Ереме́ё 10:5 - Библия - Пэ Балтитко Романи чиб (Романэс) 2019

⁵ Далэ́ и́долы исын сы́рбы вычхиндло сты́лбо пэ фэ́лда, ёнэ на ракирэ́на, лэн лыджа́на, пал-дова́ со ёнэ на псирэ́на. На дар лэ́ндыр, пал-дова́ со ёнэ на могинэ́на тэ кэрэ́н вари-сави́ биба́хт (чорипэ́н), адя́кэ-паць ёнэ на кэрэ́на ни саво́ лачхипэ́н.”

Biblija - Pe Baltitko Romani čib (Romanes) 2019

⁵ Dalé ídoly isyn sýrby vyčhindlo stýlbo pe félda, jone na rakiréna, len lydžána, pal-dová so jone na psiréna. Na dar léndyr, pal-dová so jone na moginéna te kerén vari-saví bibáht (čoripén), adiáke-pac' jone na keréna ni savó lačhipén.”

Ереме́ё 10:5 Referans Kwoze

Isajos 46:7

Ёнэ лэ́на лэс пэ псикэ́, лыджа́на лэс, чхувэ́на пэ лэ́скиро штэ́то, ёв исын тэрдо́, ёв на зджа́ла штэто́стыр; мануша́ годлэна, нэ ёв ничи́ на пхэнэ́ла, на ракхэ́ла бидатыр.

1 Коринфянэнгэ 12:2

Тумэ́ джинэ́на, со анги́л дова́, сыр тумэ́ ячнэ́ тэ патя́н Христосо́скэ, тумэ́ псирдэ́ екхэ́ немонэ́ идоло́стыр кэ яви́р, савэ́ сы́рбы лыджинэ́ тумэн.

1 Коринфянэнгэ 8:4

пал хабэ́н, саво́ янэ́на сыр свэ́нто дыибэ́н идолэ́нгэ, амэ джина́са, со идоло дава́ исын хохано́ дэвлоро дро свэ́то, со Дэвэ́л фэ́ни Екх исын, и яви́р нанэ.

Avakumo 2:19

Бида пэ лэ́стэ, кон ракирэ́ла пэ кашт: “Джангадёв (ушты́)!”, кашукэ (мутонэ) барэскэ: “Ушты́!” Ци явэ́ла ёв тэ сыклякирэ́л? Акэ, ёв исын пиричхудо сувнака́са и рупэ́са, нэ нанэ джидо́ ду́хо (фа́но) дрэ лэ́стэ.

Isajos 46:1

Пыя́ Вило [Бэл-ю.о.], пыя́ Нево; лэ́нгирэ и́долы пасёна пэ грэ́ндэ и гурувэндэ, пхаро́ лэ́нгэ дава́ тэ лыджа́н кхинэ мурдалэ́нгэ!

Isajos 45:20

Скэдэ́нпэ, явэ́н, подджан сарэ́, кон зракхцяпэ народо́стыр. Мэк тэ явэ́н одолэ́ дылынэ́ и бура, кон лыджа́ла каштуно идоло, кон мангэлапэ дэвлорэскэ, саво́ на зракхэ́ла.

3 Kralip 18:26

И ёнэ лынэ́ гуруво́рэс, саво́ сыс дыно́ лэ́нгэ, и яндлэ́ лэс дро свэ́нто дыибэ́н, и кхарэнас лав Ваалоскиро злокостыр (ранкостыр) кэ пашдывэс, ракири́: “Ваале, шун амэн!”

Ереме́ё 10:14

Кажно ману́ш ячэ́ла буро [дылыно́-р.с.] биджиныбнаскиро, кажно сувнакэнгиро мастеро явэ́ла ладжакирдо́ вычхудэ́ идолостыр, пал-дова́ со дава́ биладо идоло исын хохано́, и нанэ ду́хо (фа́но) дрэ лэ́стэ.

Яви́р Зако́но 4:28

И тумэ́ явэ́на одо́й тэ дынаринэ́н дэвлорэ́нгэ, савэ́ кэрдэ́ манушэ́нгирэ васта́ каштэ́стыр и барэстыр, савэ́ на дыкхэ́на и на шунэ́на, и на ха́на, и на сунгавэна.

2 Паралипоменоно 25:15

И захачи́я холы́ Ра́скирэ-Дэвлэ́скири пэ Амасиястэ, и бичхадя́ Ёв кэ ёв пророко́с, и одова́ пхэндя́ лэ́скэ: “Со́скэ ту прастаса кэ дэвлорэ́, далэ́-манушэ́нгирэ, савэ́ на зракхнэ́ пэскирэн манушэ́н тырэ́ вастэ́стыр?”

Isajos 16:12

И адя́кэ явэ́ла: ке́ли явэ́ла бицяло́, со Моа́во кхинёла пэ вучэ́ штэ́ты, тэ́ньчи ёв явэ́ла пэ свэ́нто штэ́то тэ мангэ́лпэ Дэвлэ́скэ, нэ лэ́стэ нисо́ на выджа́ла.