Ереме́ё 10:7 - Библия - Пэ Балтитко Романи чиб (Романэс) 2019

⁷ Ци исын вари-кон, саво́ на дарэ́ла Ту́тыр, манушэ́нгирэ Крали́стыр? Пал-дова́ со чачипэ́н исын дро дова́, соб (кай) тэ дарэ́н Ту́тыр; пал-дова́ со машки́р сарэ́ годэ́ манушэ́ндэ дрэ манушы́тка на́цыи, и сарэ́ лэ́нгирэ кралипэна́ нанэ ние́кх, саво́ тэ явэ́л кадасаво́, сыр Ту сан, Раё Дэ́вла!

Biblija - Pe Baltitko Romani čib (Romanes) 2019

⁷ Ci isyn vari-kon, savó na daréla Tútyr, manušéngire Kralístyr? Pal-dová so čačipén isyn dro dová, sob (kaj) te darén Tútyr; pal-dová so maškír saré godé manušénde dre manušýtka nácyi, i saré léngire kralipená nane nijékh, savó te javél kadasavó, syr Tu san, Rajo Dévla!

Ереме́ё 10:7 Referans Kwoze

Sykadyipén 15:4

Кон исын одова́, саво на дарэ́ла Ту́тыр, Раё Дэ́вла, И кон на славинэла Тыро́ Лав? Пал-дова́ со Ту сан Екх Свэ́нто, пал-дова́ со сарэ́ мануша́ явэ́на, и ёнэ поклонинэнапэ патыва́са анги́л Ту́тэ пал-дова́, со Ту чачунэ́с приджинэса манушэ́н анги́л бангипэн!”

Psalmy 22:28

Сарэ́ яго́ры (краи́) пхувья́кирэ явэ́на тэ рипирэ́н, и тэ рисён кэ Рай Дэвэ́л, и сарэ́ Наюды́тка ро́ды поклонинэнапэ патыва́са Ту́кэ.

Ереме́ё 10:6

Нанэ ние́кх, кон исын кадасаво́, саво́ Ту сан, Раё Дэ́вла! Ту сан баро́ и Тыро́ лав исын баро́ пир Тыро́ зоралыпэ́н.

Ереме́ё 5:22

Со да тумэ́, на дарэ́на Ма́ндыр? – пхэндя́ Рай Дэвэ́л. “Со да тумэ́, на явэ́на тэ тринскирэнпэ анги́л Ма́ндэ? Ма́ндыр, Кон кэрдя́ прахостыр ме́жа морёскэ вечнонэ статутоса, соб (кай) мо́рё (дэрья́в) тэ на пириджал? И мэк лэ́скирэ валны чхурдэ́ла упрэ́, нэ ёнэ на лэ́на упралыпэ́н, ёнэ ривинэна, нэ ёнэ нашты́ (на могинэ́на) тэ пириджан пирда́л дая́ ме́жа.

Psalmy 89:6

И болыбна́скирэ Янго́лы явэ́на тэ шарэ́н Тут пал Тырэ́ ди́вы, Раё Дэ́вла, адя́кэ-паць пал Тыро́ патяибэ́н пэ свэнтонэнгиро скэдыибэ́н.

Luka 12:5

Нэ Мэ сыкава́ва тумэ́нгэ, конэ́стыр трэй тэ дарэ́н: дарэ́н кодолэстыр, конэ́стэ исын зоралыпэ́н тэ чхурдэл тумэн дро геена. Чачо́, Мэ пхэна́ва тумэ́нгэ: дарэнпэ лэ́стыр!

Заха́рия 2:11

– И припрастана кэ Рай Дэвэ́л бутджинэ мануша́ дрэ дова́ дывэ́с и ёнэ явэ́на Лэ́скирэ мануша́; и Ёв лэ́ла тэ дживэ́л дрэ тумэ́ндэ андра́л, и тумэ́ доджинэпэ, янголэ́нгирэ-болыбна́скиро Рай Дэвэ́л бичхадя́ Ман кэ ту.

Isajos 2:4

Ёв явэ́ла тэ сэндякирэ́л бут народы, Ёв сыкавэ́ла сэндарискиро лав кэ бут ро́ды; пирикэрэна пэ́скирэ курталы (мечы) пэ плуги (пхарадя) и чхурдыпнытка бустя́ (коп΄и) пэ чхиндлэ́ (серпы), на явэ́на тэ сыклён сыр, тэ лыджа́н марибэ́н.

Psalmy 86:9

Сарэ́ на́цыи, савэ́ Ту создыян, явэ́на и дэ́на паты́в Ту́кэ. О, Раё Дэ́вла, ёнэ дэ́на сла́ва Тырэ́ лавэ́скэ.

Psalmy 76:7

Тырэ́ дара́тыр, Яково́скиро Дэвэ́л, мэрибнытко вурдэ́н, адя́кэ-паць и грай сы́рбы тасадынэ тэ совэн.

Psalmy 72:11

чачо́, сарэ́ кра́лья пэрэ́на пэ чанга́ анги́л Лэ́стэ, сарэ́ на́цыи явэ́на тэ дынаринэ́н Лэ́скэ.

