́л.”

Юдэ́нгэ 5:9

и ке́ли Христо́со кэрдя́ кэ ко́нцо / яго́ро (сполниндя) дава́ саро́, Ёв яця́ и тэ зракхэ́л манушэ́н пэ сарэ́ ве́ки, савэ́ кандэ́на Лэс,

Матфеё 28:20

сыклякирэ́н лэн тэ кэрэ́н саро́, со Мэ припхэндём тумэ́нгэ. И, акэ, Мэ сом тумэ́нца кэ векоскиро ко́нцо (яго́ро).”

Заха́рия 6:15

Дуралыпнастыр явэ́на и кхэтанэ́ явирэнца лэ́на тэ ґаздэ́н Кхангири́ Ра́скирэ-Дэвлэ́скири, и тумэ́ доджинэнапэ, со янголэ́нгиро-болыбна́скиро, Рай Дэвэ́л, бичхадя́ ман кэ тумэ́, и дава́ явэ́ла, ке́ли тумэ́ зоралэ́с лэ́на тэ кандэ́н зан тумарэ́ Ра́скирэ-Дэвлэ́скири.”

Езэкилё 37:27

Мири́ ша́тра явэ́ла лэ́ндэ; и Мэ ява́ва лэ́нгиро Дэвэ́л, а ёнэ явэ́на Миро народо.

Ереме́ё 32:28

Палдава́, акэ, со, – ракирэ́ла Рай Дэвэ́л: “Акэ, Мэ да́ва дава́ фо́ро дро васт Халдеенгиро дро васт Навуходоносороскиро, крали́скэ, Вавилоноскирэскэ, и ёв лэ́ла дава́ фо́ро.

Isajos 48:10

Акэ, Мэ биладём (росплавиндём) тут, нэ на адя́кэ, сыр руп; Мэ пропатякирдём тут сыр дро бов пир барэ́ мэ́ньки.

1 Kralip 15:22

И отпхэндя́ Самуи́ло: “Нау́што цэ́ло схачкирибэ́н и свэ́нта яныбэна́ Ра́скирэ-Дэвлэ́скирэ пэ ада́кицы исын дро́га Ра́скэ-Дэвлэ́скэ сыр тэ кандэс Ра́скирэ-Дэвлэ́скири зан? Кандыпэн исын фэды́р свэнтонэ́ яныбнастыр и тэ пришунэспэ кэ Рай Дэвэ́л исын фэды́р бакрэскирэ масэстыр;

Vygiiben 20:6

и Мэ кэра́ва лачхипэ́н кэ тысёнцы ро́ды, конэ́скэ сом дро́го Мэ, и кон ракхэ́ла дрэ годы́ Мирэ́ упхэныбэна́.

Isajos 30:6

Пхарипэ́н пасёла пэ грэ́ндэ, савэ́ джа́на пэ паш-дывэ́с (юго), пир пхув, кай тасавэна и притасавэ́на, каты́р выджа́на саплыня и кармуса (мышы), савэ́ вурняна; ёнэ лыджа́на пэ ослэндэ пэ́скиро барвалыпэ́н и пэ верблюдэндэ пэ́скиро кучипэ́н, лыджа́на кэ народо, савэ́стыр ничи́ лачхо́ на прилэ́на (нисаво́ лачхипэ́н на явэ́ла).

Ереме́ё 11:7

Пал-дова́ со Мэ барэ́ ласкаса допхэна́вас тэ ракхэ́нпэ тумарэ́ дадэ́нгэ дро дывэ́с, сыр Мэ лыджиём лэн криг Египто́скирэ пхувья́тыр аж кэ ададывэсатуно дывэ́с, уштыи тася́рлэс пэ зло́ко (пэ ра́нко) и допхэна́вас лавэ́нца: “Кандэ́н мири́ зан.”

Ереме́ё 38:20

Нэ Ереме́ё пхэндя́: “Ёнэ на выдэна тут. Шун, мэ манга́ва тут, зан Ра́скирэ-Дэвлэ́скири дро дова́, со мэ пхэна́ва ту́кэ, и тыро́ ди явэ́ла тэ дживэ́л.

Дание́лё 3:26

Тэ́ньци подги́я о Навуходоносо́ро кэ яго́ро (краё) бовэскиро, саво́ сыс росхачкирдо яга́са, и пхэндя́: “Шэдрахо, Мешахо и Авед-Него, писха́рья Дэвлэ́скирэ Най Вучэдырэскирэ! Джа́н яври́ и явэ́н пашылэды́р!” Тэ́ньци Шэдрахо, Мешахо и Авед-Него выгинэ́ андрэстыр ягатыр.

Яви́р Зако́но 5:6

“Мэ сом Рай Дэвэ́л (Яхва́), Дэвэ́л тыро́, Саво́ вылыджия́ тут Египто́скирэ пхувья́тыр, писхарибнаскирэ кхэрэ́стыр;

4 Kralip 18:6

И прилипниндя ёв кэ Рай Дэвэ́л, и на отгия́ Лэ́стыр, и ракхця́ Лэ́скирэ припхэныбэна́, савэ́ припхэндя́ Рай-Дэвэ́л Мойза́скэ.