Ереме́ё 10:9 - Библия - Пэ Балтитко Романи чиб (Романэс) 2019

⁹ Руп, савэ́стыр исын чикадэ чарэ́, яндлэ́ Таршыностыр, сувнака́й Уфазостыр, сарэ́ ёнэ исын бутя́ мастероскирэ пир сувнака́й: голубово и пурпурно урибэ́н исын пэ кадалэ́ и́долы: ёнэ исын джиндлэ́-манушэ́нгирэ бутя́.

Biblija - Pe Baltitko Romani čib (Romanes) 2019

⁹ Rup, savéstyr isyn čikade čaré, jandlé Taršynostyr, suvnakáj Ufazostyr, saré jone isyn butiá mastieroskire pir suvnakái: golubovo i purpurno uribén isyn pe kadalé ídoly: jone isyn džindlé-manušéngire butiá.

Ереме́ё 10:9 Referans Kwoze

Psalmy 115:4

[12] Нэ лэ́нгирэ и́долы (хоханэ́ дэвлорэ́) исын рупэ́стыр и сувнака́стыр, савэ́ манушэ́нгирэ васта́ кэрдэ́:

Дание́лё 10:5

и ґаздыём мэ мирэ́ якха́, и дыкхцём: акэ, екх мурш, уридо́ дро ґандладытко (лёнытко) урибэ́н, и кусты́к пэ лэ́стэ сыс сувнака́стыр Уфазостыр.

Isajos 40:19

Спецо тэ вычхинэл кэрэ́ла идоло, сувнакунари учхакирэ́ла лэс сувнака́са, прикэрэла кэ ёв руповэ зандирорья (цэпочки).

3 Kralip 10:22

Пал-дова́ со крали́стэ сыс пэ мо́рё (дэрья́в) Фарсискирэ па́рмы Хирамоскирэ пармэнца; дрэ трин бэрш е́кхвар явэ́лас Фарсискирэ па́рмы, савэ́ янэ́на сувнака́й и руп, и слонытко кокало, и порьялэн (обезьянэн), и павлинэн.

Езэкилё 27:12

Фарсисо, Тыро́ тимисяри (торговцо), конэ́стэ сыс баро́ барвалыпэ́н, плэскирэлас пал дова́, со ту бикнэсас, рупэ́са, састырэса, моловиса (свинцоса), волывоса (оловоса).

Psalmy 72:10

Фарсисоскирэ кра́лья, и савэ́ исын пир островы (джипа́), янэ́на дань, а Арабиякирэ и Абисиниякирэ кра́лья чхувэ́на анги́л да́ры:

Isajos 23:6

Пиритрадэн дро Фарсисо, ровэ́н, мануша́лэ, савэ́ дживэ́на пэ островы!

Езэкилё 27:7

Россудэ похтана (полотны) Египто́стыр мэкэнас пэ тырэ́ балвалунэ́ (па́русы), ёнэ сыс тыро́ сцяго (флаго); синя и лолэ́ тхана (ткани) Елисакирэ островэндыр учхакирэнас тут.

Jona 1:3

И Ёна уштыя́, соб (кай) тэ нашэ́л кэ Фарсисо Ра́стыр-Дэвлэ́стыр (сыр Лэ́скиро проро́ко). Ёна гия́ тэлэ́ кэ Иопия, плэскирдя ловэ́ пал па́рма (кораблё), бэсця́ пэ ла́тэ, и традыя́ лэ́нца кэ Фарсисо, соб (кай) тэ нашэ́л Ра́скирэ-Дэвлэ́скирэ якхэ́ндыр.

Avakumo 2:19

Бида пэ лэ́стэ, кон ракирэ́ла пэ кашт: “Джангадёв (ушты́)!”, кашукэ (мутонэ) барэскэ: “Ушты́!” Ци явэ́ла ёв тэ сыклякирэ́л? Акэ, ёв исын пиричхудо сувнака́са и рупэ́са, нэ нанэ джидо́ ду́хо (фа́но) дрэ лэ́стэ.

2 Паралипоменоно 9:21

Палдава́ со па́рмы крали́скирэ псирдэ́ дрэ Фарсисо Хирамоскирэ дынарье́нца, и дрэ трин бэрш е́кхвар рисёна па́рмы Фарсисостыр, и янэ́нас сувнака́й и руп, слонытко кокало, и порьялэн (обезьянэн), и павлинэн.

Osija 8:6

И дава́ гуруворо адя́кэ-паць Израилёстыр: графа́ри (спецо тэ рисынэл) вычхиндя дава́, и палдава́ ёв исын на дэвэл. Кадава́ гуруворо Самариякиро явэ́ла пхагирдо́ пэ котэра́.