Sykadyipén 11:15

И эфта́то (битринэнтиро дэ́што) Янго́ло пхурдыя дрэ пэ́скиро ро́го (труба): и сыс зоралэ́ заня́ пэ болыбэ́н, со ракирдэ́: “Свэтытко Кралипэ́н амарэ́ Ра́скирэ-Дэвлэ́скиро и Лэ́скирэ Христосо́скиро явдя́ и Ёв явэ́ла тэ кралинэн пэ сарэ́ ве́ки.”

1 Коринфянэнгэ 8:6

нэ амэ́ндэ ж исын екх Дэвэ́л Дад, Саво́ создыя́ саро́ и ваш Савэ́скэ амэ дживаса; и исын екх Рай Дэвэ́л, Ису́со Христо́со, пир Савэ́стэ саро́ яця́ и пир Савэ́стэ амэ дживаса.

Vygiiben 8:10

Ёв пхэндя́: “Атася́.” Мо́йза отпхэндя́: “Явэ́ла пир тыро́ лав, соб (кай) ту тэ джинэ́с, со нанэ никонэ́с, сыр Рай Дэвэ́л, Дэвэ́л амаро́;

Vygiiben 9:14

пал-дова́ со дава́ мо́ло Мэ бичхава́ва сарэ́ Мирэ́ мэрибнытка фра́нсы (язвы) дро тыро́ ило́, и пэ тырэ́ дынарьендэ, и пэ тырэ́ манушэ́ндэ, соб (кай) ту тэ джинэ́с, со нанэ адасавэс, сыр Мэ сом, пир сари́ пхув;

Isúso 4:24

соб (кай) сарэ́ пхувья́кирэ мануша́ уджиндлэ́, со васт Ра́скирэ Дэвлэ́скиро исын зорало́, и соб (кай) тумэ́ тэ дарэ́н Ра́стыр-Дэвлэ́стыр, Дэвлэ́стыр тумарэстыр, дрэ сарэ́ дывэса́.

Ester 1:13

И пхэндя́ кра́ли манушэ́нгэ, савэ́ джиндлэ́ ґаратунэ́ дывэса́, – пал-дава́ со крали́скирэ рэ́нды кэрдэ́ анги́л сарэ́ндэ манушэ́ндэ, савэ́ джиндлэ́ Зако́но и лыджинэ́ сэнды.

Дание́лё 2:27

Дание́лё отпхэндя́ анги́л крали́стэ и ракирдя́: “Гарадо́ чачипэ́н, пал саво́ пхучэла о кра́ли, нашты́ тэ откэрэн ни годыпнаскирэ (тануки), ни човаханэ.

Дание́лё 2:28

Нэ исын пэ болыбэ́н о Дэвэ́л, Саво́ откэрэла гарадэ́ чачипэна́; и Ёв откэрдя крали́скэ Навуходоносороскэ, со явэ́ла дрэ палатунэ́ (последня) дывэса́. Тыро́ суно́ и дыкхибэна трэ шэрэскирэ пиро́ тыро́ чхуибэ́н сыс дасавэ́:

Avakumo 3:2

Раё Дэ́вла! Мэ шундём Тыри́ зан и дарандыём. Раё Дэ́вла! Кэр нэвэ́стыр Тырэ́ рэ́нды дро амарэ́ часы, кэр адя́кэ, соб (кай) тэ джинэ́н тырэ́ рэ́нды машкира́л амарэ́ часы. На дыкхи́ пэ дова́, со Ту холясыян пэ амэ́ндэ, сыка́в Тыри́ ла́ска.

Малахия 1:11

Мирэ́ лавэ́скэ явэ́ла бари паты́в машки́р Наюды́тка на́цыи (народы), одотхы́р, кай кхам уштэ́ла и кэ дова́ штэ́то, кай кхам заджа́ла. Пэ кажно штэ́то дрогонэ́-смолакиро тхувипэн явэ́ла Ма́нгэ, жужо́ свэ́нто дыибэ́н; ваш дова́, со Мирэ́ Лавэ́скэ явэ́ла бари паты́в машки́р Наюды́тка на́цыи,” – ракирэ́ла янголэ́нгирэ-болыбна́скиро Рай Дэвэ́л.

4 Kralip 17:39

Екхэ Ра́скэ-Дэвлэ́скэ (Яхваскэ), Дэвлэ́скэ тумарэскэ, дэн паты́в, и Ёв зракхэ́ла тумэн сарэ́ тумарэ́ вэргэ́нгирэ (врогэнгирэ) вастэ́стыр.”

1 Паралипоменоно 16:25

Пал-дова́ со баро́ исын Рай Дэвэ́л и исын мол, соб (кай) тэ шарэ́н Лэс, Ёв исын даранэдыр сарэ́ явирэ дэвлорэндыр.

Psalmy 47:3

Со Рай Дэвэ́л, Са́мо (Най) Вучэды́р, дэла дар, Ёв исын баро́ Кра́ли пир сари́ пхув!

Psalmy 86:8

Нанэ ние́кх дасаво машки́р дэвлорэндэ, сыр Ту сан, Раё Дэ́вла, ние́кх на кэрэ́ла дасавэ́ бутя́, сыр Ту.

Psalmy 147:5

Амаро́ Рай Дэвэ́л исын баро́ и древа́н зоралыпнаскиро, нанэ ме́ра пэ Лэ́скиро годыпэ́н.